လက်ချားသုံးကြတယ်လို့ ပြောတယ်။ ဘာအတွက်သုံးပြီး ဘယ်လိုကောင်းလဲဗျ။ သုံးရမယ့်နည်းလမ်း ပေးကြပါဦး။

ယူရီးယားနှင့်လက်ချား အသုံးပြု၍ ပဲမျိုးစုံ အထွက်တိုးအောင် ပြုလုပ်နည်း (၁) ပဲမျိုးစုံ သီးနှံများအတွက် အစေ့အဆန်ပြည့်ဝစေရန်နှင့် အပွင့်များမှ ရွက်ကြွေခြင်းများ ကာကွယ်ရန် ပန်းပွင့် ချိန်မှ နိုက်ထရိုဂျင်ဓာတ် (ပုလဲ) နှင့် ဘိုရွန် (လက်ချား) လိုအပ်ပါတယ်။ (၂) မြေတစ်ဧကအတွင်း အစေ့ (၁.၆) တင်း ထုတ်ပေးနိင်လျှင် တစ်ရက်လျှင် နိုက်ထရိုဂျင် ၁.၅ ပြည် ရှိရန် လိုအပ် သည်။ (၃) မြေဆီလွှာတွင် နိုက်ထရိုဂျင်ဓာတ် များစွာ ရှိနေသော်လည်း မြေတစ်ဧကမှ ပဲပင်ဆီသို့ နိုက်ထရိုဂျင်ဓာတ် ၀.၆ ပြည် အမြင့်ဆုံး ပံ့ပိုးပေးနိုင်သည်။ (၄) ဘိုရွန်ဓာတ်(လက်ချား) သည် ပဲမျိုးစုံ သီးနှံပင်များအတွက် အရေးကြီးသော အနည်းလိုအာဟာရ ဖြစ်သည် ။ မြေဆီလွှာ အတွင်း ပါဝင်မှု နည်းနေတတ်သည်။ (၅) လက်ချား(ဘိုရွန်) ဓာတ်သည် မြေချဉ်တွင် စီးဆင်းလျှင် အလွယ်ကူဆုံးရှုံးတတ်ပြီး မြေငန်တွင် မြေကြီး၌ တွယ်ကပ်နေ၍ အပင်မှ ကောင်းစွာ မရရှိနိုင်ပါ။ (၆) ထို့ကြောင့် ပန်းပွင့်ချိန်မှစ၍ ပဲမျိုးစုံသီးနှံပင်များကို ပုလဲ နှင့် လက်ချား ရောစပ်ပက်ဖျန်းပေးရန် လိုအပ် ပါ သည်။ ကုန်ကျစာရိတ်နည်းပြီး အာဟာရဓာတ်ပါဝင်မှုသေချာခြင်း၊ ပန်းပွင့်ကာလ ရှည်ခြင်း၊ သီးတောင့်များ၏ အစေ့အရည်အသွေးကောင်းခြင်း၊ ပိုးမွှားရောဂါဒဏ် ခံနိုင်ရည် ရှိခြင်းစသည့် အကျိုးကျေးဇူးများ ရရှိစေပါသည်။ (၇) ပဲမျိုးစုံ သီးနှံများတွင် ပန်းပွင့်ချိန်မှ စ၍ သီးကင်းစတင်ဝင်ချိန်ထိ ပုလဲနှင့် လက်ချားကို ပန်းဖြိုင်ဖြိုင် ပွင့်ချိန် တွင် တစ်ကြိမ် ဖျန်ပက်ပေးခြင်းဖြင့် အထွက်နှုန်း ၂၀ မှ ၄၀ ရာခိုင်နှုန်းထိ တိုးလာနိုင်ပါသည်။ (၈) ဖျော်စပ်နည်းမှ ရေတစ်ဂါလံတွင် ပုလဲ ဟင်းစားဇွန်း ၄ ဇွန်း နှင့် လက်ချားမှုန့် ဟင်းစားဇွန်း(၁) ဇွန်းကို ပျော်အောင်ဖျော်ပါ။ (မှတ်ချက်-ပရဆေးဆိုင်မှ လက်ချားခဲများကို ဝယ်ယူရရှိနိုင်ပြီး အပူပေး၍ ပေါက်ပေါက်ကဲ့သို့ ဖြစ်လာချိန်တွင် အမှုန့်ပြုလုပ် အသုံးပြုပါ။ သို့မဟုတ် လက်ချားမှုန့်ကို ဝယ်ယူအသုံးပြုပါ။) (မှတ်ချက်-ပရဆေးဆိုင်မှ လက်ချားခဲများကို ဝယ်ယူရရှိနိုင်ပြီး အပူပေး၍ ပေါက်ပေါက်ကဲ့သို့ ဖြစ်လာချိန်တွင် အမှုန့်ပြုလုပ် အသုံးပြုပါ။ သို့မဟုတ် လက်ချားမှုန့်ကို ဝယ်ယူအသုံးပြုပါ။) (၉) တစ်ဧကတွင် တစ်ကြိမ်လျှင် ဖျော်စပ်ပြီးသား အာဟာရရည် ဂါလံ ၂၀ ကို နံနက်စောစော၊ ညနေစောင်းနှင့်၊ နေအေးသော အချိန်တွင်ပက်ဖျန်းပါ။ (၁၀) တစ်ဧက အတွက် လက်ချားမှုန့် ၂၀ ကျပ်သားနှင့် ပုလဲ တစ်ပြည်လိုအပ်ပါသည်။ စိုက်ပျိုးရေးဉီးစီးဌာန