ခြောက်လ မာလကာစိုက်ပျိုးနည်း သိချင်လို့ပါ

အကိုတစ်ယောက်ရေးထားတာ တိုက်ဆိုင်လို့ ပြန်ပြောပြတာပါ။ ၆လသား အသီးသီးတယ် ပျိုးရောင်းတဲ့ လူအတော်များ လက်သုံးစကားပေါ့နော်။မလကာက ၆လမျိုး ၆လကျော်တာနဲ့သီးတယ်။ပျားလိမ္မော်ဆို ၃နှစ်အသီးရပြီ။ယိုးဒယား ပိန္နဲ ၃နှစ်တောင်မနေဘူး သီးတယ် စသဖြင့် ရောင်းလေ့ရှိပါတယ်။ကျွန်တော် သူတို့လိမ်ရောင်းနေတယ် လို့မပြောပါဘူး။အမှန်က ၆လ ဆိုသီးတာက အသီးစမ်းတာပါ။၃နှစ်သီးတာလည်း ထိုနည်းဌင်းပါပဲ။ ကျွန်တော် ပြောတာ ဟုတ်မဟုတ် နောက်ဆက်တွဲပြသနာတွေနဲ့ ရှင်းကြချင်ပါတယ်။မာလကာ ၆လမျိုး အပင်တွေမှာ များသောအားဖြင့် မြေထုပ်ဆည်းအပင်တွေများပါတယ်။အစေ့ပျိုးက ၁နှစ်ကျော်မှသီးပါလိမ့်မယ်။မာလကာ အပင်သဘောက အညွန့် တလတညွန့်ထွက်ပါတယ်။အညွန့်ထွက်တိုင်း ပန်းပြပြီး အသီးသီးပါတယ်။အပင်တို့ရဲ့သဘောသဘာဝက သူ့အချိန်မဟုတ်ပဲ သူ့အရွယ်နဲ့ မလိုက်တဲ့အသီးဆို သူ့ဟာသူ ခြွေချသလို လူအကူညီနဲ့ခြွေရပါတယ်။အသီးကို မချိမဆန့် အပင်သက်တန်းမပြည့်ပဲ ယူမယ်ဆိုရင် အပင်သေတဲ့အထိ ဖြစ်တတ်ပါတယ်။သိသာတဲ့ ဥပမာပေးရမယ်ဆိုရင် လိမ္မော် ကော်ဖီ သံပုရာကို ပေးရပါလိမ့်မယ်။ပျားလိမ္မော် တပင်အကြောင်းအရင်ပြောမယ်ဆိုရင် ၂လမှာတကြိမ် ရွက်နုထိုးလေ့ရှိပါတယ်။အင်္ဂလိပ်လများနဲ့ပြောမယ်ဆိုရင် ဇန်နဝါရီ မတ် မေ ဇူလိုင် စက်တင်ဘာ ဆိုပြီး ထွက်ပါတယ်။စက်တင်ဘာလ နဲ့ ဇန်နဝါရီလ မှာ အအေးဓာတ်ပိုမှုကြောင့် အရွက်နုထွက်ညံ့တတ်တယ်။မတ်လရွက်နုနဲ့ ဇူလိုင်လ ရွက်နုနဲ့အတူပါတတ်တဲ့ ပန်းကို အသီးယူလေ့ရှိတယ်။ဒါပေမယ့် အပင်သက်တန်း၃နှစ်ကနေ ၅နှစ်အတွင်း အသီးကို အရေအတွက် ကန့်သတ်ပြီး ယူကြရတယ်။အဲဒီမှာ လိမ္မော်စ်ုက် အဖွဲ့တွေပြောနေကျ Body weigh မျှတမှုဟာ အရေးပါလာပါပြီ။အပင်သက်တမ်းနဲ့ သိပ်မဆိုင်လှပါဘူး။အပင်ပြုပြင်ထိန်းသိမ်းကောင်းမွန်မှု အပင်လုပ်ဆောင်နိုင်မှု အပေါ်အခြေခံကျလာပါတယ်။အပင်ဟာ ၂နှစ်အတွင်း ၄ပေအထက်ဖြစ်နေမယ်ဆို အသီး ၁၀လုံး အပင်အမြင့် ၅ပေ ၆ပေ အပင်တက်နှုန်းကောင်းပြီဆို အလုံး ၃၀-၅၀ အပင်သက်တန်း ၄နှစ်အထက် အပင်အလုပ်လုပ်နှုန်းပြည့်စုံမှ အလုံး၁၀၀ နောက်ပိုင်း ၅နှစ်ကျော်မှ အပင်သီးနိုင်သလောက် ထားလေ့ရှိပါတယ်။ တကယ်လို့ အခုကျနော်ပြောသလို မဟုတ်ပဲ ပန်းပွင့်တိုင် အသီးသီးတိုင်း အသီးယူမယ်ဆို အသီးအရည်အသွေး အပင် ကြီးထွားမှု အပင်သက်တန်း ကအစ ဘယ်လိုမှ ယှဉ်နိုင်မှုမရှိပါဘူး။အဆိုးဆုံးက Dieback အပင်သူငယ်ပြန်ပြသနာကို ရင်ဆိုင်ရပါလိမ့်မယ်။ ဥပမာ ဆိုကြစမ်းဆိုရင် အသက်မပြည့်ပဲ ကလေးမွေးခိုင်းသလို ဖြစ်ပြီး အပင်မတက် တဲ့အပြင် သေတဲ့အထိ ဖြစ်တတ်တယ်။ ဒီတော့ ပျိုးပင်တွေ အသီးယူမယ်ဆိုရင် အပင်နဲ့ အသီးမျှတအောင်တွေးပါ။ချင့်ချိန်ပါ။အသီးယူတာ အပင်အသက်နဲ့ဆိုင်ပေမယ့် တိတိကျကျ မဆိုင်ပါဘူး ဆိုတာ သိကြပါစေ။ Last Leaf 9.July.2016