နနွင်းအထွက်တိုးအောင်ဘယ်လိုလုပ်ရမလဲ နနွင်းခင်းထဲကပေါင်းတွေဘယ်လိုဆေးမျိုးဖြန်းသတ်ရမလဲ နနွင်းမသေးတဲ့ပေါင်းသတ်ဆေး...

နနွင်းစိုက်ပျိုးမည့်မြေတွင် ဦးစွာ နွားချေးဆွေး ချပေးရပါမယ်။ ပြီးနောက် ထယ်ထိုး ထွန်မွှေ ပေးရပါမယ်။ ထွန်ရေးညက်ပြီဆိုသည့်အခါ အလျား ပေ ၃၀၊ အနံ ၃ ပေ၊ အမြင့် ၉ လက်မခန့်ရှိ စိုက်ဘောင်ကလေးများပြုလုပ်ရပါမယ်။ ထို့နောက်စိုက်ဘောင်များပေါ်တွင် စိုက်မြောင်းများကို တစ်မြောင်းနှင့် တစ်မြောင်း တစ်ပေခန့်ခြားလျက် ကန့်လန့်ဖော်ပေးရပါမယ်။ စိုက်မည်ဆိုလျှင် နနွင်းတက်မှ ခေါင်းကိုဖြတ်၍ဖြစ်စေ အတက်များကိုဖြစ်စေ ခွဲ၍ မြောင်းငယ်ကလေးများ ၌ တစ်ခုနှင့် တစ်ခု ၅ လက်မ ၆ လက်မခန့်ခြားပြီး စိုက်ပျိုးရပါမယ်။ ထို့နောက်မြောင်းငယ်ကလေးများ အပေါ်သို့ မြေမှုန့်အနည်းငယ်ဖြူးချပေးရပါမယ်။ နနွင်းတက်များကို စိုက်ပျိုးပြီးသည့်အခါ စိုက်ခင်းကို အစိုဓာတ်ရရှိရန် ရေသွင်းပေးရပါမယ်။ ကြားကာလများမှာ အစိုဓာတ်ပေါ်မူတည်ပြီးလိုအပ်သလို ရေသွင်းပေးရပါမယ်။ စိုက်ပြီး ၇ လကြာပါက အရွက်များ ဝါလာမည်ဖြစ်ပြီး နနွင်းတက်များကို တူးဖော်နိုင်ပါသည်။ ကိုးကားချက် - သုတေသီဆရာငြိမ်း (စားပင်ဟင်းရွက်သီးနှံများ စိုက်ပျိုးနည်း)