သရက်၂နှစ်သားနဲ့၅နှစ်သားကိုမိုးနှောင်းကာလမှာဓာတ်မြေသြဇာဘယ်လိုကြွေးရမလဲရှင့်..ဘယ်လောက်ကြွေးရမလဲဆိုတာကျေးဇူးပြု၍...

သရက် ၂နှစ်သား မြေသြဇာ N;P;K ( ၃;၁;၁) နှုန်းရောစပ်ပြီး တစ်ကီလို ( အလေးချိန်အနေနဲ့ခြောက်ဆယ့်နှစ်ကျပ်ခွဲသား ) ရောစပ်ပြီး ကျွေးသင့်ပါတယ်။ ၅နှစ်သား က အထက်ပါရောစပ်နည်းအတိုင်း အသီးခူးပြီးတာနဲ့ ၂ကီလို ကျွေးသင့်ပါတယ်။ သဘာဝ မြေဆွေး ( သို့ ) နွားချေးဆွေး ( တရိစ္ဆာန် စွန့်ပစ်သည့် ချေးတစ်မျိုးမျိုး မှတ်ချက် ဆွေးမြေ့နေပါစေ ) အနည်းဆုံး ငါးကီလိုမှ ၈ ကီလို မိုးဦးနဲ့မိုးနှောင်း အထက်ပါ ဓါတုမြေသြဇာများနဲ့ ရောစပ်ပြီး ကျွေးသင့်ပါတယ်။ ကျွေးရမယ့်နေရာက နေ့လယ်ခင်း ၁၂ နာရီ နေရောင်ခေါင်းပေါ်ကျတဲ့အခိျိန် အပင်အရိပ်ဝိုင်း ဧရိယာအစပ်ကနေ အတွင်း တစ်ပေခန့်အကွာ ( အပင်အစာစားမည့်နေရာကို ) မြေခြောက်လက်မလောက်အနက် စက်ဝိုင်းပုံတူးပြီး ထည့်ပေးပါ။ မြေသြဇာ ထည့်ပြီးတိုင်း အဆိုပါနေရာကို ရေဝဝလောင်းပေးပါ။

ငါးအမိုင်နိုအက်စစ်လုပ်နည်းကိုတော့ Greenway မှာ ရှာဖတ်နိုင်ပါတယ်ခင်ဗျာ့။ လူကြီးမင်းတို့ သုံးရတာအဆင်ပြေရင် တခြားလူများကိုများလည်း ပြန်လည် မျှဝေပေးပါဦးခင်ဗျာ့။

ငါးအမိုင်နိုအက်စစ်ကျွေးနိုင်ပါတယ် ရေသန့်ဘူးခွံတစ်ဖုံးကို ရေတစ်လီတာနဲ့ ရောပြီး အပင်ကို ရွက်ဖြန်းအနေနဲ့သုံးနိုင်ပါတယ် အပင်အောင်ခြေတွေလည်း လောင်းနိုင်ပါတယ်။