မြေငံရင်ဘယ်လိုပြုပြင်ရမလဲ ဆရာတို့

Question

U Aye Naing · Answer

စိုက်ပျိုးမြေသမမျှတမှု(မချဥ်.မငန်) ရှိမှသာလျှင် မြေထဲမှာရှိတဲ့အာဟာရဓာတ်နဲ့ထည့်ကျွေးတဲ့ဓာတ်မြေသြဇာ/သဘာဝမြေသြဇာတွေကို အပင်ကကောင်းစွာစုပ်ယူစားသုံးနိုင်မှာပါ။ချဥ်လွန်း ငန်လွန်းရင် အပင်ကအလွယ် တကူမစားသုံးနိုင်တော့ပါဘူး။အကောင်းဆုံးနည်းကတော့(မြေချဥ်/မြေငန် ၂ခုစလုံး) သစ်စိမ်းမြေသြဇာကိုနှစ်စဥ်အသုံးပြုခြင်းပါဘဲ။၁နှစ်ထဲနဲ့မြေပြုပြင်လို့မရနိုင်ဘူးဆိုတာလည်းသိထားသင့်ပါတယ်။မြေထဲမှာနဂ်ိုက တည်းကသံဓာတ်..ကန့်ဓာတ်တွေများနေမယ်,ပုလဲမြေသြဇာအသုံးများရင်,ရေနေရေထိုင်အမြဲရှိနေရင် မြေချဥ်တတ်ပါတယ်။မိုးခေါင်ရေရှားမြန်မာနိုင်ငံအလယ်ပိုင်းဒေသရှိမြေအများစုက ငန်ပါတယ်။သစ်စိမ်းမြေသြဇာနဲ့မြေကိုပြုပြင်နိုင်သလို မြေချဥ်ဆိုရင် ထုံး/ပိုတတ်ဆီယမ်မြေသြဇာ ထည့်ပေးခြင်းဖြင့်တဖြည်းဖြည်းပြင်သွားနိုင်ပါတယ်။ ၁ဧကကို ထုံး..၁နှစ်မှာ ၁တန်လောက်နှုန်းနဲ့ မြေချဥ်ကိန်းပေါ်မူတည်ပြီး အနည်းဆုံး ၃နှစ်နဲ့အထက်ဆက်တိုက်ထည့်ပေးရပါမယ်။မြေငန်ကို ဂျစ်ပဆမ်ကျောက်မှုန့် /ကန့်မှုန့်(ဆာလ်ဖာ) တွေထည့်ပြီးပြုပြင်ပေးရပါမယ်။ဂျစ်ပဆမ်ကျောက်မှုန့် ၁ဧကမှာ အိတ်အသေး(၂၅ကီလို) ၂အိတ်နှုန်းနဲ့ နှစ်စဥ်ထည့်ပေးရပါမယ်။ဖြစ်နိုင်ရင် သစ်စိမ်းမြေသြဇာကိုသုံးစေချင်တယ်။ကောင်းတာကတော့ ပဲမျိုးရင်းဝင်အပင်တွေကို ကိုယ့်သီးနှံ မစိုက်ခင်၁လ..၁လခွဲခန့်မှာကြိုပြီး စိုက်မယ်.ပန်းပွင့်ချိန်(၁လ ကျော်ကျော်)မှာအပင်အစိတ်ပိုင်းအားလုံးကိုထယ်ထိုးမြေမြှုပ်ပြီးဆွေးအောင်နှပ်ထားလိုက်ပါ။ထယ်မှောက်ပြီး၁၀ရက်ခန့်မှာကိုယ့်ရဲ့ဝင်ငွေရသီးနှံစိုက်နိုင်ပါပြီ။သစ်စိမ်းမြေသြဇာရဲ့ကောင်းကျိုးက မြေချဥ်/မြေငန်ကို ပြောင်းလဲလာစေတယ်.မြေမွရွလာတယ်.အစိုဓာတ်ထိမ်းနိုင်တယ်.သစ်ဆွေးဓာတ်များစွာရရှိတယ်.မြေမှအာဟာရများ/ ကျွေးလိုက်သောမြေဆီများကို အလွယ်တကူစားသုံးလာနိုင်ပါတယ်။သစ်စိမ်းမြေသြဇာမှာအကောင်းဆုံးအပင်က ပဲမျိုးရင်းဝင်အပင် ပိုက်ဆံလျှော်ဘဲဖြစ်ပါတယ်။

Thein Htet Oo · Answer

ဟုတ် ကျေးဇူးတင်ပါတယ်ဗျ

ကျော့နန္ဒာစိုး · Answer

ဂျပ်ပဆမ်၊ ကျောက်မှုန့်တို့ကို မြေခံမှာထည့်သွင်းပေးပါ။ ဓာတုမြေသြဇာနဲ့ ပိုးသတ်ဆေး မှိုဆေးတွေကို မသုံးပါနဲ့။ အဏုဇီဝဖျော်ရည်၊ သစ်ရွက်စိမ်း၊ နွားချေး၊ ကျောက်မှုန့်တို့ကိုပဲ များများထည့်ပေးပါ။ ထယ်ရေးနက်နက်မထိုးပဲ အပေါ်ယံလျှပ်ထိုးစနစ်လောက်ပဲ ထိုးပေးပါ။

မြေငံရင်ဘယ်လိုပြုပြင်ရမလဲ ဆရာတို့

ဖြေကြားချက် ၃ ခု