စပါး နီးတိုဆွဲလျှင်ဘာဆေးသုံးရမလည်

နီတို (၂) မျိုးရှိပါသည်။ သံဆိပ်သင့်ခြင်း(Irontoxicity) နှင့် သမန်းပူမိခြင်း (Organic)ကြောင့် ဖြစ်ပေါ်ကြောင်း သိစေအပ်ပါသည်။ သံအဆိပ်သင့်ခြင်းကို လယ်သမားများက “စပါးပင်များ” နီပြီးအပင်ပုတိုနေသောကြောင့် နီတုဟုသတ်မှတ်ပါသည်။ ယနေ့ မြန်မာ့ဆန်စပါး ထုတ်လုပ်မှု များတွင် မျိုးစေ့ကပ်လောက်အောင် ကောင်းကောင်း၊ စိုက်ပျိုးမြေတွင် သံဓါတ်များလွန်ကဲစွာ ဖြစ်ပေါ်နေပါက ဤကဲ့သို့လက္ခဏာဖြစ်ပေါ်စေပါသည်။ အချို့ကမှားယွင်းစွာဖြင့် ပိုးသတ်ဆေး၊ မှိုသတ်ဆေးများ သုံးစွဲကြပြီး အနာတခြားဆေးတခြား ဖြစ်နေကြပါသည်။ အဓိကဖြစ်ရပ်မှာ ပိုတက်စီယမ်ဓါတ် ချို့တဲ့မှုကြောင့်ပြသော ဤလက္ခဏာအပေါ် စွတ်ရွတ်ထင်ရာစိုင်းပါက၊ ပေါ့စေလို၍ကြောင်ရုပ်ထိုး ဆေးအတွက်လေးဖြစ်စေပါသည်။ ထို့ကြောင့်စာရေးသူ၏ဆန္ဓနှင့် အတွေ့အကြုံအရ၊ အာဟာရဓါတ်ချို့တဲ့မှုကို မလေ့လာဘဲ မသင့်တော်သော အတွေးအခေါ်၊ အယူအဆ လမ်းမှားမရောက်စေလိုသောကြောင့် ဖော်ပြလိုက်ရပါသည်။ ဒုတိယနီတိုလက္ခဏာမှာ စပါးပြီးစပါး (မိုးစပါးပြီးနွေစပါးစိုက်ခင်း) ခင်းများတွင်လက်အပုပ် (decomposition) မဖြစ် တော့ဘဲ ၎င်းစပါးစိုက်ရိုးပြတ်မှ ထွက်ပေါ်လာသော အော်ဂဲနစ်အက်ဆစ်များကြောင့် နွေစပါးပင် များ နီတိုဖြစ်ပေါ်စေပါသည်။ ၎င်းပြဿနာကို C/N ratio ခေါ် ကာဗွန်နှင့် နိုက်ထရိုဂျင်အချိုး လျော့နည်းစေရန်အတွက် ပုလဲဓါတ်မြေသြဇာဖြင့် ပျောက်ကင်းနိုင်ပါသည်။