တမာပိုးသတ်ဆေးအကြောင်းလေးသိချင်ပါတယ်ခင်ဗျ

တမာရွက်စိမ်ရည် တမာရွက် (၂၅) ကျပ်သားကို နုတ်နုတ်စင်းပြီး ရေ (၁) ဂါလံ တွင် တစ်ညစိမ်ပါ။ ၎င်း စိမ်ရေကို ရေ (၄) ဂါလံ လျှင် နို့ဆီခွက် (၁) ခွက် ထည့်ပြီး ဖျန်းပေးပါက ပိုးမွှားများတိုးပွားမှုကို လျော့နည်းစေသည်။

တမာပိုးသတ်ဆေးမှာ အာနိသင် (၃) မျိုးနဲ့ ပိုးကိုဖျက်ဆီးပါတယ်။ ပထမအဆင့် အနေဖြင့် ခန္ဓာကိုယ်ကို ကြီးထွားအောင် ပြုလုပ်ပါတယ်။ juvenile hormone (ရှင်သန်ကြီးထွားနိုင်မှု) ဟော်မုန်းတမျိုး တမာတွင် ပါဝင်ပါတယ်။ ပိုးလောက်ကောင်အဆင့်တွင် အရွက်ပေါ်ရှိချိန်မှာ အစာစားချိန် တမာမှထုတ်လွတ်တဲ့ ဟော်မုန်းက သူတို့ ကိုယ်တွင်း ပါးစပ်ကနေ ရောက်သွားလေ့ရှိပါတယ်။ ပိုးကောင် စက်ဝန်းတွင် သားလောင်း (lava) မှတဆင့် ရုပ်ဖုံး (pupa)၊ ထိုမှ တဆင့် အရွယ်ရောက် အကောင်အဆင့်၊ နောက်တမျိုးက သားလောင်း lava မှ အရေခွံလဲခြင်း (moulting)၊ ထိုမှ အရွယ်ရောက်ကောင်အဆင့်ဆိုပြီး ရက်အကန့်အသတ်အလိုက် ဘဝစက်ဝန်း ပြောင်းလဲပါတယ်။ ဒါပေမယ့် တမာပိုးသတ်ဆေး ကြောင့် အကြိမ်ရေများများ ထိဖူးသော ပိုးလောက်ကောင်သည် သားလောင်း pupa အဆင့် အရေခွံလဲခြင်း moulting အဆင့်သို့ မရောက်တော့ပဲ ခန္ဓာကိုယ် ကျုံလှီကုန်တတ်သည်။ ဆေးအတန်အသင့် ထိသောအကောင်များ သို့မဟုတ် သားလောင်း pupa၊ အရေခွံလဲနေသော moulting အဆင့်တွင် ထိသောပိုးများဟာလည်း အရွယ်ရောက်ကောင်အဆင့် မရောက်တော့ပေ။ အကယ်လို့ အကောင်ကြီးအဆင့် ရောက်ရင်တောင် မြုံနေသော အကောင် အထီးကောင်များသာ ဖြစ်လာစေသောကြောင့် ပိုးပြနိ့ပွားမှုကို ထိန်းချုပ်နိုင်ပါတယ်။ တမာဆီ၊ တမာအရွက်တို့ကို အခြေခံထုတ်လုပ်တဲ့ တမာပိုးသတ်ဆေးဟာ ပိုးအပြင် မှို၊ ဘက်တီးရီးယား တို့ကို ကာကွယ်ပေးပါသေးတယ်။ တမာကြိတ်ဖတ်ကို အမှုန့်အဖြစ် ပြောင်းလဲကာ လယ်ယာများတွင် ကျဲပက်ပါက မြေတွင်းအောင်းပိုးများဖြစ်တဲ့ ငမြောင်တောင်၊ ဖိုးလမင်းကျိုင်းကဲ့သို့ အကောင်များကို ကာကွယ်သလို တမာကြိတ်ဖတ်တွင် နိုက်ထရိုဂျင် ၂-၅%၊ ဖော့စဖရပ် ဝ.၅-၁%၊ ပိုတက်ဆီယမ် ၁-၂%၊ ကယ်လစီယမ် ဝ.၅-%၊ မဂ္ဂနီဆီယမ် ဝ.၃-၁ %၊ ဆာလဖာ ဝ.၂-% ပါဝင်တာကြောင့် မြေဩဇာဆိုလျှင်လည်း မမှားချေ။ ၁၀၀% အော်ဂဲနစ်မြေဩဇာဆိုလျှင် တမာကြိတ်ဖတ်ကို ဆိုနိုင်ပါတယ်။ ခန့်ဇော်ထက် ACOM