ဆိတ်တွေ ဆီးချုပ် ဝမ်းချုပ်ရောဂါ ဟာ ဆိတ်မွေးမြူရေးမှာ တော်တော်များများ တွေ့ရပါတယ် အဓိက အချက်တွေထဲက အချက်တချက်က...

ဆိတ်တွေ ဆီးချုပ် ဝမ်းချုပ်ရောဂါ ဟာ ဆိတ်မွေးမြူရေးမှာ တော်တော်များများ တွေ့ရပါတယ် အဓိက အချက်တွေထဲက အချက်တချက်ကတော့ ဆိတ်တွေအတွက် အလွယ်တကူ သောက်နိုင်ရန် သောက်ရေ သန့်သန့် ကို ထားရှိပေးရန် ပျက်ကွက်မှုကြောင့်လို့ ဆိုနိုင်ပါတယ် ဆိတ်တွေဟာ အစားအစာ စားတဲ့အခါမှာ အစာခြောက်ကိုသာစားလေ့ရှိပါတယ် အစာအစိုကို စားတာနည်းပါးပါတယ် (ချွင်းချက် အရွက်များ စားတာကိုမဆိုလိုပါ အရွက်မျာကို ပုံမှန်စားသော်လည်း ရေစိုနေသောအရွက်များကို စားလေ့မရှိပါ အလေ့အကျင့်လုပ်ထားသော ဆိတ်အနည်းအကျင်းတော့ စားတာရှိနိုင်ပာတယ်) ဆိတ်တွေရဲ့ ဘူမိနက်သန်လို့ပြောလို့ရတဲ့ ဒေသတွေက ပူပြင်းခြောက်သွေ့တဲ့ဒေသ တွေဖြစ်တဲ့အတွက် အစာခြောက်ကို စားလေ့စားထရှိကြတာဖြစ်ပါတယ် အစာခြောက်ကိုစားပြီး ရေကိုအလွယ်တကူ မသောက်နိုင်တာကစပြီး ဆီးချုပ် ဝမ်းချုပ်ဖြစ်လာပါတယ် ဆိတ်တွေဟာ အစာစားတဲ့အခါမှာဖြစ်ဖြစ် ရေသောက်တဲ့အခါမှာဖြစ်ဖြစ် သန့်ရှင်းမှုကိုနှစ်သက်ကြပါတယ် အစာစားတဲ့အခါမှာ အစာခွက်ထဲကဖြစ်ဖြစ် အရွက်စားတဲ့အခါဖြစ်ဖြစ် အောက်ကျတဲ့အစာကို စားလေ့စားထမရှိပါဘူး အလားတူ ရေထဲမှာ အမှိုက်ကျတာဖြစ်ဖြစ် ဆိတ်အမွေးတွေကျနေတာဖြစ်ဖြစ် သောက်လေ့မရှိပါဘူး အဲ့ဒါကြောင့် ဆိတ်သောက်ရေကို သန့်ရှင်းပြီး အလွယ်တကူသောက်နိုင်အောင် စီစဉ်ပေးသင့်ပါတယ် ဆိတ်မွေးမြူသူတွေရဲ့ ဆိတ်ခြံတော်တော်များများကို ရောက်လို့ ကြည့်လိုက်ရင် ဆိတ်သောက်ရေကို အဆင်သင့်သောက်နိုင်ဘို့ ဇလားနဲ့ထည့်ထားတာ အိုး ခွက်နဲ့ထည့်ထားတာကို မြင်ရတာ နည်းသလို သန့်ရှင်းအောင်ထားပေးတာလဲ နည်းပါတယ် ဆိတ်သောက်ရေကို မနက်တကြိမ် နေ့လည်တကြိမ် ညနေတကြိမ် လဲလှယ်ဆေးကြောပြီး အသစ်ပြန်ထည့်ပေးသင့်ပါတယ် မိမိရဲ့ဆိတ်တွေ ဆီးသွားသလား ဝမ်းသွားသလား ဆိုတာကိုလဲ အမြဲမပြတ် ကြည့်ရှူ့သင့်ပါတယ် ဆီးချုပ် ဝမ်းချုပ်ဖြစ်ပြီဆိုရင်တော့ ဆပ်ပြာ (သို့)ဆပ်ပြာရေကို ဆိတ်ရဲ့ ဖင်အတွင်းပိုင်ရောက်အောင် ထည့်ပေးပြီး ဝမ်းချူ နိုင်ပါတယ် အဲ့လိုဝမ်းချူတဲ့အခါမှာ ဆိတ်ရဲ့ မစင်တွေဟာ ဖင်အတွင်းပိုင်းအဝမှာ စမြင်းတုံးအဖြစ် ခံပြီးပိတ်နေတတ်ပါတယ် အဲ့ဒီ့စမြင်းတုံးတွေကို ကုန်စင်သည်အထိ နှိုက်ထုတ်ပေးပြီးမှသာ ဆပ်ပြာ /ဆပ်ပြာရေကို ထည့်ပေးသင့်ပါတယ် ဆီးချူတာကတော့ ကြက်သွန်နီ ကို အခွံမခွာဘဲ ထက်ခြမ်းခွဲပြီး ဆိတ်ရဲ့တန်ဆာကို ပွတ်ပေးရပါမယ် ၃မိနစ်ခန့် ပွတ်ပေးပြီး ခဏစောင့်ကြည့်တာနဲ့ ဆီးသွားတာကို တွေ့မြင်ရပါမယ် အခုလို ဆီးချူ ဝမ်းချူတာက ချက်ချင်းအဆင်ပြေအောင် ဆောင်ရွက်ရတာဖြစ်ပြီး ပြီးရင်တော့ ဆိတ်ကိုရေသောက်နိုင်အောင် ရေသောက်ဖြစ်အောင် နည်းလမ်းမျိုးစုံသုံးပြီး ရေများများသောက်ဖြစ်အောင် စဉ်းစားဆောင်ရွက်ပေးမှသာ သက်သာပျောက်ကင်းမှာဖြစ်ပါတယ် ဘယ်ရောဂါဖြစ်ဖြစ် မဖြစ်တာကောင်းသလို မဖြစ်အောင်လဲ ကြိုတင်ကာကွယ် ဆောင်ရွက်သင့်ပါကြောင်း အကြံပြုအပ်ပါတယ်