မတ်ပဲကို မှိုဆေးဖျန်းပြီးဘယ်နှစ်ရက်နေရင် အားဆေးဖျန်းသင့်လဲ ပိုးသတ်ဆေးကိုဘယ်နှစ်ရက်တစ်ကြိမ်ဖျန်ရင်အကောင်းဆုံးလဲ

@Saw Samson မတ်ပဲစိုက်ခင်းတွင် မှိုဆေးဖျန်းပြီးနောက် ပဲပင်မှ ဆေးအာနိသင်ကို ကောင်းစွာစုပ်ယူနိုင်ရန်နှင့် ဆေးနှစ်မျိုးဓာတ်ပြု၍ ပဲပင်အရွက်လောင်ခြင်းမှ ကာကွယ်ရန်အတွက် အနည်းဆုံး ၃ ရက်မှ ၅ ရက်အထိ ခြားပြီးမှသာ အားဆေး (ရွက်ဖျန်းမြေသြဇာ) ကို ဖျန်းသင့်ပါတယ်ခင်ဗျာ။ ပိုးသတ်ဆေးဖျန်းရမည့် အကြိမ်ရေမှာ စိုက်ခင်းအခြေအနေပေါ် မူတည်ပြီး ပိုးမွှားကြိုတင်ကာကွယ်ရန်အတွက်ဆိုလျှင် ၁၀ ရက်မှ ၁၄ ရက် (၂ ပတ်) လျှင် တစ်ကြိမ်၊ ပိုးမွှားအမှန်တကယ် ကျရောက်ဖျက်ဆီးနေပါက ၇ ရက်မှ ၁၀ ရက်လျှင် တစ်ကြိမ် နှုန်းဖြင့် စိုက်ခင်းကို ပုံမှန်စစ်ဆေးပြီး စနစ်တကျ ခွဲခြားပက်ဖျန်းပေးရပါမယ်။ ဆေးဖျန်းရာတွင်လည်း ပဲပင်ဆေးဒဏ်မနာစေရန် နေပူချိန်ကိုရှောင်၍ နံနက်စောစော သို့မဟုတ် ညနေ နေအေးချိန်တွင် ဖျန်းပေးရန် လိုအပ်ပါတယ်ခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ