နေပြည်တော်တပ်ကုန်းဈေးရှိ ဟင်းသီးဟင်းရွက်များတွင် ပိုးသတ်ဆေးများ အလွန်အကျွံသုံးစွဲထား

Green Way • 23/01/2018

နေပြည်တော်ကောင်စီ နယ်မြေ၊ တပ်ကုန်းဈေးတွင် ရောင်းချနေသည့် ဟင်းသီး၊ ဟင်းရွက် အရောင်းဆိုင်များ ၃၀ ကျော်အား အောက်တိုဘာ ၁၃ ရက်နေ့က FDA မှ ရှောင်တခင် ဝင်ရောက်စစ်ဆေးရာ ပိုးသတ်ဆေးများ အလွန်အကျွံ သုံးစွဲထားကြောင်း အစားအသောက်နှင့် ဆေးဝါး ကွပ်ကဲရေး ဦးစီးဌာန မှ သိရှိရသည်။
အစားအသောက်နှင့် ဆေးဝါး ကွပ်ကဲရေး ဦးစီးဌာန (FDA) မှ ဒုတိယ ညွှန်ကြားရေးမှူး ဒေါက်တာ ထွန်းလင်းအောင်က “တပ်ကုန်းမှာ ဝင်စစ်လိုက်တော့ ပိုးသတ်ဆေးတွေ အလွန်အကျွံ သုံးစွဲထားတာ တွေ့တယ်။ စိုက်တဲ့ တောင်သူက ဆေးဖြန်းတာ ဗဟုသုတ နည်းလို့ ဖြစ်တာ။” ဟု ဧရာဝတီသို့ ပြောသည်။

တပ်ကုန်းဈေး အတွင်းမှ ဟင်းသီးဟင်းရွက်များကို ဝယ်ယူပြီး ဓာတ်ခွဲစစ်ဆေးရာတွင် ပိုးသတ်ဆေး အလွန်အကျွံ သုံးစွဲထားသည့် ပန်းမုန်လာ၊ ဂေါ်ဖီထုပ်၊ ဂေါ်ရခါးသီး၊ ပဲဇောင်းလျားသီး၊ ရွှေပဲသီး၊ ဖရုံညွှန့်နှင့် မုန်ညှင်းရွက်များတွင် တွေ့ရှိခြင်း ဖြစ်သည်။

ဟင်းသီး၊ ဟင်းရွက် အများဆုံးစိုက်ပျိုးသည့် လယ်ဝေးမြို့နယ်၊ သဲကောကြီးကျေးရွာ စိုက်ခင်းအထိ သွားရောက်၍ အောက်တိုဘာ ၁၃ ရက်နေ့က အသိပညာပေး ဆွေးနွေးမှုများ ပြုလုပ်ခဲ့ကြောင်း သိရသည်။

ဒေါက်တာ ထွန်းလင်းအောင်က “သူတို့ကိုလည်း အသိပညာပေးတယ်။ စိုက်ခင်းထဲကနေ ဈေးကွက်ထဲ ပို့မယ့် အသီးအရွက်တွေကို Mobile lab နဲ့ တခါတည်း စစ်တယ်။ တချို့ တောင်သူတွေ ကျတော့လည်း ဆေးဖြန်းပြီး ရက် ၂၀ နေမှ ဈေးကွက်ထဲ ပို့ရမယ်ဆိုတော့ ဆေးဖြန်းတဲ့ ရက်ကို မှတ်တမ်းမှတ်ရာ ထားတဲ့ တောင်သူမျိုးလည်း တွေ့ရတယ်။” ဟု စိုက်ခင်းအတွင်း သွားရောက်စစ်ဆေးမှု အခြေအနေကို ပြောကြားသည်။

ပိုးသတ်ဆေး အလွန်အကျွံ အသုံးပြုထားသည့် ဟင်းသီးဟင်းရွက်များအား စားသုံးမိပါက အော့အန်ခြင်း၊ မူးဝေခြင်း၊ ဝမ်းလျောခြင်း၊ အသက်ရှူကျပ်ခြင်း၊ တက်ခြင်းနှင့် ရေရှည် စားသုံးမိပါက ကင်ဆာ ရောဂါအထိ ဖြစ်ပွားနိုင်ကြောင်း ဒေါက်တာထွန်းလင်းအောင်က ရှင်းပြသည်။

နေပြည်တော် အာဟာရ သုခဈေး ကုန်စိမ်းအရောင်းဆိုင်မှ ဒေါ်မြလင်းက “ ရောင်းလာတဲ့ သက်တမ်း မနည်းတော့ဘူး။ ဟင်းရွက်ဟင်းသီး လာစစ်တာ ဒီတခါပဲ ရှိသေးတယ်။ ကိုယ်စိုက်တာ မဟုတ်တော့ ပိုးသတ်ဆေး ဘယ်လောက်သုံးတယ် ဆိုတာတော့ မပြောတတ်ဘူးလေ။” ဟု ပြောသည်။

အာဟာရ သုခဈေးအတွင်း ရောင်းချနေသည့် ဟင်းသီး ဟင်းရွက် အမယ်ပေါင်း ၃၀ ကိုလည်း FDA အနေဖြင့် ရွေ့လျား စစ်ဆေးရေးယာဉ်ဖြင့် Mobile Lab ဖြင့် ဝင်ရောက်စစ်ဆေးရာ ဓာတ်ခွဲစစ်ဆေးပြီး အမယ် ထက်ဝက်ခန့်မှာ ပိုးသတ်ဆေး ကင်းစင်ကြောင်း၊ ကျန်ရှိနေသည့် ဟင်းသီးဟင်းရွက်များအား ဆက်လက်ဓာတ်ခွဲသွားမည် ဖြစ်ပြီး ရလာဒ် အဖြေများကို ထုတ်ပြန်ပေးသွားမည်ဟု သိရသည်။

ကိုကား-ဧရာဝတီသတင်းဌာန

ဆက်စပ်ဆောင်းပါးများ

အတွေးအမြင်ဆောင်းပါး

ကျန်းမာရေးနှင့်ညီညွတ်သော အစာစားနည်းများ (အပိုင်း-၄)

ဒေါက်တာမျိုးကြွယ်

အတွေးအမြင်ဆောင်းပါး

ဆီအုန်းနှင့် ကျန်းမာရေးအတွက်စားသုံးဆီ (အပိုင်း-၂)

ဒေါက်တာမျိုးကြွယ်

အတွေးအမြင်ဆောင်းပါး

စိုက်ပျိုးရေးဆိုင်ရာ ရေထုတ်နည်းပညာ

ဒေါက်တာမျိုးကြွယ်

ဆက်စပ်မေးခွန်းများ

မတ်ပဲအပင်အထနှေးနေလို့အားဆေးဘယ်လောက်ဖျန်းဖျန်းထမလာဘူးဘယ်လိုအားဆေးမျိုးအဓိကဖျန်းရမလဲ တစ်ချို့နေရာတွေကျအားဆေးတစ်ကြိမ်ထဲအပင်အရမ်းအထမြန်ပါတယ်

Sawsamson • ဖြေကြားချက် 0 ခု

trichoderma ဖြန်းပြီး နောက်ရက် ဒီလိုမှိုတွေ့ပါတယ် ဒါက trichoderma မှိုလား ဖျက်မှိုလားသိပါရစေ မဖြန်းခင်က ဒီလိုမတွေ့ရဘူး ဖြန်းပြီးမှ တွေ့ရပါတယ်

Khing Hein • ဖြေကြားချက် 1 ခု

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ

လိူင်စိုး • ဖြေကြားချက် 1 ခု

ကျနော်လယ်ကွက်တွေထဲမှာစပါးမစိုက်ရသေးဘူးရွှေခရုအကောင်ငယ်းများအားကြီးတွေ့ရတယ်ဘဲကြောင်းဖို့ဘဲကမရှိကောက်ဖို့လဲမဖြစ်နိုင်။ဘယ်ဆေးဝါးသုံးသင်သလဲဗျိ့။

U Win Zaw • ဖြေကြားချက် 5 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ