Facebook မှာ ကိုယ်ပိုင်အချက်အလက်တွေကို ဘယ်လိုကာကွယ်ထားမလဲ?

Green Way • 22/11/2021

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ပြန်လည်ရောက်ရှိလာပြန်ပါပြီ ခင်ဗျ။

ယခုတစ်ပတ်မှာတော့ Facebook (ဖေ့ဘုတ်) မှာ ကိုယ်ပိုင်အချက်အလက်တွေကို ဘယ်လို ကာကွယ်ထားမလဲဆိုတာ တောင်သူ ဦးလေး ဒေါ်လေးတို့ကို မျှဝေပေးသွားမှာ ဖြစ်ပါတယ် ခင်ဗျ။

Facebook ဟာဆိုရင် သုံးစွဲသူတွေရဲ့ အချက်အလက်တွေကို နေ့စဥ်နဲ့ အမျှရယူနေပါတယ်။ တစ်ကိုယ်ရေလုံခြုံရေးအတွက် Facebook မှာ မိမိရဲ့ ကိုယ်ရေးအချက်အလက်တွေကိုကာကွယ်ဖို့ ဘယ်လိုလုပ်ဆောင်ရမယ်ဆိုတာ မျှဝေပေးသွားမှာ ဖြစ်ပါတယ်။

၁။ Face Recognition နည်းပညာ

ဒီနည်းပညာကတော့ ဓာတ်ပုံနဲ့ ဗီဒီယိုတွေက လူတွေရဲ့မျက်နှာပုံစံတွေကို ခွဲခြားသိနိုင်တာဖြစ်ပါတယ်။ Facebook မှာဆိုရင် ဓာတ်ပုံ ဒါမှမဟုတ် ဗီဒိယိုမှာ မိမိ tag ခံရတဲ့အကြောင်း သတိပေးဖို့ အသုံးပြုပါတယ်။ ဒီနည်းပညာနဲ့ ပတ်သက်လို့ သက်သောင့်သက်သာ မဖြစ်ဘူးဆိုရင်တော့ Setting & Privacy ထဲဝင်ပြီး Face Recognition ခလုတ်ကို ပိတ်နိုင်ပါတယ်။

၂။ ကိုယ်တိုင်မသိဘဲ Follow လုပ်ထားခြင်း

Facebook ဟာ သူငယ်ချင်းမဖြစ်သူတွေနဲ့ ဆက်သွယ်နိုင်မယ့် နည်းလမ်းတွေကို ဖန်တီးပေးထားပါတယ်။ တကယ်လို့ သင့်ပရိုဖိုင်ကို public လုပ်ထားရင်း follow လုပ်ထားသူတွေရှိပါမယ်။ ကိုယ်မသိတဲ့ သူစိမ်းတွေလည်း ပါနေနိုင်တာမို့ friend (သူငယ်ချင်း) ဖြစ်ထားသူတွေပဲ follow လုပ်ခွင့်ပြုမယ် ဆိုရင်တော့ Settings &privacy ကိုရွေးချယ်ပါ။ ပြီးရင်တော့ ဘေးဘက်က Public Posts ကိုနှိပ်ပါ။ Who Can Follow Me အောက်က Friends ကိုရွေးချယ်လိုက်ရုံပါပဲ။

၃။ Friend Request ရှိတဲ့အခါ မိမိ ပို့စ်တွေကို ဝင်ကြည့်နိုင်

မိမိရဲ့ Facebook မှာတက်လာတဲ့ friend request တွေကို လက်ခံ၊ ပယ်ဖျက်တာ မလုပ်ဘဲ ထားတတ်ကြပါတယ်။ တော်တော်များများ မသိတာက friend request ပို့သူကမိမိရဲ့ post တွေကို ဝင်ကြည့်နိုင်ပါတယ်။ ဒါကြောင့် Confirm (သို့မဟုတ်) Deleteနှိပ်ပြီး friend request တစ်ခုချင်းစီကို ရှင်းပစ်လို့ရပါတယ်။

၄။ ကွယ်လွန်ပြီးသူရဲ့ Profile ကို ထိန်းချုပ်နိုင်

Facebook ဟာ ကွယ်လွန်ပြီးသူရဲ့ Profile ကိုထိန်းချုပ်နိုင်ပါတယ်။ တကယ်လို့ သင်ကွယ်လွန်တဲ့အခါမှာ အခြားသူတစ်ဦးဦးကို Profile ထိန်းချုပ်ဖို့လည်း သတ်မှတ်ထားခဲ့လို့ရပါတယ်။ Settings & privacy ကိုရွေးချယ်ပြီး General ကိုရွေးချယ်ပါ။ အဲဒီအောက်က Memorialization Settings မှာ ယုံကြည်ရသူအမည်ကို ထည့်သွင်းပေးရပါမယ်။

https://internetjournal.media/qr-code မှကိုးကားဖော်ပြပါသည်။

ယခင်တစ်ပတ်က ဖော်ပြခဲ့တဲ့ ဆောင်းပါး ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှု့နိုင်ပါတယ်ခင်ဗျ။

ဖုန်းထဲမှာမထားသင့်တဲ့ ဆော့ဝဲလ်များ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဆက်စပ်ဆောင်းပါးများ

အထွေထွေ

သမိုင်းအစဉ်အလာကြီးတဲ့ ငရုတ်သီး

Thu Ra Nyi Nyi

အထွေထွေ

မက်ဆီအမြဲလိုလို ပိုက်နဲ့စုပ်သောက်နေတာက ဘာလဲ?

Thein Soe Min

အထွေထွေ

ကျန်းမာပျော်ရွှင်ပါစေ.. အမေ

Green Way

ဆက်စပ်မေးခွန်းများ

ကြက်သွန် ဇွန်မွား ဥ မျိုး ရာ် ကြက်သွန်အစေ့မျိူးရယ် လိုချင်ပါတယ် မျိုးဥက ဆိုဒ်ဘယ်နှစ်မျိူးရှိမလဲ? တစ်ပိသာဈေးနှုန်းကဘယ်လောက်လဲ? မျိုးသန့်မျိုးဥ ကို ဘားအံမြို့အနီးနားမှာ စိုက်ပျိုးမျိုးထုပ်သူရှိက မှာယူချင်ပါတယ် ဈေးနှင့်တစ်ကွ လိပ်စာပေးပါ 09427601674ပါ

အိသူဇာချို • ဖြေကြားချက် 1 ခု

TbL9မတ်ပဲမျိုးကို၁၁လပိုင်းလောက်ကြဲမယ်ဆိုအတင်ပြေနိုင်လား

Sawsamson • ဖြေကြားချက် 1 ခု

မတ်ပဲအပင်အထနှေးနေလို့အားဆေးဘယ်လောက်ဖျန်းဖျန်းထမလာဘူးဘယ်လိုအားဆေးမျိုးအဓိကဖျန်းရမလဲ တစ်ချို့နေရာတွေကျအားဆေးတစ်ကြိမ်ထဲအပင်အရမ်းအထမြန်ပါတယ်

Sawsamson • ဖြေကြားချက် 1 ခု

trichoderma ဖြန်းပြီး နောက်ရက် ဒီလိုမှိုတွေ့ပါတယ် ဒါက trichoderma မှိုလား ဖျက်မှိုလားသိပါရစေ မဖြန်းခင်က ဒီလိုမတွေ့ရဘူး ဖြန်းပြီးမှ တွေ့ရပါတယ်

Khing Hein • ဖြေကြားချက် 1 ခု

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ