အယ်နီညိုရှိတာကြောင့် အိန္ဒိယမိုးရေချိန် ပုံမှန်ထက်လျော့နည်းနိုင်
အာရှတိုက်ကို ခြောက်သွေ့ရာသီ ဖြစ်ပေါ်စေတတ်တဲ့ အယ်နီညိုရာသီဥတုပုံစံ ဒီနှစ်ထဲမှာ ပေါ်ပေါက်နိုင်တာကြောင့် အိန္ဒိယနိုင်ငံရဲ့ ၂၀၂၃ ခုနှစ် မုတ်သုံမိုးရေချိန်ဟာ ပုံမှန်ထက် လျော့နည်းနိုင်ခြေရှိတယ်လို့ အိန္ဒိယပုဂ္ဂလိက မိုးလေဝသခန့်မှန်းရေးအဖွဲ့ Skymet က တနင်္လာနေ့မှာ ထုတ်ပြန်လိုက်ပါတယ်။
"အယ်နီညိုရာသီဥတု ဖြစ်နိုင်ခြေက မြင့်တက်လာနေတယ်။ မုတ်သုံကာလအတွင်း အယ်နီညို အားကောင်းတဲ့အဆင့် ဖြစ်လာနိုင်ခြေကလည်း ကြီးမားနေတယ်။ ခုလိုမျိုး အယ်နီညိုရာသီဥတု ပြန်လာခြင်းဟာ မုတ်သုံအားပျော့မယ့်နိမိတ် ဖြစ်ပါတယ်" လို့ Skymet ရဲ့ ဦးဆောင် ညွှန်ကြားရေးမှူး Jatin Singh က ထုတ်ပြန်ချက်ထဲမှာ ပြောထားပါတယ်။
အိန္ဒိယနိုင်ငံ ယခုနှစ် မုတ်သုံမိုးရွာသွန်းမှုဟာ ကာလရှည်ပျမ်းမျှရဲ့ ၉၄ ရာခိုင်နှုန်းသာရှိမယ်လို့ Skymet က ထုတ်ပြန်ပြီး မုတ်သုံမိုးရေချိန်လျော့နည်းမယ်ဆိုတဲ့ အစောပိုင်းခန့်မှန်းချက်ကို ဆက်လက်စွဲကိုင်သွားခဲ့ပါတယ်။
အိန္ဒိယနိုင်ငံဟာ နှစ်တစ်နှစ်ရဲ့ ပုံမှန်မိုးရေချိန် သတ်မှတ်တဲ့အခါ ဇွန်လက အစပြုတဲ့ မုတ်သုံလေးလအတွင်း ရွာသွန်းမိုးရေချိန်ကို ဆန်းစစ်ပါတယ်။ လေးလတာ မိုးရွာသွန်းမှုဟာ ပြီးခဲ့တဲ့ နှစ် ၅၀ အတွင်း ပျမ်းမျှမိုးရေချိန် (၃၅ လက်မ) ရဲ့ ၉၆ ရာခိုင်နှုန်းကနေ ၁၀၄ ရာခိုင်နှုန်းကြား ရှိမယ်ဆိုရင် ပုံမှန်မိုးရေချိန်အဖြစ် သတ်မှတ်ပါတယ်။
အစိုးရလက်အောက်ခံ အိန္ဒိယမိုးလေဝသဌာန (IMD) ကလည်း တစ်နှစ်တာ မုတ်သုံမိုးရေချိန်ခန့်မှန်းချက်ကို မကြာခင် ထုတ်ပြန်သွားဖို့ ရှိပါတယ်။
အိန္ဒိယနိုင်ငံရှိ စိုက်ပျိုးမြေအားလုံးအနက် သွင်းရေ မရရှိတဲ့ မြေယာ ထက်ဝက်နီးပါးဟာ ဇွန်-စက်တင်ဘာ မိုးကာလအတွင်း ရွာသွန်းမှုကို မှီခိုရပြီး စပါး၊ ဂျုံ၊ ကြံ၊ ဝါ၊ ပဲပုပ် စတဲ့ သီးနှံတွေကို စိုက်ပျိုးကြရပါတယ်။
Skymet အဖွဲ့ ထုတ်ပြန်ချက်မှာ နိုင်ငံရဲ့ မြောက်ပိုင်းနဲ့ အလယ်ပိုင်းဒေသတွေ မိုးရေချိန်နိမ့်ကျမှု ပိုကြုံရနိုင်ခြေရှိကြောင်း ခန့်မှန်းထားပါတယ်။
အိန္ဒိယမြောက်ပိုင်း စိုက်ပျိုးရေးဒေသကြီးတွေ ဖြစ်တဲ့ ပန်ဂျက်၊ ဟာယာနာ၊ ရာဂျာစသန်နဲ့ ဥတ္တရဒေသပြည်နယ်တွေဟာ ယခုနှစ် ဒုတိယနှစ်ဝက်အတွင်း ပုံမှန်ထက်လျော့နည်းတဲ့ မိုးရေချိန်ကို ရရှိနိုင်တယ်လို့ Skymet က ထုတ်ပြန်ပါတယ်။
ခုတလော အချိန်အခါမဟုတ် မိုးရွာသွန်းတာနဲ့ မိုးသီးကြွေတာတွေကြောင့် အိန္ဒိယမြောက်ပိုင်း၊ အလယ်ပိုင်းနဲ့ အနောက်ပိုင်းလွင်ပြင်ဒေသတွေမှာ ဂျုံလို ဆောင်းစိုက်သီးနှံတွေ ရင့်မှည့်ဆဲဆဲ ထိခိုက်ပျက်စီးခဲ့ရပြီး တောင်သူထောင်ပေါင်းများစွာ အရှုံးနဲ့ ရင်ဆိုင်ရကာ စားသောက်ကုန်ဈေးတွေ ထပ်မံမြင့်တက်လာမယ့် အန္တရာယ်လည်း ရှိနေပါတယ်။
လက်ရှိမှာတော့ ကမ္ဘာ့ရာသီဥတုဟာ လာနီညာကနေ ကြားအခြေအနေ(Neutral) ကို ပြောင်းနေချိန်ဖြစ်ပြီး အိန္ဒိယ ဒေသတစ်ခုလုံးနဲ့ အင်ဒိုချိုင်းနားကျွန်းဆွယ်ကြီး တစ်ခုလုံးမှာ အပူချိန်မြင့်တက်မှုတွေရှိနေတယ်လို့ သိရပါတယ်။ ဒီ Neutral ကာလတိုအပြီးမှာ အယ်နီညိုရာသီဥတု ဖြစ်ဖို့ရှိနေတာ လို့လည်း သိရပါတယ်။
ဝေယံဟိန်း (B.Ag)
Ref: India likely to get "below normal" monsoon rains in 2023 - Skymet - Reuters
ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။
Topic 1
နိုင်ငံတကာသတင်း
ဆက်စပ်ဆောင်းပါးများ
အယ်လ်နီညိုနှင့်အတူ အရှေ့တောင်အာရှ ကြုံတွေ့ရမည့် နယ်စပ်ဖြတ်ကျော် မီးခိုးမြူအန္တရာယ်
ဇင်ထူးနိုင်
အပူချိန်မြင့်မားမှုကြောင့် ပြင်သစ်တွင် ကြက်အကောင်ရေသိန်းချီ သေဆုံးပြီး ဘယ်လ်ဂျီယံတွင် နွားနို့/ အသားထုတ်လုပ်မှု ကျဆင်း
Thein Soe Min
ထိုင်းနိုင်ငံသည် အယ်လ်နီညို (El Niño) ရာသီဥတုကြောင့် ရေရှားပါးမည့် အကျိုးဆက်များအတွက် ကြိုတင်ပြင်ဆင်နေ
Thein Soe Min
ဆက်စပ်မေးခွန်းများ
နှင်းဆီက ဘာဖြစ်တာလဲ? ပွင့်လာတော့ အပွင့်က မလှဘူး။ အရွက်ကလည်း တွန့်နေတယ်။
Nova Nova • ဖြေကြားချက် 1 ခု
ရွှေဘိုပေါ်ဆန်းစပါးကို ယခုသြဂုတ်လထဲ ပျိုးထောင်ပြီး စိုက်လျှင် အစေ့အနှံ အောင်မြင်နိုင်ပါသလား၊ စပါးစိုက်ခင်းနဲ့ပျိုးခင်းတွေ ရေနစ်ပြီး ပျက်စီးမှုတွေကြောင့် အသစ်ပြန်လည်စိုက်ပျိုးဖို့ ပျိုးအပို ရှာရခက်နေကြလို့ မေးကြည့်တာပါ။
Ko Thu • ဖြေကြားချက် 1 ခု
စပါးစစိုက်ပျိုးပြီးပါပြီ ခုချိန်မှစပီး ပြုစုပျိုးထောင်ပုံအဆင့်ဆင့်ကို သင်ပြပေးပါဆရာတို့ဗျာ
Min Min Thant • ဖြေကြားချက် 1 ခု
ကော်ဖီပင်ကို ဆားခါးထည့်လို့ရလား ဘယ်လိုထည့်ရမလဲ ဆရာတို့လမ်းညွှန်ပေးပါအုံး
Lu Lu • ဖြေကြားချက် 2 ခု
ပွင့်ဖတ်ကမဖြူဘူးဘာကြောင့်မ ဖြူတာလဲ ဆေးသုံးဖို့လိုလာဗျာ ဖြေပေးပါဗျာ
ရန်နိုင်ထ့န်း • ဖြေကြားချက် 4 ခု
နောက်ဆုံး ဆောင်းပါးများ
More from ဝေယံဟိန်း (B.Ag)
အားလုံး
ထိုင်းတောင်သူ ဖန်တီးထားတဲ့ စပါးခင်းပေါ်က ပန်းချီကား
22/12/2023
မြေအစိုဓာတ်ခမ်းခြောက်မှုကြောင့် ၂၀၂၄ နှစ်ဦးပိုင်း အာရှဆန်ထုတ်လုပ်မှု ထိခိုက်နိုင်
12/12/2023
သီးနှံပေါက်ဈေးကိုဆုံးဖြတ်ပေးနိုင်တဲ့ ရောင်းလိုအား
12/10/2023
သီးနှံပေါက်ဈေးကိုဆုံးဖြတ်ပေးနိုင်တဲ့ ဝယ်လိုအား
03/10/2023
တောင်သူတိုင်းသိထားသင့်တဲ့ ဈေးကွက်နဲ့ ဈေးကွက်လမ်းကြောင်းဆိုတာ..
22/09/2023
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....