မွေးမြူရေးထုတ်ကုန်များ တန်ဖိုးမြှင့် ထုတ်လုပ်ရေးသင်တန်း (သင်တန်းသားခေါ်ယူခြင်း )

- မြန်မာနိုင်ငံမွေးမြူရေးလုပ်ငန်းအဖွဲ့ချုပ်အနေဖြင့် မွေးမြူရေးလုပ်ငန်းများ ဖွံ့ဖြိုးတိုးတက်ရေး၊ ပြည်သူ လူထုအတွက် စားနပ်ရိက္ခာဖူလုံစေရေးနှင့် အစားအသောက်ဘေးကင်းလုံခြုံရေးတို့ကို ဦးတည်ကျိုးပမ်း‌ဆောင်ရွက် လျက်ရှိရာတွင် တန်ဖိုးမြင့် မွေးမြူရေးထုတ်ကုန်လုပ်ငန်းများ ဖွံ့ဖြိုးတိုးတက်လာစေရေးကိုလည်း ပြည်တွင်း၊ ပြည်ပ အဖွဲ့အစည်းများနှင့် ပူးပေါင်း၍ ဆောင်ရွက်လျက်ရှိပါသည်။ 

- မြန်မာနိုင်ငံမွေးမြူရေးလုပ်ငန်းအဖွဲ့ချုပ်နှင့် မြန်မာနိုင်ငံနို့လုပ်ငန်းအသင်း တို့သည် ထိုင်းနိုင်ငံ မွေးမြူရေး ဖွံ့ဖြိုးတိုးတက်မှုဦးစီးဌာန (Department of Livestock Development – DLD) နှင့် ပူးပေါင်းကာ နို့နှင့် နို့ထွက် ပစ္စည်းများ တန်ဖိုးမြှင့်ထုတ်လုပ်မှုသင်တန်း၊ အသားထုတ်ကုန်များ တန်ဖိုးမြှင့်ထုတ်လုပ်မှု သင်တန်များကို ထိုင်း နိုင်ငံ ချင်းမိုင်မြို့ရှိ မွေးမြူရေးထုတ်ကုန်များ သုတေသနနှင့် ဖွံ့ဖြိုးရေးစင်တာ (Livestock Product Research and Development Center) တွင် နှစ်စဉ် ဖွင့်လှစ်ပို့ချခဲ့ပါသည်။ 

- ကိုဗစ်-၁၉ ကမ္ဘာ့ကပ်ရောဂါကာလအတွင်း ခရီးသွားလာ မှု ကန့်သတ်ချက်များအရ အဆိုပါသင်တန်းများကို ရပ်ဆိုင်းထားခဲ့ရာ ယခုအခါ အဆိုပါသင်တန်းများကို ပြန်လည် ဖွင့်လှစ်သွားရန် စီစဉ်ဆောင်ရွက်လျက်ရှိပါသည်။ 

သင်တန်းများသည် ပုံမှန်အားဖြင့် ရက်သတ္တပတ် ၁ ပတ် ခန့် ကြာမြင့်ပြီး၊ ထိုင်းနိုင်ငံမှ ပညာရှင်များက  စာ တွေ့ လက်တွေ့ ပြည်စုံစွာ သင်ကြားပို့ချပေးခြင်း ဖြစ်ပါသည်။ မြန်မာနိုင်ငံမှ သင်တန်းသားများအတွက် ကျွမ်းကျင် ဘာသာပြန်သူများဖြင့် မြန်မာဘာသာသို့ ပြန်ဆိုပို့ချပေးခြင်း ဖြစ်ပါသည်။ 

ယခင်ပို့ချခဲ့သော နို့ နှင့် နို့ထွက်ပစ္စည်းများ တန်ဖိုးမြှင့်ထုတ်လုပ်မှု သင်ခန်းစာများ

• နို့နှင့် နို့ထွက်ပစ္စည်း တန်ဖိုးမြှင့်ထုတ်လုပ်မှု အခြေခံသဘောတရားများ

• ခရင်မ်၊ ဒိန်ချဉ်အမျိုးမျိုးနှင့် ရေခဲမုန့်အမျိုးမျိုး ထုတ်လုပ်ခြင်း

• ချိစ်(cheese)အမျိုးမျိုးထုတ်လုပ်ခြင်း

• နို့ဆီ၊ နို့စိမ်း ထုတ်လုပ်ခြင်း

• နို့ကိုအသုံးပြု၍ အလှကုန်ပစ္စည်းအမျိုးမျိုး ထုတ်လုပ်ခြင်း (ဆပ်ပြာ၊ Lotion၊ Salt scrub) 

• နို့ကိုအဓိကအသုံးပြုသည့် ကော်ဖီအမျိုးမျိုး

• မိမိတို့နှင့် သင့်လျော်သည့် ထုတ်ကုန်အမယ်သစ် စိတ်ကူးစိတ်သန်းများ ဖော်ထုတ်ကာ လက်တွေ့ ဆောင်ရွက်ခြင်း

• နို့နှင့် နို့ထွက်ပစ္စည်း ထုတ်လုပ်ရေးလုပ်ငန်းများ (အသေးစားလုပ်ငန်း၊ အလတ်စားလုပ်ငန်း၊ အကြီးစား လုပ်ငန်း) ၊ အရောင်းဆိုင်များနှင့် စားသောက်ဆိုင်များသို့ ကွင်းဆင်းလေ့လာရေးသွားရောက်ခြင်း 

 ယခင်ပို့ချခဲ့သော အသားထုတ်ကုန်များ တန်ဖိုးမြှင့်ထုတ်လုပ်မှု သင်ခန်းစာများ

• အသားထုတ်ကုန် တန်ဖိုးမြှင့်ထုတ်လုပ်မှု အခြေခံသဘောတရားများ

• သားသတ်ရုံလုပ်ငန်းစီမံခန့်ခွဲမှုများ 

• ကြာရှည်သိုလှောင်ထားနိုင်သည့် အသားခြောက်အမျိုးမျိုး ထုတ်လုပ်ခြင်း (Dried and Jerky)

• တန်ဖိုးမြှင့်တည်ခင်းရောင်းချနိုင်သည့် စားသောက်ကုန်များ (Smoked ၊ BBQ ၊ Roasted ၊ Steak ၊ Curry) 

• အသားစားနွားနှင့် ဒေသကြက်မွေးမြူရေးခြံများ သို့ ကွင်းဆင်းလေ့လာရေး သွားရောက်ခြင်း

• တန်ဖိုးမြှင့်အသားထွက်ကုန်များ ထုတ်လုပ်သည့် လုပ်ငန်းများ၊ တည်ခင်းရောင်းချသည့် စားသောက် ဆိုင်များ၊ အရောင်းဆိုင်များသို့ ကွင်းဆင်း‌လေ့လာခြင်း

• လုပ်ငန်းသုံးပစ္စည်း ထုတ်လုပ်တင်ပို့ရောင်းချသည့် စင်တာများသို့ ကွင်းဆင်းလေ့လာခြင်း

သင်တန်းပို့ချရာတွင် မွေးမြူရေးထုတ်ကုန်များ သုတေသနနှင့် ဖွံ့ဖြိုးရေးစင်တာ က သုတေသနပြု ထုတ် လုပ်ကာ ဈေးကွက်ဝင်ရောင်းချလျက်ရှိသည့် ထုတ်ကုန်အမယ်သစ်များကိုလည်း ဘာသာရပ်အသစ်များအဖြစ် နှစ် စဉ် ဖြည့်စွက်ကာ သင်ကြားပို့ချပေးလျက်ရှိပါသည်။ ထို့ပြင် သင်တန်းသားများက သင်ကြား‌ပေးရန် တောင်းဆိုသည့် ထုတ်ကုန်အမယ်များကိုလည်း အတတ်နိုင်ဆုံး ဖြည့်စွက် ပို့ချပေးခြင်း ဖြစ်ပါသည်။ 

သင်တန်းသားများအနေဖြင့် သင်တန်းချိန်ပြင်ပတွင် သင်တန်းမှူးများ၏ အကူအညီဖြင့် ချင်းမိုင်မြို့ပတ် ဝန်းကျင်ရှိ အပန်းဖြေလည်ပတ်စရာ နေရာအချို့ကိုလည်း သွားရောက်လည်ပတ်နိုင်မည် ဖြစ်ပါသည်။ 

သင်တန်းသားများအနေဖြင့် ရန်ကုန် - ချင်းမိုင် - ရန်ကုန် လေကြောင်းခရီးစဉ်၊ သင်တန်းကြေး၊ သင်တန်း တွင် အသုံးပြုသည့် ကုန်ကြမ်းများအတွက် ကုန်ကျစရိတ် တို့ကို မျှဝေကျခံရမည် ဖြစ်ပါသည်။ မြန်မာနိုင်ငံမွေး မြူရေးလုပ်ငန်းအဖွဲ့ချုပ်နှင့် ထိုင်းနိုင်ငံ မွေးမြူရေးဖွံ့ဖြိုးတိုးတက်ရေးဦးစီးဌာနတို့အကြား ပူးပေါင်းဆောင်ရွက်မှုဖြင့် သင်တန်းကြေးကို အထူးသက်သာသည့် နှုန်းထားဖြင့် စီစဉ်ထားခြင်း ဖြစ်ပါသည်။ 

သင်တန်းများကို ၂၀၂၂ ခုနှစ် သြဂုတ်လအတွင်း ဖွင့်လှစ်နိုင်ရေး စီစဉ်ဆောင်ရွက်လျက်ရှိပြီး၊ မွေးမြူရေး ထုတ်ကုန်များ တန်ဖိုးမြှင့်ထုတ်လုပ်ကာ ဈေးကွက်ချဲ့ထွင်လိုသူများ၊ လုပ်ငန်းသစ်ချဲ့ထွင်လိုသူများ၊ စွန့်ဦးတီထွင် လုပ်ငန်းရှင်များအနေဖြင့် သင်တန်းတက်ရောက်ရန် စိတ်ဝင်စားပါက မြန်မာနိုင်ငံမွေးမြူရေးလုပ်ငန်းအဖွဲ့ချုပ် ရုံးအဖွဲ့ (ဖုန်း/Viber - ၀၉ ၇၅၂၂၇၈၇၉၅ ၊ Email: myanmarlivestock@gmail.com) သို့ ဆက်သွယ်မေးမြန်းစုံစမ်း နိုင်ပါသည်။