နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 162 အပင်အာဟာရ 295 စိုက်ပျိုးနည်း 396 ပိုးမွှားရောဂါ 443 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 846

ကြံသီးနှံပညာပေး စာစဉ်-၄ (က) ဓာတ်မြေဩဇာကျွေးခြင်း

U San Thein (Agri) • 09/06/2022

သင့်ကြံခင်းကို ဓာတ်မြေဩဇာ ဘယ်လောက်ထည့်ရမလဲ။

စဉ်းစားရမည့်အချက် (၄) ချက်ပေါ်မူတည်သည်။

(က) ကြံခင်းကတောင်းဆိုမှုပမာဏ

(ပန်းတိုင်အထွက် ကြံတန်ဘယ်လောက်ရချင်သလဲ တစ်ဧက ကြံတန် ၂၅၊ ၃၀၊ ၄၀ တန်စသည်ဖြင့်)

(ခ) မြေကြီးထဲရှိ ရှိရင်းစွဲအာဟာရဓာတ်ပါဝင်မှု

ကြံပင်၏တောင်းဆိုသော အာဟာရဓာတ်ပမာဏမှာ တစ်ဧက ကြံတန် (၄၀) ထွက်သော ကြံခင်းသည် မြေထဲမှ နိုထရိုဂျင် (N) -၉၅ ပေါင် (၄၃ ကီလိုဂရမ်)

ဖော့စဖရပ် (P)-၃၀ ပေါင် (၁၄ ကီလိုဂရမ်)

ပိုတက်ရှ် (K2O)-၁၈၀ ပေါင် (၈၂ ကီလိုဂရမ်)

ကို စားသုံးသည်။ သို့သော် မြေကြီးထဲတွင် သဲဆန်လွန်းသောမြေမှလွဲ၍ ပိုတက်ရှ် အာဟာရဓာတ် ပြည့်စုံလေ့ရှိသည်။ ဖော့စဖရပ်မှာ မြေချဉ်လွန်းက မြေထဲရှိ အလူမီနီယံနှင့် သံဓာတ်တို့၏ ချုပ်ထိန်းခြင်းခံရသဖြင့် ၎င်းဓာတ်မြေကို ထည့်သလောက်ကြံပင်က အကုန်မစားနိုင်ပါ။ နိုက်ထရိုဂျင်အတွက် ပုလဲ(ယူရီးယား) ဓာတ်မြေဩဇာကျွေးသလို များများကျွေး၍မရပါ။ မြေခံအိတ်ဝက်မျှသာ သာမန်နှုန်းထား ဖော့စဖရပ်ကို ထည့်သင့်သည်။ မြေတွင်သစ်ဆွေးဓာတ် ၂.၅% နှင့် မြေတွင်း၌ ဖလှယ်နိုင်သော အာဟာရဓါတ် ၁၅ မီလီဂရမ်/ မြေ ၁၀၀ ဂရမ် အနည်းဆုံးပါဝင်နေပါက အာဟာရဓာတ် ပြည့်စုံသည်ဟု ဆိုနိုင်သည်။

(ဂ) ရေ၊ မြေ ပတ်ဝန်းကျင်ရာသီဥတုနှင့် ကြံသီးနှံအခြေအနေ

ဓာတ်မြေဩဇာကျွေးချိန်၌ မြေအစိုဓာတ်ကောင်းလျှင် အပင်က လျင်မြန်စွာ စုပ်ယူစားသုံးနိုင်သည်။ ပေါင်းမြက်များရှိနေပါက ပေါင်းကိုအရင်ရှင်းပြီးမှ မြေဩဇာထည့်သင့်သည်။ မြေ၏ချဉ်ငံကိန်း (pH) ၄.၈ အောက်၌ ပျော်ဝင်နိုင်သော အလူမီနီယံဓာတ် ၄၀% ကျော်ရှိပါက ထုံးကို တစ်ဧက အနည်းဆုံး(၃) တန် ခန့်ထည့်ပြီးမှ ဖော့စဖရပ်ဓာတ်မြေဩဇာကို ကျွေးသင့်သည်။ မွန်ပြည်နယ်နှင့် ရှမ်းပြည်နယ်တောင်တန်း ဒေသ၌ မြေချဉ်ကိစ္စအတွက် မြေကိုဓာတ်ခွဲစစ်ဆေးသင့်သည်။ မိုးများပြီး မြေ pH 4.5 ခန့်ရှိလျှင် မြေတွင်ဖလှယ်နိုင်သော အလူမီနီယံဓာတ်က ကြံပင်အမြစ်များကို အဆိပ်သင့်စေနိုင်သည်။ မိုးရေချိန် လက်မ (၉၀) ကျော်သော ဒေသများ၌ မိုးဖြိုင်ဖြိုင်မကျမီ ဘောင်လုံး၊ ဘောင်ဖြဲလုပ်၍ ဓာတ်မြေဩဇာ စောစောကျွေးသင့်သည်။ ပြီးလျှင် ကြံခင်းအတန်းအတွင်း ရေနုတ်မြောင်းတူးရန်လိုသည်။

ဓာတ်မြေဩဇာကို အပင်က စုပ်ယူအားအကောင်းဆုံးအချိန်မှာ ကြံပင်စိုက်ပြီး (၃) လ မှ (၅) လ အတွင်း ပင်ပွားအများအပြားထွက်ချိန်ဖြစ်သည်။ ယူရီးယားဓာတ်မြေဩဇာထည့်ရမည့် နှုန်းထား စုစုပေါင်း၏ သုံးပုံတစ်ပုံကိုမြေခံအဖြစ် စိုက်ချိန်တွင် တီစူပါနှင့် ပိုတက်ရှ်မြေဩဇာတို့နှင့်အတူ ထည့်သင့်သည်။ ယူရီးယားဓာတ်မြေဩဇာ၏ ကျန်ရှိနှုန်းထား သုံးပုံနှစ်ပုံကို ကြံပင်သက်တမ်း (၃) လ မှ (၅) လ အတွင်း အပြီးကျွေးသင့်သည်။ လမိုင်းခင်းကို လမိုင်းပြင်ချိန်၌ ကြံပင်ငုတ်အခြေတွင် ယူရီးယား ထည့်သွင်းပြီး မြေဖုံးပေးရန်လိုအပ်ပါသည်။ လမိုင်းခင်းကို ကြံပင်ခင်းသစ်ထက်မလျော့သော ယူရီးယားဓာတ်မြေဩဇာနှုန်းထားကိုပေးသင့်သည်။ သို့ရာတွင် လမိုင်းခင်းသည် ကြံပင်ပေါက် ပါးလွန်းကျဲလွန်းပါက အပင်ရှိသောနေရာများကိုသာကွက်၍ ဓာတ်မြေဩဇာထည့်သင့်သည်။

(ဃ) စီးပွားရေးတွက်ခြေကိုက်သော ဓာတ်မြေဩဇာနှုန်းထား

ပန်းတိုင်အထွက်ကိုရည်မှန်း၍ ဓာတ်မြေဩဇာနှုန်းထားကို ယေဘုယျထောက်ခံချက်ပေးရလျှင် တစ်ဧက တန် (၄၀) ကြံအထူးအထွက်တိုးရန်အတွက် (၅၀) ကီလိုဂရမ် ဝင်ဆန့်သော ယူရီးယား (၂.၅) အိတ်၊ တီစူပါ (၁) အိတ်၊ ပိုတက်ရှ် (၄) အိတ် ထည့်သင့်သည်။

ကြံတန် (၃၀) မှ (၄၀) တန်/ဧက ရည်မှန်းပါက အဆိုပါဓာတ်မြေဩဇာ (၃)မျိုးကို ၂း ၁း ၂ အချိုးဖြင့်ထည့်သင့်သည်။ တစ်ဧကလျှင် ကြံတန် ၂၀-၂၅ ရနိုင်သောစိုက်ကွက်၌ ၁ ၁/၂း ၁/၂း ၁/၂ အိတ်နှုန်းသုံးသင့်သည်။ ဓာတ်မြေဩဇာများများသုံးသော စိုက်ကွက်များသည် ထယ်ရေးနက်နက်၊ ညက်ညက်၊ နှပ်ထည်ရေးဖြင့်ကြံစိုက်ပျိုးထားခြင်း၊ ရေသွင်းနိုင်ခြင်း၊ ပေါင်းရှင်းနိုင်ခြင်းနှင့် ပိုးမွှားရောဂေါနှိမ်နင်းနိုင်ခြင်းစသော မိတ်ဖက်နည်းပညာများ ဒွန်တွဲကျင့်သုံးမှ ဓာတ်မြေဩဇာနှုန်းထားမြှင့်တင်ရကျိုးနပ်ပါမည်။

ယခုအခါ (၂၀၂၂ ခုနှစ်) ဓာတ်မြေဩဇာဈေးနှုန်း အဆမတန်မြင့်မားလာသဖြင့် စီးပွားရေးတွက်ခြေကိုက်သော နှုန်းထားများနှင့် အမျိုးအစားများကို သိရှိသုံးစွဲနိုင်ရန် ပညာပေးစာစဉ် (၄-၂) တွင်ဆက်လက်ဖေါ်ပြပါမည်။

စံသိန်း(စိုက်ပျိုးရေး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

နန်းဝင်းအောင်

လွန်ခဲ့သော ၄ နှစ် က

ကြံ နဲ့ပတ်သတ်ပိ များများသင်ပေးပါခဗျ

နန်းဝင်းအောင်

လွန်ခဲ့သော ၄ နှစ် က

ကျေးဇူးပါခဗျ

ဆက်စပ်ဆောင်းပါးများ

အပင်အာဟာရ

ဘိုင်အိုချာလား.. ပြာလား..

Htunn Winn Kyaw

အပင်အာဟာရ

ကြက်သွန်နီဥကို အလေးချိန်စီးပြီး အထွက်နှုန်းများစေမယ့် အာဟာရဓာတ်များ

သော်ဇင်

အပင်အာဟာရ

စပါးအထွက်နှုန်း ၃၀ % အထိ တိုးစေမယ့် လျှို့ဝှက်ချက်

Thein Soe Min

ဆက်စပ်မေးခွန်းများ

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ

လိူင်စိုး • ဖြေကြားချက် 1 ခု

ကုသလို့ ရနိုင်ပါအုံးမလားဗျ ဘာဖြစ်တာလဲ ဘယ်လိုကုသရမလဲ နားလည်သော ပညာရှင်များ အကြံပေးပါအုံး မိုးဆက်တိုက်ရွာလို့ ဖြစ်သွားတာပါ

ကိုကျော်ဇင်ဦး • ဖြေကြားချက် 4 ခု

မိဘတွေလက်ထပ်ကတည်းက စပါးစိုက်ခဲ့တာပါ ရလည်းရပါတယ် ဒါပေမယ့် အဖေမရှိတော့တဲ့နောက်ပိုင်း နားမလည်လို့ ဖြစ်သလို လုပ်ခဲ့ရပါတယ် ဒီနှစ်တော့ နည်းစနစ်မှန်မှန်လေး စိုက်ပျိုးပြီး အကျိုးဖြစ်ထွန်းချင်ပါတယ် ဒါကြောင့် စပါး ၃မျိုး ဆင်းသုခ မနောသုခ ဧရာမင်း ဘယ်နှရက်သားမှာ NPK ဘယ်လောက်ထည့်သင့်တယ်ဆိုတာလေး ဖြေပေးစေချင်ပါတယ်ရှင်

လဲ့လဲ့လွင် • ဖြေကြားချက် 2 ခု

ဂျီဗာမရုသမ်ဆေးရည်က များရင် အပင်လောင်တက်သလား .ကွမ်းခြံအတွက် အပင်ခြေလောင်းချင်လို့ပါ ဆေးရည်က ဖျော်တာ များနေလို့ မလောင်ရင် အကုန်အသုံးပြုချင်လို့ပါ

Khing Hein • ဖြေကြားချက် 3 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ