အိမ်မှာနေရင်း စပျစ်သီးဝိုင် လုပ်ကြမယ်

လိုအပ်သောပစ္စည်းများ

စပျစ်သီး - ၃ ပိဿာ

သကြား - ၁ ပိဿာခွဲ

တစေး -   လက်ဖက်စားဇွန်း ၂ ဇွန်း

ပြုလုပ်ပုံ

-ဦးစွာ ပြုလုပ်မည့်အိုးကို သန့်ရှင်းစင်ကြယ်အောင်ဆေးပြီး အခြောက်ခံထားပါ။

-စပျစ်သီးများကို ရေစင်အောင်ဆေး၍ အခြောက်ခံပါ။

-ဇလုံထဲသို့ စပျစ်သီးများကို ထည့်၍ အခွံနှင့်အသားများ သတ်သတ်စီဖြစ်စေရန် ကြိတ်ချေပါ။

-ကြိတ်ချေပြီးပါက အဖုံးဖြင့်အုပ်ထားပြီး သကြားရေကြိုရန် ပြင်ဆင်ပါ။

-သကြားရေကြိုရာတွင် သကြားများ ပျော်ဝင်သွားသည်အထိ ကြိုပါ။

-ထို့နောက်သကြားရေကို အအေးခံထားပါ။

-သကြားရေအေးသွားပါက ကြိတ်ချေထားသောစပျစ်သီးထဲသို့ထည့်ပြီး တစေးထည့်ကာ သစ်သားဇွန်းဖြင့်သမအောင်မွှေပါ။

-ထို့နောက် ပြုလုပ်မည့်အိုးထဲသို့ထည့်၍ အဖုံးကိုတင်းကျပ်စွာပိတ်ကာ အချဥ်ဖောက်စေရန် ၃ ပတ်ခန့်ထားပါ။

-၃ပတ်ပြည့်ပါက အချိုဓါတ်ကျန်မကျန်မြည်းကြည့်၍ အချိုဓါတ်ကျန်ပါက တစ်ရက်ခြားတစ်ခါ သစ်သားဇွန်းဖြင့် မွှေပေးပြီး အချိုဓါတ်ကျန်မကျန် မြည်းကြည့်ပါ။

-အချိုဓါတ်ကုန်သွားပါက ပိတ်ပါးစတစ်ခုဖြင့်အရည်စစ်ပါ။

-ထိုစစ်ရည်ထဲသို့ အရောင်လှစေရန် ညောင်စေးကျအောင် ထပ်မံကြိုထားသော သကြားရည်(၅၀၀ ဂရမ်)ကိုထည့်၍ ၂ပတ်ကြာအောင်အဖုံးကို အလုံပိတ်၍ ထားပါ။

-၂ပတ်ကြာပါကအိုးထဲမှ ပုလင်းထဲသို့ပြောင်းထည့်ပြီး အဆို့ဖြင့်ပိတ်ကာ သိမ်းဆည်း၍ သောက်သုံးနိုင်ပါသည်။

မှတ်ချက်။ ။ သစ်ကြံပိုးခေါက်နှင့်ဖလာစေ့များသည် ဝိုင်၏ အရသာအပေါ်သက်ရောက်မှုရှိသောကြောင့် နှစ်သက်မှသာအသုံးပြုစေလိုပါသည်။ သကြားသည် အချဥ်ဖောက်ခြင်းဖြစ်စဥ်တွင် အရက်အဖြစ်ပြောင်းလဲသွားသောကြောင့် ရမ်နှင့်အခြားသောအရက်များထည့်ခြင်းကို မပြုလုပ်သင့်ပါ။

ဖြိုးသဥ္ဖာကျော်

ကိုးကား

YouTube

https://pachakam.com/recipes/home-made-grape-wine