ဥနီအဆီကို ဘယ်လိုထုတ်မလဲ

အရင်တစ်ခေါက်က ဥနီဆီရဲ့အကျိုးကျေးဇူးတွေကို ပြောပြထားပေးပြီးသားပါ။ ခုတစ်ခေါက်တော့ ဘယ်လိုလုပ်မလဲဆိုတာလေး လေ့လာကြည့်ရအောင်။

ဥနီအဆီဟာ ဟင်းချက်စားရာမှာ အသုံးဝင်ရုံသာမကကျန်မာရေး၊ အလှအပဆိုင်ရာများ အတွက် အသုံးပြုနိုင်ပါတယ်။ ဥနီအဆီဟာ ခေါင်းလျှော်ရည်၊ အရေပြားအလှကုန်နှင့် လိမ်းဆေး စတဲ့အသုံးဆောင် တန်ဖိုးကြီးပစ္စည်းများပြုလုပ်နိုင်တဲ့ အရာတစ်ခုအဖြစ် လူကြိုက်များလာခဲ့ပါတယ်။ သဘာဝအဆီဖြစ်ပြီး တစ်ခြားသောဓာတုပစ္စည်းများမပါဝင်တာကြောင့် အရေပြားပြသနာများမဖြစ်စေဖို့လည်း ကာကွယ်ပေးပါတယ်။ ဥနီအဆီကို မိမိအိမ်မှာလည်း သဘာဝအတိုင်းအလွယ်တကူ ပြုလုပ်နိုင်ပါတယ်။

ဘယ်လိုပြုလုပ်မလဲ

ပါဝင်ပစ္စည်းများ

    • ဥနီ

    • အုန်းဆီ ( တစ်ခြားသော သံလွင်ဆီများကိုလည်း အသုံးပြုနိုင်ပါတယ် )

ပြုလုပ်ခြင်း

    ၁. ဥနီကို ရေပြောင်အောင်ဆေးပေးရပါမယ်။ အပေါ်ခွံများကို ဓားဖြင့်ခြစ်ထုတ်ပေးရပါမယ်။ ပြီးလျှင် ဥနီကို နုပ်နုပ်စဉ်းထားရပါမယ်။ စားစရာ တုံးထစ်သည့်စက်ဖြင့်လည်းပြုလုပ်နိုင်ပါတယ်။

    ၂. ၎င်းကို အိုးထဲတွင်ထည့်ထားပြီး အပူချိန်နည်းနည်းပေး ချက်ထားရန်လိုအပ်ပြီးအုန်းဆီ(သို့မဟုတ်)တစ်ခြားသောဆီတစ်မျိုးကို အိုးထဲထည့်ပေးရပါမယ်။ ဥနီအဆီကို ရရှိရန် အပူချိန်နိမ့်နိမ့်ဖြင့် ကြာကြာချက်နိုင်သောအိုးသာ အသုံးပြုသင့်ပါတယ်။ အပူချိန်နည်းနည်းဖြင့်ပြုလုပ်ရခြင်းသည် ဥနီအတွင်းရှိ အာဟာဓာတ်များမဆုံးရှုံးစေရန် အသုံးပြုခြင်းဖြစ်ပါတယ်။

    ၃. နုပ်နုပ်စဉ်းထားတဲ့ဥနီများကို အဆီဖြင့်ရောနယ်ပေးထားရပါမယ်။ ဥနီမှ ဆီအားလုံးဆုတ်ယူနိုင်သည့်အထိထားပေးရပါမယ်။

    ၄. ၁၅ - ၂၀ မိနစ်ကြာပြီးနောက် မွှေပေးရပါမယ်။

    ၅. နောက်ထပ် ၁၀ မိနစ်ကြာသောအခါ ဥနီကိုနပ်ထားရပါမယ်။

    ၆. အပူမပေးတော့ဘဲ အေးသွားသည်အထိထားပေးရပါမည်။

    ၇. အဆီကိုရရှိရန် ဇကာကိုအသုံးပြု၍စစ်ထုတ်ပါ။ ရရှိသောဆီကို ပုလင်းဖြင့်သိမ်းထားနိုင်ပါသည်။ ထိုသို့ပြုလုပ်ပြီးပါက ဥနီအဆီကို စတင်အသုံးပြုနိုင်ပြီဖြစ်ပါတယ်။

     ၈. ဖန်ပုလင်းထဲတွင်သိုလှောင်ထားပါက ၆ - ၈ လအထိအသုံးပြုနိုင်ပါတယ်။

ဥနီတွင် ဗိုက်တာမင် အေ၊ စီ၊ အီး နှင့် ဘီတာကယ်ရိုတင်း၊ အင်တီအောက်စီဒန့်တို့ ပေါများစွာပါဝင်ပြီး လူသားတို့အတွက် များစွာအထောက်အကူပြုတာကြောင့် ဥနီအဆီကိုအသုံးပြုရန် တိုက်တွန်းလိုက်ရပါသည်။

လင်းလင်းထွန်း