ဘင်္ဂလားပင်လယ်အော်တွင် မုန်တိုင်းငယ်ဖြစ်နိုင်ချေ ပျက်ပြယ်သွား၍ အလယ်ပိုင်းမိုးရနိုင်ချေ ပြန်လျော့

Green Way • 19/06/2022

ဇွန် ၂၃ ရက်နောက်ပိုင်း ဘင်္ဂလားပင်လယ်အော်မြောက်ပိုင်းမှာ မုန်တိုင်းငယ်တစ်လုံးဖြစ်လာနိုင်မယ်လို့ ကြိုတင်ခန့်မှန်းထားတဲ့ အခြေအနေက ဒီနေ့ ECMWF model update အရ ပျက်သွားပြီဖြစ်တယ်လို့ အပြည်ပြည်ဆိုင်ရာ မိုးလေဝသသတင်းတွေကို စောင့်ကြည့်ဖော်ပြပေးနေသူ ဦးဝင်းနိုင်က ပြောပါတယ်။

အဲ့ဒါမဖြစ်တော့ပေမဲ့ GFS Model update မှာတော့ ဘင်္ဂလားပင်လယ်အော်အရှေ့တောင်ပိုင်း ပင်လယ်ပြင်မှာ လေဖိအားနည်းရပ်ဝန်းတစ်ခု ဖြစ်နိုင်ကြောင်းတွေ့ရပြီး အနောက်ဘက်ကိုရွေ့လျားကာ အိန္ဒိယနိုင်ငံကမ်းခြေမှ ကုန်းတွင်းကိုဝင်ပြီး ကုန်းတွင်းအထက်လေဝဲတစ်ခုအဆင့်လောက်သာဖြစ်နိုင်မယ်လို့ တွေ့ရကြောင်း၊ ဘင်္ဂလားပင်လယ်အော်ရဲ့ အခုလိုဖြစ်စဉ်တွေကြောင့် နောက်လာမယ့် ၃ ရက်(၇၂ နာရီ)အတွင်းမှာ ကချင်ပြည်နယ်၊ စစ်ကိုင်းတိုင်းအထက်ပိုင်း၊ ရခိုင်ပြည်နယ်၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ ကရင်ပြည်နယ်၊ မွန်ပြည်နယ်နဲ့ ရှမ်းပြည်နယ်မြောက်ပိုင်းဒေသတွေမှာ မိုးများနိုင်ပြီး အလယ်ပိုင်းဒေသတွေမှာတော့ နှစ်စဉ်ရွာသွန်းမြဲခန့်သာ မိုးရွာနိုင်မယ်လို့ ဦးဝင်းနိုင်က ခန့်မှန်းပါတယ်။

မကွေးတိုင်း၊ စစ်ကိုင်းတိုင်းအောက်ပိုင်း၊ မန္တလေးတိုင်း၊ ရှမ်းပြည်နယ်တောင်ပိုင်း၊ ကယားပြည်နယ်နဲ့ တနင်္သာရီတိုင်းတွေမှာတော့ ရွာသွန်းမြဲအောက်လျော့နေနိုင်ပေမဲ့ လေပြင်းတိုက်ခတ်နိုင်ခြေနဲ့အတူ နေ့အပူချိန်တွေတော့ အနည်းငယ်လျော့ကျလာနိုင်မယ်လို့ ခန့်မှန်းရပါတယ် လို့ ဦးဝင်းနိုင်က ဆိုပါတယ်။

" လေပြင်းတွေ တိုက်နေတော့ အပူချိန်တော့ လျော့လာတယ် 30°C ဝန်းကျင်အထိ လျော့လာတယ်၊ နေ့ဘက်မှာ ဖြစ်နေတဲ့ Dew Point အထိ မရောက်တော့ မိုးက မရွာနိုင်ဘူးဖြစ်နေတာ။ မြင်းခြံမှာ Temperature 33°C - Dew Point 22°C ဆိုတော့ ဘယ်လိုမှ မိုးက မရွာနိုင်တော့ဘူး၊ ဒီကြားထဲ တိမ်တွေက လေပြင်းနဲ့ အတူပါသွားသေးတယ်" လို့ ဦးဝင်းနိုင်က Green Way ကို ပြောပါတယ်။

မြစ်ရေအခြေအနေနဲ့ပတ်သက်လို့လည်း ဦးဝင်းနိုင်က 'အထက်ပိုင်းဒေသတွေမှာမိုးများနေတဲ့အတွက် ဧရာဝတီမြစ်ရေဟာ မြစ်ကြီးနားမြို့မှ မန္တလေးမြို့အထိ မြစ်တစ်လျှောက်လုံးမှာ မြစ်ရေမြင့်တက်လာနေတာကို EU ရဲ့ ကမ္ဘာလုံးဆိုင်ရာ မြစ်ရေအခြေအနေစောင့်ကြည့်ရေးဌာန(near-real time major river floods based on daily passive microwave satellite observations)မှ ရတဲ့ အချက်အလက်တွေအရ သိရပါတယ်။သံလွင်မြစ်ရေဟာလည်း ကရင်ပြည်နယ်အတွင်း မိုးများနေတာကြောင့် ဘားအံမြို့အထက်ပိုင်း ကမမောင်း၊ မြိုင်ကြီးငူနဲ့ ရင်းဘိုင်းအထိ မြစ်တစ်လျှောက်မှာ မြစ်ရေမြင့်တက်နေကြောင်းတွေ့ရပါတယ်' လို့ သူ့ရဲ့ဖေ့စ်ဘုတ်အကောင့်ကနေ သတိပေးဖော်ပြထားပါတယ်။

Photo Crd_Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဦးဝင်းအောင်

လွန်ခဲ့သော ၄ နှစ် က

ဧရာဝတီမြစ်ရေနေ့စဥ်တိုင်းတာချက်ဘယ်တော့တင်ပေးမှာလဲခဗျာ ကျေးဇူးပါ

ဦးဝင်းအောင်

လွန်ခဲ့သော ၄ နှစ် က

ဧရာဝတီမြ်ရေနေ့စဥ်တိုင်းတာချက်ကိုသိပါရစေခဗျာကျေးဇူးပါ

ဆက်စပ်ဆောင်းပါးများ

မိုးလေဝသသတင်း

ကြီးမားပြင်းထန်လှသော စူပါအယ်လ်နီညိုကြောင့် လာမည့် ဖေဖော်ဝါရီလအထိ လူပေါင်း ၄၅၀,၀၀၀ ကျော် သေဆုံးနိုင်ဖွယ်ရှိကြောင်း ခန့်မှန်း

Green Way

မိုးလေဝသသတင်း

တိုင်းနှင့်ပြည်နယ်များအလိုက် လာမည့် ၇ ရက်အတွင်း မိုးရွာသွန်းနိုင်ချေ ခန့်မှန်းချက်

ဦးဝင်းနိုင်

မိုးလေဝသသတင်း

ပဲခူးတိုင်းဒေသကြီးအတွင်း ဖြစ်ပေါ်နိုင်သည့် မိုးလေဝသနှင့် သဘာဝဘေး သုံးသပ်ချက်

ဦးဝင်းနိုင်

ဆက်စပ်မေးခွန်းများ

ဧရာပဒေသာ၄ဧကစိုက်အစေ့ချစိုက်ခင်းပါ၃၀ရက်သားမှာ၁၆ပတ်လည်ဂျစ်ပ်ဆမ်၁အိတ်ပုလဲ၁အိတ် ၄၅ရက်သားမှာ၁၅ပတ်လည်၂အိတ် ၇၀ရက်သားမှာပိုတက်၁အိတ်ပုလဲ၁အိတ်ဂျစ်ပ်ဆမ်၁အိတ် (နောက်အပတ်၈၅ရက်သားမှာပုလဲ၁အိတ်ပိုတက်၁အိတ်ဂျစ်ပ်ဆမ်၂အိတ်ထပ်ကျွေးမှာပါ)နောက်ဆုံးအပတ်ဘယ်ရက်လောက်ထပ်ကျွေးသင့်လဲခဗျာဘာမြေသြဇာကျွေးသင့်ပါသလဲခဗျအပင်နိမ့်တဲ့နေရာက၂ပေခွဲအပင်မြင့်တဲ့နေရာက၃ပေလောက်တော့ရှိပါတယ်တယ်အကြံပေးပါအုန်းခဗျ

kyaw zin • ဖြေကြားချက် 1 ခု

မြေသြဇာ ၅၀ kg အိပ်မရရင် ရွတ်ဖြန်းမြေသြဇာလေးတွေသုံးပြီး စပါးရင့်မှဲ့သည်အထိ အသုံးပြုလို့ရပသလား ဘာကြောင့်ဆို မြေသြဇာတွေအဆမတင်စျေးကြီးနေလို့ ရွတ်ဖြန်းမြေသြဇာ NPK ပါတဲ့အိပ်လေးတွေအသုံးပြုချင်ပါတယ် အဆင်ပြေမလားခမျ

လိူင်စိုး • ဖြေကြားချက် 1 ခု

ကျနော်လယ်ကွက်တွေထဲမှာစပါးမစိုက်ရသေးဘူးရွှေခရုအကောင်ငယ်းများအားကြီးတွေ့ရတယ်ဘဲကြောင်းဖို့ဘဲကမရှိကောက်ဖို့လဲမဖြစ်နိုင်။ဘယ်ဆေးဝါးသုံးသင်သလဲဗျိ့။

U Win Zaw • ဖြေကြားချက် 3 ခု

ကုသလို့ ရနိုင်ပါအုံးမလားဗျ ဘာဖြစ်တာလဲ ဘယ်လိုကုသရမလဲ နားလည်သော ပညာရှင်များ အကြံပေးပါအုံး မိုးဆက်တိုက်ရွာလို့ ဖြစ်သွားတာပါ

ကိုကျော်ဇင်ဦး • ဖြေကြားချက် 4 ခု

ဆိတ်တွေ ချေးပန်းနေလို့ ဘယ်လိုကာကွယ်ရမလဲ ဆရာတို့ ကုညီပါအုန်း ခုမှ စိုက်ပျိုးရေးနဲ့ မွေးမြူရေး စပြီလုပ်တာဖြစ်လို့ မကျွမ်းကျင်လို့ပါ🙏🙏🙏

မောင်ပေါက်ကြီး • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ