အစေ့ထုတ်ပြောင်း ချည်း နှစ်စဥ်စိုက်ခဲ့လို့လားမသိဖူး မြေဆီညံ့ညံ့လာတယ်ဗျာ ။ ပဲပုပ်ကို သီးလှည့်ပုံစံမျိုး စိုက်ကြည့်ချင်ပါတယ် ၊ ပြင်ဦးလွင်တဝိုက်မှာ ဘယ်လို ပဲပုပ်အမျိုးအစားက သင့်တော်ပါ မလဲ။ စိုက်နည်းစနစ်များ ၊ဆောင်ရန် ရှောင်ရန်လေးများလဲ အကြံညဏ်လေး မစကြပါ ခမျာ ။

ကျေးဇူးတင်ပါတယ်ခင်မျ။

ကျေးဇူးတင်ပါတယ်ခင်မျ ။

ဟုတ် ပြောင်းက မြေဆီမြေနှစ်ကို အလွန်အကျွံစားသုံးတဲ့ သီးနှံတစ်မျိုးဖြစ်တဲ့အတွက်ကြောင့် သီးလှည့်စိုက်ပျိုးဖို့ လိုအပ်ပါတယ်။​ ပဲက မြေကြီးထဲကို နိုက်ထရိုဂျင်ပြန်ထည့်ပေးတဲ့အတွက်ကြောင့် သီးလှည့်သီးနှံ ရွေးချယ်မှုမှန်ကန်ပါတယ်။ မျိုးသန့်အနေနဲ့ကတော့ ရေဆင်းကထုတ်တဲ့ ပဲပုပ်မျိုးတွေရှိပါတယ်။ မြေပြန့်မှာစိုက်ဖို့အတွက်ဆိုရင် သင့်တော်တာက - ရေဆင်းပဲပုပ် (၆) သက်တမ်း ၉၀-၁၀၀ ရက် ရှိပါတယ်။ အထွက်နှုန်းက ၂၅တင်းကနေ ၃၀ လောက်ထိ ထွက်နိုင်ပါတယ်။ - ရေဆင်းပဲပုပ် (၁၄) သက်တမ်းတိုပြီး ၆၅-၈၅ ရက်ရှိပါတယ်။​ ထွက်နှုန်းက ၂၅ တင်းကနေ ၃၀ လောက်ထိ ထွက်နိုင်ပါတယ်။ အခုမှစစိုက်မယ်ဆိုရင်တော့ မြေကြီးထဲမှာ ပဲအတွက် လိုအပ်တဲ့ ရိုင်ဇိုဘီယမ်ပိုး မရှိသေးတဲ့အတွက်ကြောင့် အစနှစ်တွေမှာ အထွက်နည်းနိုင်ပါတယ်။​ဖြစ်နိုင်ရင် ရိုင်ဇိုဘီယမ်လူးနယ်ဆေးနဲ့ နယ်ပြီးစိုက်ပါ။ စိုက်ပျိုးနည်းအသေးစိတ်ကိုတော့ အောက်က လင့်မှာ ဖတ်ရှု့လေ့လာနိုင်ပါတယ်ဗျ။ ပဲပုပ်(Soybean) စိုက်ပျိုးနည်း

သီးလှည့်စိုက်ပျိုးပေးတာကောင်းပါတယ်ရှင့်။ စိုက်နည်းစနစ်နဲ့ အပင်ပြုစုနည်းတွေကိုလေ့လာဖို့ ပဲပုပ်(Soybean) စိုက်ပျိုးနည်း ဟင်းစားပဲပုပ် စိုက်ပျိုးနည်း ဒီဆောင်းပါးတွေကိုညွှန်းချင်ပါတယ်။ စာတန်းကိုနှိပ်ပြီးဖတ်ကြည့်ပါရှင့်။ မျိုးအနေနဲ့ကတော့ကိုယ့်ဒေသဘက်တွေမှာ အစိုက်များပြီး အပင်ပေါက်ရာခိုင်နှုန်းများတဲ့မျိုးတွေကိုရွေးချယ်စိုက်ပျိုးသင့်ပါတယ်။ ပဲပုပ်စိုက်နေတဲ့နီးစပ်ရာသူတွေနားလည်း မျိုးစေ့စုံစမ်းဖို့အကြံပြုချင်ပါတယ်။