ပြည်တော်ရင် မိုးစပါးစိုက်ခြင်လို့ပါ ဘယ်လိုစိုက်ပျိုးရမလည်း သိ့ခြင်ပါတယ်

အရည်အချင်းလက္ခဏာများ ပြည်တော်ရင်စပါးမျိုး၏ အပင်အမြင့်မှာ ၃ ပေနှင့် ၁ဝ လက်မခန့်ရှိသည်။ အနှံပါသောအပင်ပွား ကိုးပင်မှ ၁ဝ ပင်ပွား နိုင်သည်။ အနှံတစ်နှံ၏အရှည်မှာ တစ်ပေခန့်ဖြစ်သည်။ စပါးနှံတစ်နှံတွင် သီးလုံး ၁၄၂ လုံး သီးနိုင်ပြီး အောင်မြင် သောအစေ့ရာခိုင်နှုန်းမှာ ၉၁ ဒသမ ၅ ဖြစ်သည်။ စပါးစေ့ ၁ဝဝဝ ၏ အလေးချိန်(ဂရမ်)မှာ ၂၂ ဒသမ ၃ ဖြစ်ကြောင်း သိရသည်။ ပြည်တော်ရင်စပါးမျိုး၏ စပါးလုံးသည် ဧည့်မထအုပ်စုတွင် ပါဝင်သည်။ ဗိုက်ဖြူအနည်းငယ်ပါသော်လည်း ဆန်သားကြည် လင်သည်။ ကြိတ်ခွဲပါက ဆန်ထွက်ရာခိုင်နှုန်းမှာ ၆၃ ဒသမ ၉ ဖြစ်ပြီး အမိုင်းလို့စ်ရာခိုင်နှုန်းမှာ ၂၄ ဒသမ ၁ ဖြစ်သည်။ ဆန် ရှည်ထွက်မှုအချိုးမှာ ၁ ဒသမ ၆ ဖြစ်ပြီး စားသုံးမှုအဆင့်အတန်း ကောင်းမွန်သည်။ တိုင်းဒေသကြီးနှင့် ပြည်နယ်အသီးသီးတွင် စမ်းသပ်မှု များအရ တစ်ဧကလျှင် တင်း ၉ဝ မှ ၁ဝဝ အထိ ထွက်နိုင်သော မျိုးဖြစ်သည်။ စပါးမျိုး၏အသက်ရက်မှာ ၁၂၆ ရက်ရှိသည်။ မိုးစပါးနှင့် နွေစပါးရာသီတို့တွင် စိုက်ပျိုးနိုင်သည်။ ပြည်တော်ရင်စပါးမျိုးသစ်၏ အထက်တွင်ဖော်ပြပါ ထူးခြား ကောင်းမွန်သော ဆန်သားကြည်လင်ခြင်း၊ ဆန်လုံးရှည် သွယ်ခြင်း၊ ဆန်ထွက်ကောင်းခြင်း၊ စားသုံးမှုကောင်းမွန်ခြင်းနှင့် အထွက်ကောင်းခြင်းတို့ကြောင့် လက်ရှိ သက်လျင်စပါးမျိုးများ စိုက်ပျိုးသောနေရာတွင် အစားထိုးစိုက်ပျိုးနိုင်သော မျိုး တစ်မျိုးဖြစ်ကြောင်း အသိပေးဖော်ပြအပ်ပါသည်။ ။ ဆင်းသီဟ