တမာပိုးသတ်​ဆေးပြုလုပ်နည်း​လေး​​ပြောပြ​ပေးပါ

၁။တမာ လတ်ဆတ်သောတမားစေ့(၆၀)ကျပ်သားကို လက်ဆုံဖြင့် အဆန်ကွဲရုံထောင်းကာ ရေနှစ်ဂါလံဖြင့် ရောမွှေပြီး နှစ်ရက်ခန့်ရေစိမ်ထားပါ။ထို့နောက်တမာစေ့အရည်များကို ပိတ်ပါးပါးနှင့်စစ်ပေးပြီး မိမိပတ်ဖျန်းလိုသောသီးနှံခင်းတွင် ပတ်ဖျန်းပေးပါ။ တမာစေ့ (၆၀)ကျပ်သားမှရသည့် တမာပျော်ဝင်ရည်သည် ကူဘိုတာ (အေ – ၈)ဆေးဖျန်းပုံးတွင် ရေအပြည့်ဖြည့်ပြီး ဖျန်းပေးရန် သင့်လျော်သော နှုန်းထားဖြစ်သည်။ တမာရွက်ခြောက်ကိုလည်း လက်ဆုံဖြင့်ထောင်းကာ ထောင်းပြီးသားတမာရွက်ခြောက်များကို ရေဖြင့် ရောမွှေကာ နှစ်ညသိပ်ပြီး ပိတ်ပါးဖြင့်စစ်ခါ သဘာဝပိုးသတ်ဆေးအဖြစ် အသုံးပြုနိုင်ပါသည်။ တမာစေ့အကွဲများတစ်ဆလျင် မီသနော(အရက်ပျံ)ဆယ်ဆဖြင့် ငါးနာရီခန့်မွှေပေးပြီးအနည်ထိုင်စေရန် (၂၄)နာရီခန့်ထားပါ။ ထို့ပြင် တမာစေ့အမှုန့်များ ၊ တမာရွက်ခြောက် ပေါင် (၂၀)ခန့်ကို သဲ (သို့မဟုတ်)လွှစာ(၁၅)ပေါင်ခန့် ဖြင့် ရောမွှေ၍စပါးခင်းများ၌အသုံးပြုသည်။Source:ရွှေအား ကွန်ပေါင်းဓါတ်မြေဩဇာ website