ထောပတ်သီးပင် စနစ်တကျ အပင်ပြုစုခြင်းနှင့် မြေဩဇာကျွေးခြင်း

အပင်များပြုစုခြင်း

စီးပွားဖြစ်စိုက်ပျိုးရာတွင် ၄ - ၅ မီတာအမြင့်အထိသာရှိစေရန် ပုံမှန်ကိုင်းဖြတ်ပြုပြင်ပေးရသည်။ သို့မှသာ ဆေးဖျန်းခြင်းနှင့် ဆွတ်ခူးခြင်းတို့ကို လွယ်ကူစေသည်။ ထို့အပြင် အစေ့မှစိုက်ပျိုးသောထောပတ်ပင်များကို မပြုစုဘဲ သဘာဝအလျောက်ထားမည်ဆိုပါက အပင်များသည် ၁၀ မှ ၁၅ မီတာအထိ မြင့်အောင်ကြီးထွားသောကြောင့် ဖြစ်သည်။
ထောပတ်သီးပင်များ စိုက်ပျိုးပြီးနောက် ပထမဆုံးအကြိမ် တစ်မီတာကျော်မြင့်လာပါက အပင်အမြင့် တစ်မီတာသာထားပြီး ခေါင်ညွန့်ကိုဖြတ်ပေးပါ။ ထွက်လာသောဘေးတက်များကို ၃ - ၄ တက်သာထား၍ သေးသောကိုင်းနှင့် အတွင်းဘက်လှည့်သော ကိုင်းများကို ဖြတ်ပေးပါ။ ၎င်းတို့သည် နောက်ပိုင်းတွင် 'အကိုင်းမ'ကြီးများ ဖြစ်လာမည်။
ထောပတ်ပင်သည် အလွန်အကြီးမြန်ပြီး တစ်နှစ်တွင် တစ်မီတာမျှပင် မြင့်တက်နိုင်သည်။ အချို့စိုက်ပျိုးသူများသည် ပန်းမပွင့်မီ ၂ လခန့်တွင် အထက်သို့တက်သော အကိုင်းများအပြင် အတွင်းဘက်လှည့်သော အကိုင်းများနှင့် ဘေးသို့သိပ်ထွက်လာသောအကိုင်းများကိုပါ ဖြတ်ကြသည်။ ထိုကဲ့သို့ဖြတ်ပေးခြင်းဖြင့် အပင်သည် နေရောင်များစွာရသဖြင့် အသီးပိုမိုသီးသည်။
အရွယ်ရောက်သော ထောပတ်ပင်များသည် တစ်ပင်တွင် အသီး ၁၅၀ မှ ၂၀၀ အထိသာ တင်သောကြောင့် ဤကဲ့သို့ စိပ်စိပ်စိုက်ခြင်းဖြင့် ကောင်းစွာပြုစုပြီး ဆွတ်ခူးနိုင်သောကြောင့် အရည်အသွေးကောင်းမွန်သော အသီးများကို အထွက်နှုန်းများစွာ ရရှိနိုင်သည်။
ထောပတ်ပင်သည် သီးကင်းဝင်ချိန်နှင့် အသီးကြီးထွားချိန်တွင် ရေလိုအပ်ဆုံးအချိန်ဖြစ်သည်။ သီးကင်းဝင်ချိန်သည် ခြောက်သွေ့သောရာသီဖြစ်၍ ရေရရှိနိုင်လျှင် (၁)ပတ် တစ်ကြိမ်သွင်းပေးရမည်။ အသီးကြီးထွားချိန်သည် မိုးရာသီဖြစ်၍ ရေသွင်းရန်မလိုအပ်ပါ။ အပင်များ၏မြေတွင်းအစိုဓာတ်ထိန်းနိုင်ရန် ကောက်ရိုး၊ မြက်ခြောက် စသည်တို့ဖြင့် ဖုံးအုပ်ပေးပါ။

သဘာဝမြေဩဇာနှင့် ဓာတ်မြေဩဇာကျွေးခြင်း

ထောပတ်ပင်များကို သဘာဝနည်းဖြင့် စိုက်ပျိုးမည်ဆိုပါက တိရစ္ဆာန်ချေးများ၊ မြေဆွေးများ၊ တီကျစ်စာမြေဆွေးများကို တစ်နှစ်လျှင် သုံးကြိမ်ကျွေးရမည်။ တစ်ကြိမ်လျှင် အပင်တစ်ပင်အား ၁ တင်းမှ ၂ တင်း ကျွေးနိုင်သည်။
အပင်ကြီးလာသည့်အလျောက် မြေဆွေးများကိုတိုး၍ ကျွေးသွားရမည်ဖြစ်သည်။ အနည်းလိုအာဟာရများဖြစ်သော မန်ဂနိ၊ သွပ်၊ ကြေးနီ၊ မဂ္ဂနီဆီယမ်၊ ကန့် စသည်တို့ကို ရွက်ဖျန်းမြေဩဇာအဖြစ်ကျွေးပြီး မီးစုန်းဓာတ်နှင့် နိုက်ထရိုဂျင်ဓာတ်အတွက် အရိုးမှုန့်ကို မြေတွင်းထည့်ပေးရမည်ဖြစ်သည်။
အကယ်၍ ဓာတ်မြေဩဇာကို အသုံးပြုမည်ဆိုပါကလည်း သဘာဝမြေဆွေးများဖြင့်ရော၍ ကျွေးပေးနိုင်သည်။
စစိုက်ချိန်၌ မြေဆွေး ၁၀ - ၁၅ ကီလိုဂရမ်နှင့် ၁၆:၁၆:၁၆ ကွန်ပေါင်းမြေဩဇာ ၁၀၀ ဂရမ်ကို စိုက်ကျင်းထဲသို့ ထည့်ပြီးစိုက်ပါ။
ထို့နောက် ၎င်းကွန်ပေါင်းဓာတ်မြေဩဇာ ၁၀၀ ဂရမ်ကို ၄ လလျှင်တစ်ကြိမ် အပင်ခြေနှင့် တစ်ပေခွာပြီး ကျင်းတူး၍ ကျွေးပါ။
အပင်များကြီးလာသောအခါ ဓာတ်မြေဩဇာများကို ၂၀၀ ဂရမ် အထိတိုးပြီး ရွက်အုပ်အကွာတွင်ကျွေးပေးပါ။
အသီးကောင်းကောင်းသီးသောအခါတွင် ၂:၁:၄ နှုန်း (နိုက်ထရိုဂျင်: ဖော့စဖရပ်: ပိုတက်ဆီယမ်) ဓာတ်မြေဩဇာကို တစ်ပင်လျှင် ၂ ကီလိုဂရမ်နှုန်း တစ်နှစ်လျှင် ၃ ကြိမ်ကျွေးပေးပါ။

(Myanseed Agri Business Consultancy မှ ထုတ်ဝေသည့် ‘ထောပတ်သီးပင်စိုက်ပျိုးခြင်းဆိုင်ရာ နည်းလမ်းကောင်းများ’ စာအုပ်မှ ကူးယူဖော်ပြခြင်းဖြစ်ပါ သည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...