ထောပတ်သီးပင်က ဘယ်လို မြေနဲ့ရာသီဥတုမျိုးကို ကြိုက်လဲ..

ထောပတ်သီးဟာ အာဟာရပြည့် အရသာရှိသလို အခုနောက်ပိုင်း စားသုံးမှုလည်း ပိုတွင်ကျယ်လာပါတယ်။ လက်ရှိမှာတော့ ထောပတ်ဆီနဲ့ အလှကုန်ပစ္စည်းတွေဟာလည်း ဈေးကွက်မှာ အတော် လေး တွေ့လာရပြီး စီးပွားရေးအလားအလာအတော်ကောင်းတဲ့ အသီးတစ်မျိုး ဖြစ်နေပြီမို့ စိုက်ပျိုး လိုသူတွေလည်း များလာပါတယ်။

ဒါပေမဲ့ မြန်မာနိုင်ငံ နေရာတိုင်းမှာတော့ ထောပတ်သီးစိုက်ပျိုးအောင်မြင်မှု မရနိုင်ပါဘူး။ ဆိုတော့ ထောပတ်သီးပင်က ဘယ်လိုမြေအမျိုးအစား၊ ရာသီဥတုမျိုးကို ကြိုက်နှစ်သက်သလဲ၊ ဘယ်လိုဒေသတွေမှာ စိုက်ပျိုးအောင်မြင်နိုင်သလဲဆိုတာတွေကို ဖော်ပြပေးလိုက်ပါတယ်။

လက်ရှိတွင် နိုင်ငံတကာမှ လက်ခံအသိအမှတ်ပြုထားပြီး မြန်မာနိုင်ငံတွင် စီးပွားဖြစ်ကိုင်းဆက်စိုက်ပျိုးလာသော မျိုးကောင်းမျိုးသန့် နှစ်မျိုးမှာ “ဟက်စ်” နှင့် “ဖြူရီတီ” တို့ဖြစ်သည်။

ထောပတ်သီးပင်များသည် အလွန်စေးသောမြေ၊ အလွန်သဲဆန်သောမြေနှင့် ရေဝပ်သောမြေများမှအပ အခြားမြေများတွင် စိုက်ပျိုး၍ ရသည်။ သို့သော်လည်း စိုက်ပျိုးရန်အကောင်းဆုံးမြေမှာ သဘာဝမြေဆွေးပါဝင်မှုများသော နုန်းမြေဖြစ်သည်။

ထောပတ်သီးပင်အမြစ်သည် အပေါ်ယံမြေသားတွင်သာရှိပြီး ရွက်အုပ်ထက်ကျော်၍ မကြီးထွား သောကြောင့် သဘာဝမြေဆွေးများစွာရှိနေခြင်းကို ကြိုက်နှစ်သက်သည်။ မိုးရွာသွန်းမှုများပြီး ရေဝပ်သောမြေနေရာသည် ရေရှည်တွင် ထောပတ်သီးစီးပွားဖြစ်စိုက်ပျိုးရန် အခက်အခဲဖြစ်စေနိုင်သည်။ မြေဆီဩဇာထက်သန်သောမြေနှင့် ရေသွင်းရေထုတ်လွယ်ကူသည့်မြေမျိုးတွင် စိုက်ပျိုးရန် အသင့်တော်ဆုံးဖြစ်သည်။

မြောက်လတ္တီကျု(ဒ်) ၈ မှ ၂၄ ဒီဂရီ နှင့် ပင်လယ်ပြင်မှ အမြင့်မီတာ ၂၅၀၀ အတွင်း ထောပတ်သီးအရိုင်းများပေါက်သည်။
မြေချဉ်ငန်ဓာတ် pH ၄.၅ မှ ၈.၃ အတွင်း ဖြစ်ထွန်းနိုင်သည်။ အသင့်တော်ဆုံးမှာ pH ၅ မှ ၆.၅ ဖြစ်သည်။
ထောပတ်ပင်သည် လေထုစိုထိုင်းဆ မြင့်မားခြင်းကို ကြိုက်နှစ်သက်ပါသည်။
ပျမ်းမျှအပူချိန် ၁၈ မှ ၂၆ ဒီဂရီဆဲလ်စိယပ် အတွင်း ကောင်းစွာဖြစ်ထွန်းပြီး တစ်နှစ်မိုးရေချိန် အနည်းဆုံး ၇၅၀ မီလီလီတာ လိုအပ်ပါသည်။ အသီးသီးချိန်တွင် မြေဆီလွှာအတွင်း အစိုဓာတ် မဖြစ်မနေလိုအပ်သည်။
ထောပတ်သီးပင်သည် လေဒဏ်မခံနိုင်သဖြင့် ဥယျာဉ်ခြံပတ်ပတ်လည်တွင် လေကာပင်များစိုက်ပျိုးထားရမည်။ အကယ်၍ ထောပတ်ဥယျာဉ်ခြံဘေးတွင် အပင်ကြီးများရှိနေလျှင် ခုတ်မပစ်သင့်ပါ။

မြန်မာနိုင်ငံတွင်ထောပတ်သီးစိုက်ပျိုးသောဒေသများဖြစ်သော ချင်းတောင်နှင့် ရှမ်းပြည်တို့သည် မြောက်လတ္တီကျုဒ် ၂၀-၂၄ ဒီဂရီတွင် တည်ရှိပြီး ပင်လယ်ပြင်မှ အမြင့်မီတာ ၁၀၀၀ မှ ၂၀၀၀ အတွင်းရှိကာ မိုးရွာသွန်းမှုမှာ တစ်နှစ်လျှင် ပျမ်းမျှ ၁၅၀၀ မီလီမီတာမှ ၂၂၅၀ မီလီမီတာရွာသွန်းပါသည်။

ပျမ်းမျှ အနိမ့်ဆုံးအပူချိန်မှ ၁၀ ဒီဂရီ ဆဲလ်စိယပ်ဖြစ်ပြီး ပျမ်းမျှအမြင့်ဆုံး အပူချိန်မှာ ၃၆ ဒီဂရီဆဲလ်စိယပ်ဖြစ်သည်။ တောင်ပေါ်ဒေသဖြစ်၍ ပူနွေးစွတ်စိုသောရာသီရှိသည့်အတွက် ထောပတ်သီးပင်စိုက်ပျိုးဖြစ်ထွန်းရန် သင့်တော်သော အနေအထားရှိပါသည်။

(Myanseed Agri Business Consultancy မှ ထုတ်ဝေသည့် ‘ထောပတ်သီးပင်စိုက်ပျိုးခြင်းဆိုင်ရာ နည်းလမ်းကောင်းများ’ စာအုပ်မှ ကူးယူဖော်ပြခြင်းဖြစ်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...