အခြေခံဝါးရုံပြုပြင်ခြင်းနည်းစနစ်များ အပိုင်း ၁ - Clump Management Part I

13/12/2018 10:30 AM တွင် BIF BIF မှ ရေးသား ပြီး BIF BIF မှ ပေးပို့ထားပါသည်။

ဝါးပိုးအုပ်စုဝင်များအတွက်သာ အဓိကထားဖော်ပြပါသည်။

ဝါးရုံများကို စနစ်တကျပြုပြင်ခြင်းဖြင့် ရရှိလာနိုင်သောအကျိုးကျေးဇူးများ (Benefits of Clump Management)

၁။ လူမှုရေး၊ စီးပွားရေး နှင့် သဘာဝဂေဟစနစ်တို့ကို အချိုးညီစွာ ထိန်းသိမ်းနိုင်ရန်။

၂။ ဝါးစိုက်ပျိုးထုတ်လုပ်မှုစွမ်းအားမြင့်မားလာစေရန်။

၃။ ဝါးနု (မျှစ်)ထွက်ရှိမှုများပြားလာစေရန်။

၃-၁ ဝါးပင်အဖြစ်ပြောင်းလဲသွားနိုင်မည့် ဝါးနု (မျှစ်) ထွက်ရှိမှုများပြားလာစေရန်

၃-၂ ဝါးရုံ၏ ပင်စည်များ ရေရှည်ကျန်းမာသန်စွမ်းရေးကို ထိန်းသိမ်းနိုင်ရန်။

ဆောက်လုပ်ရေးလုပ်ငန်းအတွက် အသုံးပြုနိုင်သော အရည်အသွေးရှိဝါး ပင်များတိုးပွားလာစေရန်။

ဝါးရုံများကို ကနဦး ပြုပြင်ခြင်း ( Initial adjustment of clump structure)

၁။ ဝါးရုံကျန်းမာသန်စွမ်းမှုအတွက် အနှောက်အယှက်ပေးနေသော ဝါးလုံးများကို ဖယ်ရှားပစ်ရမည်။ ဥပမာ ရောဂါဝင်နေသောဝါးလုံးများ၊ သက်တမ်းရင့်သောဝါးလုံးများ ( ၅ နှစ် နှင့်အထက်)၊ ကောက်ကွေးနေသော ဝါးလုံးများ၊ အရွယ်အစားမမှန်သော သေးလွန်းသော ဝါးလုံးများ၊ ကျိုးပဲ့ပျက်စီးနေသော ဝါးလုံးများ) အစရှိသည်တို့ဖြစ်သည်။

၂။ လေဝင်လေထွက်ကောင်းမွန်စေရန် ဝါးရုံအတွင် သိပ်သည်းမှုကိုလည်း ပြုပြင်ပေးရမည်။

ဝါးပင်၏ သက်တမ်းစက်ဝိုင်း (Bamboo Life Cycle)

၁။ ကျိုးပဲ့ပျက်စီးနေသော ဝါးလုံးများကို အဘယ်ကြောင့်ဖယ်ရှားသင့်ပါနည်း (Broken culmps)

၁။ ဝါးရုံအတွင်း နေရာယူမှုဖြစ်စေတယ်။

၂။ မျှစ်များကြီးထွားမှုအတွက် နေရောင်ခြည်ရရှိမှုကို ဟန့်တားထား ။

၃။ တစ်ခြားကျန်းမာသော ဝါးလုံးများကို ရောဂါ၊ ပိုးမွှားကူးစက်စေတယ် ။

၄။ မှိုရောဂါနှင့်သက်ဆိုင်သော အရာများ ပွားများစေသည် ။

၂။ ကောက်ကွေးနေသော ဝါးလုံးများကို အဘယ်ကြောင့်ဖယ်ရှားသင့်ပါနည်း ။ (Too bent)

၁။ ဝါလုံးအသစ်များ နှင့် မျှစ်များ၏ ပုံမှန်ကြီးထွားမှု၊ ဖြောင့်တန်းမှုကို အနှောက်အယှက်ဖြစ်စေသည်။

၂။ ကောက်ကွေးနေသော ဝါးများကို ဝါးနု (မျှစ်စို့များ) များလုံလောက်သော ကြီးထွားမှုရရှိပြီး ခြောက်သွေ့သော ဝါးလုံးခုတ်သော ရာသီတွင်သာ ခုတ်ထွင်ရှင်းလင်းသင့်သည် ။

၃။ သက်တမ်းရင်သော ဝါးများကို အဘယ်ကြောင့်ဖယ်ရှားသင့်ပါသနည်း (Too old)

၁။ ဝါးအမျိုးအစားပေါ်မူတည်ပြီး ၅နှစ် (သို့) ၇နှစ်နှင့်အထက် ဝါးလုံးများကို ဝါးရုံတွင်မထားသင့်ပါ။

၂။ သက်ကြီးဝါးများသည် ကြံ့ခိုင်မှုအားနည်းသည့်အတွက်ကြောင့် အသုံးဝင်မှုနည်းသွားသည် အဓိကအားဖြင့် ဝါးဆောက်လုပ်ရေးလုပ်ငန်းနှင့် ဝါးလက်မှုလုပ်ငန်းများတွင် သုံးရန်မသင့်။ထို့အပြင် မျှစ်စို့များ ထွက်ရန်မတတ်နိုင်သည့်အပြင် ဝါးရုံအတွင်းနေရာယူမှုများကြောင့် ဖယ်ရှားရမည်။

၄။ အရွယ်အစားမမှန်သော၊ သေးလွန်းသော ဝါးလုံးများကို အဘယ်ကြောင့်ဖယ်ရှားသင့်ပါသနည်း ( Too Samll)

၁။ ဝါးရုံအတွင် အပင်သိပ်သည်းမှုကိုဖြစ်စေတဲ့အတွက် အခြားဝါးလုံးများ၏ကြီးထွားမှုအတွက် အဟန့်အတားဖြစ်စေသည်။

၂။ ဝါးရုံကို ပြုပြင်ထိန်းသိမ်းရာတွင်လည်း အလွယ်တကူပျက်စီးကျိုးပဲ့လွယ်တယ် ။

၃။ မျှစ်စို့ထွက်လာရင်လည်း အရည်အသွေးညံ့သော မျှစ်စို့များသာထုတ်နိုင်သည် ။( ဝါးလုံးဖြစ်လာရန်မသေချာသော)

၅။ ရောဂါပိုးကျနေသောဝါးလုံးများကို အဘယ်ကြောင့်ဖယ်ရှားသင့်ပါသနည်း (Disease culmp/ too sick)

၁။ မှိုရောဂါများပွားများရန် အခြေအနေပေးခြင်း ။

၂။ ပိုးမွှားများဝင်ရောက်ရန်လွယ်ကူခြင်း ။

၃။ ဝါးလုံးများကို အရည်အသွေးကျစေသော ကပ်ပါးကောင်များကို ကျရောက်စေခြင်း ။

BIF


ဗွေဆော်ဦး ကြော်ငြာ
ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်