ဆေးဖက်ဝင် ချဉ်စော်ကားသီး စိုက်ပျိုးနည်း

         ဆေးဖက်ဝင်သည့် ချဉ်စော်ကားသီး၏ သိပ္ပံအမည်သည် Cydonia oblonga  ဖြစ်ပြီး သမပိုင်းရာသီဥတုရှိသော အာရှတိုက်၊ အနောက်တောင်ပိုင်းဒေသများဖြစ်ကြသည့် ဥရောပတိုက်နှင့် အာရှတိုက်ကြားဒေသသည် ချဉ်စော်ကားသီး၏ ဇာတိနေရပ်ဘဲဖြစ်သည်။ ချဉ်စော်ကားသီးသည် အလွန်အေးသော ကုန်းမြင့်ဒေသတွင်သာ ပေါက်ရောက်ကြပြီး ချဉ်စော်ကားပင်သည် ၆ပေမှ၁၂ပေခန့် ရှည်လျားသော ပင်လတ်၊ပင်စည် မျိုးဖြစ်သည်။ 

          အသီးသည် ပန်းသီး၊သစ်တော်သီးနှင့်ဆင်တူပြီး ချဉ်စော်ကားပင်၏ ထူးခြားချက်သည် ပင်စည်မှ ထွက်လာသောအကိုင်းများတွင် လက်မဝက်ခန့် ချွန်ထက်သော ဆူးများရှိသော်လည်း ပင်စည်ရင့်လာသည်နှင့်အမျှ အဆူးများတုံးသွားတတ်ပါသည်။ အရွက်တွင်အမွှေးနုများပါပြီး နွေဉီးတွင်အရွက်နုအသစ်များ ထွက်ပေါ်လာပြီးနောက် အဖြူရောင် သို့မဟုတ် ပန်းရောင်ရှိသော အပွင့်များပွင့်လာကြသည်။ ချဉ်စော်ကားသီးကို အချဉ်ထုပ်အချဉ်ပေါင်းအဖြစ် စားသုံးခြင်း၊ချဉ်စပ်ဟင်းရည် အဖြစ်စားသုံးကြသည် သာမက ရှမ်းပြည်နယ်တွင်ဆေးဖက်ဝင် ဝိုင်ချက်လုပ်ကာ သောက်သုံးကြသည်။

စိုက်ပျိုးနည်း

       ချဉ်စော်ကားပင်သည် သဲဆန်သောမြေတွင်စိုက်ပျိုးလျှင်အောင်မြင်ဖွံ့ဖြိုးသည်သာမက ချဉ်သောမြေ မြေဆီဩဇာ ကောင်းမွန်သောမြေ၊ အစိုဓာတ်အနည်းငယ်နှင့် ရေကောင်းစွာစီးဆင်းနိုင်သောမြေ၊ နေရောင်ခြည်ကောင်းစွာရရှိသော နေရာကိုပိုကြိုက်သည်။ အလွန်ခြောက်သွေ့နေသော မြေနှင့်ရေဖြင့် နူးပွနေသောမြေကို တော့မကြိုက်ပါ။အရိပ်ကျသောနေရာတွင် စိုက်ပျိုးထားပါက ကြီးထွားဖွံ့ဖြိုး နိုင်သော်လည်း အသီးတင်နိုင်မှုမရှိပေ။ချဉ်စော်ကားပင်သည် -၁၅ဒီဂရီစင်တီဂရိတ် (အလွန်အေးသော) အချိန်တွင်တောင် ရှင်သန်ကြီးထွားနိုင်သော်လည်း အသီးရင့်မှည့်နိုင်မှုတော့မရှိပါ။ ချဉ်စော်ကားပင်သတ်တမ်းသည် နှစ်၃၀မှ၅၀အထိရှိသောကြောင့် အစေ့မှစိုက်ပျိုးခြင်းထက် ကိုင်းဖြတ်စိုက်ပျိုးခြင်းသည် ပိုသင့်တော်သည်။အသီးသည် နွေနေကြာရှည်စွာရသောအချိန် အပင် သက်တမ်း၅နှစ်မှ ၁၀နှစ်အတွင်းတွင် သီးလေ့ရှိသည်။ အပင်အားကိုင်းချိုင်ခြင်း ပြုလုပ်မည်ဆိုပါက ဆောင်းရာသီတွင် သာပြုလုပ်သင့်သည်။

      ချဉ်စော်ကားပင်သည် တစ်နှစ်တွင်ဆောင်းရာသီ၏ လလယ်တစ်ကြိမ်လောက်သာ မြေဩဇာကျွေးသင့်သည်။ ချဉ်စော်ကားပင်အား နိုက်ထရိုဂျင်မြေဩဇာ အများအပြားကျွေးခြင်းမပြုလုပ်ရပါ။ ကျွေးမိပါက ပန်းပွင့်များကြွေကျနိုင်ပြီး လောင်မီးရောဂါကိုခံနိုင်ရည်မဲ့စေသည်။ရေသည် အပင်ကြီးထွားနေစဉ်နှင့် အသီးသီးနေချိန်တွင် တစ်ပတ်တစ်ခါလောက်သာ ရေများများလောင်းပေးရမည်။တစ်ခါတစ်ရံအပူချိန်ကိုလိုက်၍ ၂ပတ်(သို့)၁လတွင်၁ကြိမ်လောက် သာလောင်းပေးရမည်။ရေလုံလောက်စွာမရရှိပါက အသီးကြွေကျခြင်းများ ဖြစ်စေနိုင်သည်ကိုသတိပြုရမည်။ 

       ချဉ်စော်ကားပင်အားဆောင်း နှောင်းပိုင်းတွင်အစိုဓာတ်လျှော့ချရန် ပင်စည်နှင့် ၈လက်မခွာ၍ကောက်ရိုး၊ သစ်ရွက်ဆွေးနှင့် ပလတ်စတစ်အုပ်ထားပေးရမည်။ ချဉ်စော်ကားပင်တွင် အများဆုံးကျရောက်တတ်သော ရောဂါများသည် လောင်မီး‌ေရာဂါ၊ အရွက်ပေါ်ဖြစ်သောမှိုရောဂါ၊ သံချေးရောဂါနှင့်အသီးအရွက်များတွင် အစက်အပြောက်များ ဖြစ်ပေါ်ခြင်းစ‌ေသာရောဂါများဖြစ်တတ်သည်။

    • ချဉ်စော်ကားပင်စိုက်ပျိုးသင့်သည့်အချိန်_ဖေဖော်ဝါရီ၊မတ်လ

    • ပန်းပွင့်သည့်အချိန်_မတ်လ

    • အသီးတင်သည့်အချိန်_စက်တင်ဘာ၊အောက်တိုဘာ၊နိုဝင်ဘာလ

    • ရိတ်သိမ်းသင့််သည့်အချိန်_အောက်တိုဘာ၊နိုဝင်ဘာလ

ဆေးဖက်ဝင်ပုံ

      ချဉ်စော်ကားသီးသည် ဝိတ်ချရန်အတွက်စားသုံးသင့်သည့် အကောင်းဆုံးသီးနှံဖြစ်သည်။ ချဉ်စော်ကားသီးတွင် အမျှင်ဓာတ်နှင့် ခန္ဓာကိုယ်အတွက်မရှိမဖြစ် လိုအပ်သော ဗီတာမင်နှင့် သတ္တုဓာတ်များ ကြွယ်ဝစွာပါဝင်သည်။ အိုမင်းရင့်ရော်ခြင်းကို တားဆီးပေးသည့် အန်တီအောင့်ဇီ့ဒက်လည်း ကြွယ်ဝစွာပါဝင်သည့် အတွက်စိတ်ဖိစီးမှုကို လျှော့ချပေးနိုင်ပါသည်။ ချဉ်စော်ကားသီးတွင်ပါဝင်သည့် ဗီတာမင် ၆၏ အကျိုးကျေးဇူးသည် ကိုယ်ဝန်ရှိစတွင် ဖြစ်ပေါ်တတ်သော ပျို့အန်ခြင်းများကို ရေနွေးဖြင့် စိမ်သောက်ခြင်းဖြင့် သက်သာစေနိုင်သည်။ပါဝင်သည့် ဗီတာမင်စီ၊ဖိုက်ဘာနှင့် အာဟာရဓာတ်များက ကိုယ်ခံအားကောင်းမွန် စေသည်။

       ထိုမျှသာမက သွေးပေါင်ချိန်ကိုလည်းလျော့ကျစေသည့် အပြင် ကိုလက်စထရောကိုပါ လျှော့ချပေးနိုင်သည်။ အစာအိမ်နာ၊အူနာရောဂါများခံစားနေရသူများ စားသုံးပါက ရောဂါကို သက်သာစေသည်။ ပုံမှန်စားသုံးခြင်းဖြင့် အသဲနှင့်မျက်လုံးရောဂါများကို သက်သာပျောက်ကင်း နိုင်သည်။ ချဉ်စော်ကားသီးသည် ကင်ဆာရောဂါကိုပါကြိုတင်ကာကွယ်နိုင်သည့် အသီးဖြစ်သည်။

      ချဉ်စော်ကားပင်အများဆုံး စိုက်ပျိုးသောနိုင်ငံသည် တူရကီနိုင်ငံဖြစ်ပြီး တစ်ကမ္ဘာလုံး အတိုင်းအတာ အနေဖြင့် ချဉ်စော်ကားသီး ထုတ်လုပ်မှု၏လေးပုံတစ်ပုံကို ထုတ်လုပ်နိုင်သည်။

Reference:

http://www.missouribotanicalgarden.org/PlantFinder/PlantFinderDetails.aspx?taxonid=286497

https://www.stylecraze.com/articles/amazing-health-benefits-of-quince-fruit/?amp=1

ဆောင်းပါးများ/သတင်းများ ပြန်လည်ကူးယူဖော်ပြပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်