"ငါးမုတ်ငါးများအကြောင်း"

မြန်မာနိုင်ငံရှိ အရသာကောင်းမွန်သော ငါးများတွင် ငါးမုတ်ငါးသည်လည်းပါဝင်သည်။ ငါးမုတ်ဖြူ၊ ငွေရောင်ငါးမုတ်နှင့် ငါးမုတ်မဲဟူ၍ ငါးမုတ်(၃)မျိုးရှိရာ ငါးမုတ်ငါးများအများဆုံးရမိရာ ရခိုင်၊ တနင်္သာရီကမ်းရိုးတမ်းဘက်၌ ငါးမုတ်ဖြူနှင့် ငါးမုတ်မဲကိုသာ တွေ့ရများပါသည်။

ငါးမုတ်ငါးမှာ အလယ်ရိုးတစ်ရိုးသာပါပြီး ကြော်စားပါက ကြွပ်ကြွပ်ရွရွလေးနှင့် အရမ်းအရသာရှိသော ငါးတစ်မျိူးဖြစ်သည်။ အသားများပြီး နူးညံမှုရှိသည်။ အကြေးခွံသေးသေးလေး အနည်းငယ်သာပါရှိကြပြီး အရိုးနည်းသဖြင့် အရိုးစူးမှာလည်း မပူရပေ။ ငါးမုတ်မျိူးစိတ် (၃) မျိူးအနက်

မြန်မာနိုင်ငံတွင်တွေ့ရများသော ငါးမုတ်ဖြူနှင့် ငါးမုတ်မဲအကြောင်းကို ဦးစွာပထမတင်ပြပါ့မည်။

ငါးမုတ်ဖြူငါး

ငါးမုတ်(၃)မျိူးတွင်ငါးမုတ်ဖြူငါးမှာ အရသာအရှိဆုံး ငါးဖြစ်သည်။ ငါးမုတ်ဖြူငါးမှာ ကမ်းနီးပိုင်းတွင် ကျက်စားနေထိုင်ကြသလို ရွှံ့နွံထူသော ပင်လယ်ကြမ်းပြင်တွင်လည်း အုပ်စုလိုက်နေထိုင်ကြပါသည်။

ငါးမုတ်ဖြူ၏ ကိုယ်ထည်သည် ခိုင်မာသည့်ပုံစံရှိပြီး ဘေးတိုက်အလွန်ပြားပြီး ဘဲဥပုံစံရှိပါသည်။ အမြီးရေယက်သည် ခရင်းခွပုံစံထင်ရှားစွာရှိကြပြီး ကျောဘက်အရောင်မှာ မီးခိုးရောင်ဖြစ်ပြီး ဝမ်းဗိုက်ပိုင်းတွင် ငွေရောင်တောက်ပကြပါသည်။ ငါးမုတ်ဖြူငါးများမှာ အကောင်မျှောလှေ (Zooplankton) များကို သူတို့အစာအဖြစ် စားသုံးကြပါသည်။

အမြင့်ဆုံး ခန္ဓာကိုယ်အလျား (60)cm အထိတွေ့ရပြီး ပုံမှန် (30)cm ရှိကြပါသည်။ ငါးမုတ်ဖြူမှာ ဈေးကွက်တွင် အရေးပါပြီး နိုင်ငံခြားပို့ကုန်ငါးတစ်မျိူးလည်း ဖြစ်သည်။ ငါးမုတ်ဖြူကို လတ်လတ်ဆတ်ဆတ်ကြော်စားခြင်းဖြင့် Protein (ပရိုတင်းဓာတ်)ပြည့်ဝစွာရရှိပြီး ကျန်းမာရေးကောင်း၍ ဉာဏ်ရည်ဖွံ့ဖြိုးစေသည်ဟု ဖတ်မှတ်ရဖူးပါသည်။

ငါးမုတ်မဲငါး

ငါးမုတ်မဲငါးကို တနင်္သာရီဘက်တွင် ငါးမုတ်ဖြူဟုပင်ခေါ်ကြသည်။ ရခိုင်ဒေသတွင်မူ 'ယုဇနသမ်ဘူ'ဟူ၍ခေါ်ကြသည်ဟု သိရပါသည်။ ငါးမုတ်ဖြူနှင့် ငါးမုတ်မဲမှာ အသွင်ချင်းတူပြီး အရောင်သာကွဲပြားကြသည်။ ငါးမုတ်မဲ၏ အရောင်မှာ အညိုရင့်ရောင် (သို့မဟုတ်) မွဲပြာရင့်ရောင်ဖြစ်သည်။ အမြင့်ဆုံးအရွယ်အစား (40)cm ရှိကြပြီး ပုံမှန်အားဖြင့် (20)cm ရှိကြပါသည်။ ရေငန်နှင့် ရေချိူရေငန်စပ်ဒေသများတွင် ငါးမုတ်ဖြူရော၊ ငါးမုတ်မဲပါ ရမိကြပါသည်။

ငါးမုတ်ငါးကိုကြော်စားခြင်း၊ ပဲဆီပေါင်းစားခြင်းများသာမက ငါးမုတ်ပဲငါးပိကြော်၊ ငါးမုတ်ကြက်ဥနှစ်ကြော်၊ ငါးမုတ်ထောပတ်ကင်၊ ငါးမုတ်သောက်ဆမ်း၊ ငါးမုတ်ပေါင်း၊ ငါးမုတ်အချဉ်ဆီပြန် စသည်ဖြင့် ချက်စားကြပါသည်။

ငါးမုတ်ဖြူနှင့် ငါးမုတ်မဲငါးများမှာ ဈေးကွက်ဝင် တန်ဖိုးမြင့်ငါးများဖြစ်ကြပြီး ပြည်ပဈေးကွက်တွင်လည်း မျက်နှာပန်းလှသည့် ငါးတစ်မျိူးဖြစ်ကြပါကြောင်း လေ့လာရေးသားလိုက်ရပါသည်။

ပင်လယ်ပြာ (ငါးဦးစီး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...