ကျွဲ နွား ကူးစက်ရောဂါကာကွယ်ဆေးများ ပုံမှန်ထိုးနှံရေး နှိုးဆော်ချက်

၁။ ကျွဲနွားများ၌ ခွာနာလျှာနာရောဂါ၊ လည်ချောင်းကွဲ ရောဂါ၊ ပေါင်ပုပ်လက်ပုပ်ရောဂါနှင့် ထောင့်သန်းရောဂါများ အများဆုံး ဖြစ်ပွားလေ့ရှိသဖြင့် ကျွဲနွားများရောဂါကင်းစေရန် ကာကွယ်ဆေးများကို ပုံမှန်ထိုးနှံ ဆောင်ရွက်ရန် လိုအပ် ပါသည်။

၂။ ခွာနာလျှာနာရောဂါကာကွယ်ဆေးများကို ကျွဲ နွား အသက်နှစ်လမှ စတင်ထိုးပေးနိုင်ပြီး ခြောက်လတစ်ကြိမ် ပုံမှန် ထိုးပေးရမည်။

၃။ လည်းချောင်းကွဲရောဂါ ကာကွယ်ဆေးကို ကျွဲ နွား အသက်ခြောက်လမှ စတင်ထိုးပေးနိုင်ပြီး ခြောက်လတစ်ကြိမ် ပုံမှန် ထိုးပေးရမည်။

၄။ ပေါင်ပုပ်လက်ပုပ်ရောဂါ ကာကွယ်ဆေးကို ကျွဲ နွား အသက်ခြောက်လမှ စတင်ထိုးပေးနိုင်ပြီး ခြောက်လတစ်ကြိမ် ပုံမှန်ထိုးပေးရမည်။

၅။ ထောင့်သန်းရောဂါကာကွယ်ဆေးကို ကျွဲ နွား အသက်ခြောက်လမှ စတင်ထိုးပေးနိုင်ပြီး တစ်နှစ်တစ်ကြိမ် ပုံမှန် ထိုးပေးရမည်။

၆။ ကျွဲ နွားကူးစက်ရောဂါကာကွယ်ဆေးများ ထိုးနှံရန် သက်ဆိုင်ရာမြို့နယ် မွေးမြူရေးနှင့် ကုသရေးဦးစီးဌာနသို့ ဆက်သွယ်နိုင်ပါသည်။

၇။ ကျွဲ နွားများတွင် အဖြစ်များသော ခွာနာလျှာနာရောဂါ၊ လည်ချောင်းကွဲရောဂါ၊ ပေါင်ပုပ်လက်ပုပ်ရောဂါနှင့် ထောင့်သန်းရောဂါ ကာကွယ်ဆေးများ ပုံမှန်ထိုးပေးခြင်းဖြင့် ကူးစက်ရောဂါကြောင့် သေဆုံးမှုလျော့ကျနိုင်ပြီး ရောဂါ ကင်းစင်၍ ကျန်းမာသန်စွမ်းကာ လယ်ယာလုပ်ငန်းခွင်တွင် ပိုမိုဆောင်ရွက်နိုင်ခြင်း၊ ရောဂါကင်းစင် ကျန်းမာသော ကျွဲနွားများကို တန်ဖိုးမြှင့် ရောင်းဝယ်နိုင်ခြင်း စသည့်အကျိုးကျေးဇူးများ ရှိပါသဖြင့် ပုံမှန်ဆောင်ရွက်သွားကြရန် နှိုးဆော်အပ်ပါသည်။

မွေးမြူရေးနှင့်ကုသရေးဦးစီးဌာန

စိုက်ပျိုးရေး မွေးမြူရေးနှင့် ဆည်မြောင်းဝန်ကြီးဌာန