“ငါးရံ့မွေးမြူရေးအကြောင်း”

ငါးရံ့ကိုမွေးမြူသင့်သည့်အကြောင်းအရင်းများ

- ဈေးကွက်တွင် လူကြိုက်များသော ငါးဖြစ်နေခြင်း။

- ရောဂါမရှိဘဲ အကြမ်းခံနိုင်ခြင်း။

- အစာချေးမများခြင်း။

- အသေအပျောက်နည်းခြင်း။

- ကျွေးသလောက်စားပြီး စားသလောက် အရွယ်အစားကြီးထွားနိုင်သော ငါးဖြစ်နေခြင်း။

- ငါးစိုရော ငါးခြောက်ပါ ဝယ်လိုအားကောင်းမွန်ခြင်း။

ငါးရံ့မျိုးစိတ်များ 

    တိုင်းရင်းငါးရံ့မျိုးစိတ်များ မြောက်များစွာရှိသည့်အနက် မြန်မာနိုင်ငံတွင် ငါးရံ့ (၅) မျိုးရှိကြပါသည်။ 

(၁) ငါးရံ့အောက်

(၂) ငါးရံ့ဒိုင်

(၃) ငါးရံ့အုံးမတ်

(၄) ငါးရံ့ပနော်

(၅) ငါးရံ့ခေါင်းတို တို့ဖြစ်ကြပါသည်။ 

    ထိုထဲတွင်မှ ငါးရံ့အောက်အမျိုးအစားမှာ ကြီးထွားနှုန်းကောင်းမွန်သဖြင့် ယခုအခါ ငါးရံ့အောက်ကို ဆေးထိုးသားဖောက်စနစ်ဖြင့် သားပေါက်များ ထုတ်လုပ်နေကြပါပြီ။ သားပေါက်များကို သဘာဝမှ လိုက်လံစုဆောင်းထားခြင်း၊ ရှော့တိုက်ဖမ်းယူထားခြင်းမဟုတ်သောကြောင့် အစာကျင့်စရာမလိုသလို အချင်းချင်းစားသုံးခြင်း၊ ကိုက်ခြင်းလည်း မရှိကြပေ။

မွေးမြူသင့်သည့် မြေနေရာ 

- တစ်နှစ်ပတ်လုံး ရေနေနိုင်သည့်မြေဖြစ်၍ ရေကို ကောင်းစွာထိန်းသိမ်းနိုင်သည့် ရွံ့စေးမြေ၊ ရွံ့နုန်းမြေဖြစ်ရပါမည်။

ကန်တူးဖော်ခြင်းနှင့် အကျယ်အဝန်း 

- ကန်တူးဖော်ရာတွင်  တစ်နိုင်တစ်ပိုင်ကန်များ၌ မွေးမြူနိုင်သကဲ့သို့ စီးပွားဖြစ် မွေးမြူလိုပါက (၁) ဧကကန်များ၊ ဒဿမ (၃၀)၊ (၅၀) ကန်များကို တူးဖော်၍ မွေးမြူနိုင်ပါသည်။

- ရေအနက် (၃-၄) ပေခန့်အထိ တူးဖော်ရမည်။ ရေကို အမြဲထိန်းထားရပါမည်။ မိုးများသည့်အခါ ကန်ရေလျှံပြီး ငါးများ ဘေးသို့မထွက်စေရန် ဇာပြာဖြင့် ကာရန်ပေးထားရပါမည်။

ကန်အခြောက်ခံခြင်း(သို့) ကန်ပြုပြင်ခြင်း

- ကန်အခြောက်ခံသည့်အခါတွင် ကန်အောက်ခြေမြေကြီး ပက်ကြားအက်ကွဲသည်အထိ အခြောက်ခံရမည်။

- ဖောက်ထုံး Ca(OH)2 ထည့်ရမည်ဖြစ်ပြီး ကန်ဘောင်အပေါ်ပတ်လည်တွင်လည်း ပက်ဖြန်းပေးရမည်။

ရေကန်ပြုပြင်ဆောင်ရွက်ခြင်း

- အဓိကအားဖြင့် ငါးရံသည် တချို့မွေးငါးများကဲ့သို့ ရေဩဇာဖြည့်စွက်ရန် မလိုအပ်ပါ။ ကန်ကို သေချာစွာသန့်စင်ပြီး ရေကောင်းရေသန့်ရရှိရန်သာ လိုအပ်ပါသည်။

သားပေါက်ထည့်သွင်းနှုန်း

- ငါးရံ့သားပေါက်ကို တစ်ဧက (၈၀၀၀ – ၁၀၀၀၀) နှုန်းဖြင့် ထည့်သွင်းမွေးမြူနိုင်ပါသည်။

- ငါးရံ့ငါးမှာ အသားစား (carnivorous) များဖြစ်ကြသဖြင့် တခြားငါးများနှင့် တွဲဖက်ရောနောမွေးမြူရန် မသင့်တော်ပေ။ 

- သားပေါက်များကို အတတ်နိုင်ဆုံး အရွယ်အစားညီအောင် ဆိုဒ်များကို စနစ်တကျသန့်စင်ပေးထားရပါမည်။ 

- ဆေးထိုးသားဖောက်ခြင်းဖြင့် ပြုစုပျိုးထောင်ထားသော ငါးသားပေါက်များသည် အဖတ်တင်နှုန်းကောင်းမွန်ပြီး ကြီးထွားနှုန်းကောင်းပါသည်။

- အစာကျင့်စရာမလိုပေ။ အစာတောင့်များကို အခြားမွေးမြူရေးငါးများကဲ့သို့ ကျွေးနိုင်ပါသည်။

- ငါးရံ့များသည် အသားစားငါးများဖြစ်ကြသဖြင့် ကြီးထွားနှုန်း ပိုမိုကောင်းမွန်စေသည့် ၃၀%, ၃၅%, ၄၀% ပါသော အစာအမျိုးအစားများကိုသာ ကျွေးရပါမည်။

မွေးမြူကာလ

    မွေးမြူကာလမှာ ဈေးကွက်အလိုက် ၃ လ၊ ၄ လ၊ ၅ လ၊ ၆ လ၊ ၈ လ အထိ မွေးမြူနိုင်ပါသည်။

အစာကျွေးနှုန်း

    သားပေါက်များကို ပထမ(၁)လနှင့် ဒုတိယလတွင် ပရိုတိန်း (protein) အနည်းဆုံး ၄၀% ရာခိုင်နှုန်းပါသော အစာတောင့်များကို ကျွေးသင့်ပါသည်။ ဖွဲနု ၃၀%၊ ငါးအကြေမှုန့် ၄၀%၊ ပဲဖတ် ၃၀%စပ်၍လည်း ကျွေးနိုင်ပါသည်။ 

ကြီးထွားနှုန်း 

    ကြီးထွားနှုန်းမှာ (၂၀-၈၀) ကျပ်သားအထိ လအလိုက် မွေးမြူသူ၏ အသုံးပြုသော နည်းပညာနှင့် အစာပေါ်မူတည်၍ ကြီးထွားနှုန်းကောင်းမွန်စေပါသည်။ 

ငါးရံ့၏ ဂုဏ်သတ္တိနှင့် အသုံးဝင်ပုံများ

    ငါးရံ့သည် ချိုဆိမ့်၏။ ခါး၏။ ဖန်၏။ လေ၊ သည်းခြေ၊ သလိပ်တို့ကို နိုင်၏။ နှုတ်ကို မြိန်စေတတ်၏။ ကြေလွယ်၏။ ဝမ်းမီးကို တောက်စေတတ်၏။ ငါးရံ့အသားကို စားသုံးခြင်းဖြင့် အူရောင်၍ ဝမ်းဗိုက်ကြီးသောရောဂါ၊ အစာမစားခြင်း၊ နှုတ်မမြိန်သောရောဂါ၊ ကလေးသူငယ် ပျို့အန်သောရောဂါ၊ ကျောက်ပေါက်သောရောဂါ၊ ငှက်ဖျားရောဂါတို့ကို ပျောက်ကင်းစေနိုင်သည်ဟု ဆိုကြသည်။ အစာချေအားနည်းသူနှင့် နလန်ထလူနာများအတွက် ငါးရံ့ကိုပြုတ်၍ အသားဖယ်ယူပြီး ဆန်ပြုတ်နှင့်ရောကာ ' ငါးရံ့ဆန်ပြုတ်'အဖြစ် ဓါတ်စာပြုလုပ်ပေးနိုင်ပါသည်။ အစားအသောက်ပျက်၍ ခံတွင်းမတွေ့သူများကို ဂျင်း၊ စပါလင်၊ ကြက်သွန်ဖြူတို့နှင့်ရောပြီး ' ငါးရံ့ဆန်လှော်ဟင်း' ချက်ကျွေးလေ့ရှိကြသည်။ 

    ငါးရံ့ကို အစိုအဖြစ်စားသုံးသလို အခြောက်လှန်းပြီးလည်း ငါးရံ့ခြောက်အဖြစ် မီးကင်ပြီးစားသုံးလေ့ရှိကြသည်။ နှမ်းဆီစစ်စစ်ဆမ်းထားသော ငါးရံ့ခြောက်ဖုတ်သည် သက်ကြီးရွယ်အိုများနှင့် အလွန်သင့်တော်ပေသည်။ 

ပင်လယ်ပြာ (ငါးဦးစီး)

Ref; သိလိုသည်များကို မေးမြန်းလိုပါက ၀၉- ၇၈၃၀၀၃၆၀၁ ကိုဖုန်းဆက်ပြီး မေးမြန်းနိုင်ပါသည်။ 

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်