ငုံးမွေးမယ်ဆို ဘယ်အရွယ်ငုံးငယ်လေးတွေ ရွေးသင့်လဲ..

07/02/2022 17:30 PM တွင် ဦးဇော်(dof) ဦးဇော်(dof) မှ ရေးသား

ငုံးစတင်မွေးမြူမယ်ဆိုရင် ငုံးငယ်ကလေးများ ရွေးချယ်ဝယ်ယူမှုမလုပ်တတ်၊ ထိန်းသိမ်းစောင့်ရှောက်မှု မလုပ်တတ်ပါက ဆုံးရှုံးမှုများနိုင်တာကြောင့် သတိပြုသင့်တဲ့အချက်တစ်ချက်ဖြစ်ပါတယ်..။

ငုံးမွေးမြူသူတွေအနေနဲ့ အောက်ပါအရွယ်အစားရှိတဲ့ ငုံးကလေးများကို  ရွေးချယ်ဝယ်ယူနိုင်မှာ ဖြစ်ပါတယ်..။

- ပေါက်ကာစ ၂ ရက်သားငုံးကလေးများ 

- ၇ ရက်သား ငုံးကလေးများ

- ၁၄ ရက်သား ငုံးကလေးများ

- ၂၁ ရက်သား ငုံးကလေးများ 

-၂၈ ရက်(မီးလွတ်)သား ငုံးကလေးများ

- ၃၅ ရက်သား ငုံးကလေးများ

- ၄၅ ရက်သားငုံးကလေးများ ဆိုပြီး ဖြစ်ပါတယ်..။

၂ ရက်သားနဲ့ ၇ ရက်သားငုံးကလေးတွေကို ဝယ်ယူမွေးမြူမယ်ဆိုရင်တော့ တစ်နေရာကနေ တစ်နေရာသို့ အလွယ်တကူ ပြောင်းရွှေ့ယူဆောင်နိုင်ဖို့ ခက်ခဲပါတယ်..။ ဘာလို့လဲဆိုတော့  ငုံးကလေးတွေဟာ အပူငွေ့ဓာတ်ပေးထားရဆဲဖြစ်လို့ အပူငွေ့ဓာတ်အဆက်မပြတ် ရရှိနိုင်စေမှသာ စိတ်ချရမှာ ဖြစ်ပါတယ်..။

အဲ့ဒီအရွယ်အစား ငုံးလေးတွေကို တစ်နေရာကနေ တစ်နေရာသို့  သယ်ယူရာမှာလည်းကောင်း ၊ ခွဲထုတ် ရေတွက်ကြတဲ့အခါမှာလည်းကောင်း အချိန်ကြန့်ကြာတာတွေရှိနိုင်ပါတယ်..။ အဲ့ဒီလို ကြားကာလအချိန်တွေမှာ အပူငွေ့ဓာတ်အဆက်ပြတ်သွားပြီး အအေး ဒဏ်ခံရမယ်ဆိုရင် မမျှော်လင့်ဘဲ ငုံးလေးတွေ သေကြေပျက်စီးတတ် ပါတယ်..။  အဲ့ဒီတော့..မိမိသယ်ဆောင်လိုတဲ့နေရာမှာ ငုံးကလေးတွေရောက်ရောက်ချင်း အပူငွေ့ပေးတဲ့အိမ်မှာ ရက်၂၀ သားအထိ အပူငွေ့တစ်ဆက်တည်း ပေးထားဖို့လိုမှာ ဖြစ်ပါတယ်..။

၁၄  ရက်သားကနေ ၂၁ ရက်သားငုံးကလေးတွေကို ဝယ်ယူ မွေးမြူမယ်ဆိုရင်လည်း အပူငွေ့ပေးအိမ်ကို အဆင် သင့်အနေနဲ့ အနွေးပေးအိမ်ကလေးများ ပြုလုပ်ထားရှိရပါမယ်..။ အဲ့ဒီအပူ ငွေ့ပေးအိမ်ထဲမှာ ၂၈ ရက်သားအထိ အပူငွေ့ ဆက်တိုက်မပြတ် ပေးထားရမှာဖြစ်ပါတယ်..။

ဆိုတော့..ဘယ်လိုပဲဖြစ်စေ မီးမလွတ်သေးတဲ့ ငုံးငယ်ကလေးတွေကို ဝယ်ယူမွေးမြူမယ်ဆိုရင် အဆင်သင့် အနွေး ဓာတ်ပေးအိမ်ကလေးတွေကို ငုံးကောင်ရေအလိုက် ပြုလုပ်ထားရမှာဖြစ်ပါတယ်..။

အကောင်းဆုံးကတော့ ၂၈ ရက်သား(မီးလွတ်)ငုံးကလေးတွေကို ဝယ်ယူမွေးမြူခြင်းပါပဲ..။ အဲ့ဒီ ရက်သား ငုံးလေးတွေကို ဝယ်မွေးမယ်ဆိုရင်..

- ငုံးကလေးများ ကြီးထွားမှု တူညီခြင်း။

- အရွယ်အစား တညီတည်း ဖြစ်လာခြင်း။

-အစာကျွေးရာမှာ ကုန်ကျစရိတ်တူညီခြင်း။

- ငုံးအိမ်တည်ဆောက်ရာမှာ တစ်ညီတည်း တည်ဆောက်ရလို့ လုပ်ငန်းတွင်ကျယ်ပြီး ကုန်ကျစရိတ် သက်သာခြင်း

- ဥတဲ့အရွယ်ရောက်ရင် တစ်ပြိုင်တည်း ဥလို့ အများအပြားထုတ်လုပ်ရောင်းချနိုင်ခြင်း စတဲ့ အကျိုးကျေးဇူးတွေ ရနိုင်မှာဖြစ်ပါတယ်..။

မွေးတော့မယ်ဆိုရင်တော့ ငုံးကောင်ရေ  ၉၅-၁၂၀ ကောင် အထိဆံ့တဲ့ ပုံစံ ၊အစာခွက်၊သောက်ရေခွက်နဲ့ ချေးခံ ခွက်များ စနစ်တကျ ပြုလုပ်မွေးမြူဖို့လိုမှာ ဖြစ်ပါကြောင်း ဖော်ပြလိုက်ရပါတယ်..။

မှီငြမ်း-ဆရာ သိပ္ပံသန်းအေး၏ “ ငုံးမွေးမြူရေး”အကြောင်းမှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်