မျိုးသစ်ကောင်း/မကောင်း ကိုယ်တိုင် ခွဲခြားစစ်ဆေးနည်း (ယှဉ်ပြိုင်စိုက်ကွက်ဖန်တီးနည်း)

ယခုအချိန်အခါတွင် ပြည်တွင်း၊ ပြည်ပမှ စပါး၊ နှမ်းလျင်၊ ပြောင်းဖူး၊ နေကြာ၊ ပဲတီစိမ်း၊ မတ်ပဲ၊ ချည်မျှင်ရှည်ဝါစသည့် သီးနှံမျိုးသစ်တွေ အလွယ်တကူ ဝယ်ယူရရှိနိုင်လာသည်။ ကြော်ငြာတွေကလည်း စိတ်ဝင်စားစရာဖြစ်သည်။ အထွက်ကကောင်း၊ အသက်က မည်မျှ၊ ပိုးမွှားရောဂါ ဒဏ်ခံ၊  ကျန်တာတွေပါ အကုန်ကောင်းသည်ဟု ညွှန်းလေ့ရှိသည်။ 

အလားတူ မိမိမစိုက်ဘူးသေးသည့်သီးနှံမျိုးတွေလည်း မိမိအတွက် မျိုးသစ်ဖြစ်ပြီး စိုက်ပျိုးဘူးသူများမှ သို့မဟုတ် ရောင်းချသူများမှ ကောင်းသတင်းတွေ ပြောပြသည်။ 

ရှေးဦးစွာ စိတ်ဝင်စားလာသည်။ စိုက်နေကျ မိမိမျိုးထက် ပိုကောင်းမည်လား၊ ပိုထွက်လေမလား၊ ပိုးမွှားရောဂါဒဏ်ခံလေမလား၊ သက်တမ်းကလည်း ပြောင်းလဲရာသီ နှင့် လိုက်လျောညီစွာ ရှိလေမလား စသည်ဖြင့် နှစ်စဥ်စိုက်ပျိုးချိန်တွေရောက်တိုင်း တောင်သူလယ်သမားများမှာ ဝေခွဲစရာတွေရှိလာနေကြသည်ကို သတိထားမိပါသည်။ 

ကိုယ်တိုင်စိုက်ကြည့်ခြင်း

ဒေသတစ်ခုနှင့် တစ်ခု ၊ လတ္တီတွဒ်၊ လောင်ဂျီတွဒ်၊ ပင်လယ်ရေမျက်နှာပြင်အမြင့်၊ အပူချိန်၊ မြေအမျိုးအစား၊ မိုးရွာသွန်းမှု၊ ရေရရှိမှုစသည်တို့ ကွဲပြားခြားနားသည်။ သီးနှံမျိုးများ၏စိုက်ပျိုးဖြစ်ထွန်းမှုမှာလည်း တူညီနိုင်မှုရှိနိုင်မည် မဟုတ်သည်ကို ဆင်ခြင် သင့်ပါသည်။

သင့်တော်သည့်မြေတွင် သင့်တော်သည့်မျိုးကို စိုက်ပျိုးမှသာလျှင် ထိုသီးနှံမျိုး၏ ပင်ကိုယ်အထွက်စွမ်းရည်ကို အပြည့်အဝရရှိနိုင်မည်ဖြစ်ပါသည်။

သို့ဖြစ်၍ အဆိုပါမျိုးသစ်အကြောင်း မိမိရေမြေအခြေအနေပေါ်တွင် ဖြစ်ထွန်းမှုကို အကဲခတ်လိုလျှင် (သို့မဟုတ်) တိတိကျကျသိလိုလျှင် ကိုယ်တိုင် စိုက်ကြည့်တာက အကောင်းဆုံးလို့ ပြောလိုပါသည်။

လက်ရှိမျိုးနှင့် မျိုးသစ် 

မိမိစိုက်ပျိုးနေကျ လက်ရှိမျိုးအကြောင်းကို မိမိသိပြီးသားဖြစ်သည်။ အားနည်းချက် ကိုသိပြီး အဆိုပါအားနည်းချက်မျိုး ကင်းလိုသည်။ ထို့ကြောင့် အဆိုပါအားနည်းချက်ကို ဖြေရှင်းနိုင်သော မျိုးသစ်တစ်မျိုးမျိုးကို ရှာချင်သည်။ 

မိမိလက်ရှိမျိုးထက်သာလွန်သောမျိုးကို တွေ့ရှိပါက လက်ရှိမျိုးနေရာမှာ အစားထိုး ပြောင်းလဲစိုက်လိုသောကြောင့် ဖြစ်သည်။

သို့ဖြစ်၍ မိမိလက်ရှိမျိုးထက် သာလွန်ကောင်းမွန်ခြင်းရှိမရှိကို သိလိုခြင်းဖြစ်သဖြင့် မိမိ၏လက်ရှိမျိုးနှင့် ယှဥ်ပြိုင်စိုက်ပြီး အကဲခတ်ရန် ဖြစ်ပါသည်။

မျိုးယှဥ်ပြိုင်စိုက်ကွက်နှင့်ပတ်သက်၍ လိုက်နာဆောင်ရွက်သင့်သည်များကို ပြောပြပါမည်။

မျိုးသစ်စိုက်ကွက်ဖန်တီးခြင်း

မျိုးသစ်ကို အကွက်ငယ်တွင် စိုက်ပျိုးရန်ဖြစ်သည်။ အကွက်ငယ်အရွယ်အစားမှာ    ( ၁၅ ပေ X ၃၀ ပေ) ခန့် ရှိသင့်ပါသည်။ တစ်ဧက၏ ၁၀၀ ပုံ ပုံလျှင် တစ်ပုံဖြစ်သည်။ ထိုအကွက်ငယ်သည် မိမိစိုက်နေကျ လက်ရှိမျိုးကိုစိုက်ပျိုးထားသော စိုက်ကွက်ကြီးအတွင်း တွင်ပင် ရှိနေရန် ဖြစ်ပါသည်။

အကယ်၍ မျိုးသစ်စိုက်ပျိုးထားသောအကွက်ငယ်သည် တစ်ခြားစိုက်ကွက်တွင် သီးခြားထားရှိစမ်းသပ်ပါက မိမိတွေ့ရှိသုံးသပ်ချက် မှားနိုင်သည်။ အကြောင်းမှာ စိုက်ကွင်းအတွင်း စိုက်ကွက်တစ်ကွက်နှင့် တစ်ကွက်သည် မတူနိုင်သည့် သဘာဝအခြေ အနေ များစွာ ရှိခြင်းကြောင့် ဖြစ်ပါသည်။ 

သတိပြုရမည့်အချက်

အကွက်ငယ်အတွင်းရှိမျိုးသစ်နှင့် အကွက်ကြီးအတွင်းရှိသော လက်ရှိမျိုးတို့ကို  တစ်ချိန်တည်းတစ်ရက်တည်း စိုက်ချိန်တူညီစွာ စိုက်ပျိုးရန် ဖြစ်သည်။

ထို့ပြင် မြေသြဇာကျွေးခြင်း၊ ပေါင်းနှိမ်နင်းခြင်း၊ ပိုးမွှားရောဂါကာကွယ်ခြင်း-စသည့် လုပ်ငန်းအဆင့်ဆင့်သည် တစ်ပြိုင်တည်း တူညီသောအချိန်၊ တူညီသောပြုစုဂရုစိုက်မှု ဖြစ်ရန်လိုပါသည်။

လေ့လာအကဲခတ်ခြင်း

လက်ရှိမျိုးနှင့် မျိုးသစ်တို့ကို စတင်စိုက်ပျိုးပြီးသည်မှ ရိတ်သိမ်းသည်ထိ အပင်ဖြစ်ထွန်းကြီးထွားမှု၊ ပန်းပွင့်မှု၊ အသီးသီးမှု- စသည် တို့ကို အမြဲ နှိုင်းယှဥ်အကဲခတ်ရန် ဖြစ်သည်။ ဥပမာ-စပါးသီးနှံဖြစ်ပါက အပင်ကြီးထွားမှု၊ အပင်ပွားမှု၊ အနှံအရေ အတွက်၊ တစ်နှံရှိအစေ့၊ တစ်နှံရှိအောင်စေ့၊ ပိုးမွှားရောဂါကျရောက်ခြင်း ရှိမရှိ၊ အပင်အရပ် - စသည်တို့ ဖြစ်သည်။

ဆုံးဖြတ်ရွေးချယ်ခြင်း

အပင်အရပ်၊ ကြီးထွားဖွံ့ဖြိုးမှုအပင်ပုံစံစသည့် မျက်မြင်အခြေအနေအရ လည်းကောင်း၊ အသက်ရက်အရ လည်းကောင်း၊ အထွက်မိတ်ဖက်လက္ခဏာများကို စိစစ် ကြည့်မှုအရလည်းကောင်း မျိုးသစ်အား မိမိလက်ရှိမျိုးထက် ကြိုက်နှစ်သက်မှုကို ကနဦးဆုံးဖြတ်ရန် ဖြစ်ပါသည်။

ထို့နောက် တစ်ဧကထွက်ရှိနိုင်မှုကို ခန့်မှန်းရန် ဖြစ်သည်။ တစ်ဧကအထွက်ကို သိလိုပါက မျိုးသစ်၏အထွက်အား ၁၀၀ နှင့်မြှောက်ကြည့်ခြင်းဖြင့် သိရှိနိုင်မည် ဖြစ် ပါသည်။

ဆက်လက်ပြီး လက်ရှိမျိုး၏တစ်ဧကအထွက်ကို ခန့်မှန်းကာ မျိုးသစ်သည် လက်ရှိ မျိုးထက် ရာခိုင်နှုန်းမည်မျှသာလွန်သည်ကို တွက်ချက်ကြည့်သင့်သည်။ ရာခိုင်နှုန်း မည်မျှသာလျှင် မိမိလက်ခံနိုင်မည်လဲ၊ ၁၀ ရာခိုင်နှုန်း၊ ၁၅ ရာခိုင်နှုန်းစသည်ဖြင့် သတ်မှတ်ချက် ထားရှိသင့်သည်။ မိမိသတ်မှတ်ချက်အတိုင်း သာလွန်ထွက်ရှိလျှင် အဆိုပါမျိုးကို လက်ခံ ရွေးချယ်သင့်သည်ဟု မြင်ပါသည်။

ဤသို့ဖြင့် ကိုယ်တိုင်လုပ်ကိုင်သည့် လယ်သမားမျိုးယှဥ်ပြိုင်စိုက်ကွက်များ ဆောင်ရွက်၍ မိမိရေမြေဒေသ၊ မိမိလယ်ယာမြေနှင့်ကိုက်ညီသည့် မိမိအကြိုက် မျိုးသစ်များကို ရွေးချယ် စိုက်ပျိုးနိုင်စေရန် အသိပေးရေးသားလိုက်ရပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်