ငွေအမြန်ပေါ်မယ့် ငါးမွေးမြူရေးစနစ်အကြောင်း တစ်စေ့တစ်စောင်း

ငါးခူ၊ ငါးကြင်း၊ ငါးရှဉ့်တွေကို ဗီယက်နမ်နည်းပညာနဲ့ စနစ်တကျ မွေးမြူနိုင်ဖို့အတွက် မြန်မာနိုင်ငံ ငါးလုပ်ငန်း အဖွဲ့ချုပ်ကနေ သင်တန်းတွေပို့ချလျက်ရှိနေပါတယ်။ သင်တန်းမှာတော့ ငါးကန်တွေမှာ မရှိမဖြစ်လိုအပ်တဲ့ ကျွမ်းကျင်လုပ်သား သင်တန်းကြီးကြပ်သင်တန်း၊ မန်နေဂျာသင်တန်းတွေကို ရှစ်တန်းအောင်မှ ဘွဲ့ရအထိ ပညာအရည် အချင်းရှိတဲ့ မြန်မာနိုင်ငံတစ်ဝှမ်းက ငါးမွေးမြူရေးလုပ်ငန်း လုပ်ကိုင်နေသူတွေ (သို့) ဝါသနာပါသူတွေကို ခေါ်ယူကာ နေစရိတ် စားစရိတ်ငြိမ်း သင်တန်းပေးလျက်ရှိပါတဲ့အပြင် အလုပ်အကိုင်အခွင့်အလမ်းပါ ဖန်တီးပေးလျက် ရှိပါတယ်။

- သင်တန်းတွေကို တိုင်းဒေသကြီးနဲ့ ပြည်နယ်တွေမှာရှိတဲ့ ငါးလုပ်ငန်းဦးစီးဌာနတွေမှာ စုံစမ်းနိုင်ပါတယ်။

- မြန်မာနိုင်ငံငါးလုပ်ငန်းအဖွဲ့ချုပ်ရဲ့ သင်တန်းတွေကိုတော့ သုံးလတစ်ကြိမ် ခြောက်လတစ်ကြိမ်စသဖြင့် အလျဉ်း သင့်သလို ပို့ချပေးနေပြီး နိုင်ငံပိုင်သတင်းစာမှတစ်ဆင့် ကြော်ငြာထည့်သွင်းကာ ကြေညာလျက်ရှိပါတယ်။

- ငါးမျိုးစပ်နည်းကို မြန်မာနိုင်ငံငါးလုပ်ငန်းအဖွဲ့ချုပ်က ၂၀၁၈ ခုနှစ်မှာ သင်တန်းပေးဖို့ စီစဉ်နေသလို ငါးမျိုးတွေ ကိုလည်း ရောင်းချပေးဖို့ အစီစဉ်ရှိနေပါတယ်။

မြန်မာနိုင်ငံက မွေးမြူရေးငါးကန်တွေဟာ အကျယ်အဝန်း ၅ ဧကလောက်ကျယ်ဝန်းပြီး ငါးကန်ထဲမှာ ငါးကောင် ရေ ၁၂၀ ခန့်ကို မွေးမြူနေတာကို တွေ့ရပါတယ်။ ရေလုပ်ငန်းနဲ့ အောင်မြင်နေတဲ့ ဗီယက်နမ်လိုနိုင်ငံမျိုးမှာ ကန် သေးသေးလေးနဲ့ အကောင်ရေများများ မွေးမြူတဲ့နည်းကို ကျင့်သုံးနေပြီဖြစ်တာကြောင့် ကုန်ကျစရိတ်နည်းပြီး အမြတ်ပိုရတဲ့အခြေအနေ ရှိနေပါတယ်။

ငါးခူ၊ ငါးကြင်းမွေးမြူရေးမှာ သတိထားရမယ့်အချက်တွေ

- တစ်ဧထက်မကြီးတဲ့ကန်နဲ့ မွေးသင့်တယ်။

- သဘာဝနည်းထက် ငါးမျိုးစပ်ပြီး မျိုးဖောက်မွေးသင့်ပါတယ်။

- ငါးစာတွက် ရေပေါ်စာကို အကျင့်ရအောင်ကျွေးသင့်ပါတယ်။

- ရေကြီးခြင်းကဲ့သို့ သဘာဝဘေးများအတွက် ကြိုတင်ကာကွယ်တဲ့အနေနဲ့ ငါးကန်ဘောင်ကို အမြင့် ၅ ပေအထိ ထားသင့်ပါတယ်။

- အကောင်ရေများများမွေးတဲ့စနစ် ကျင့်သုံးသင့်ပါတယ်။ (တစ်ဧက တစ်ကန်အတွင်း ငါးကောင်ရေ တစ်သိန်းနှစ် သောင်းထိ မွေးနိုင်ပါတယ်။

- ကုန်ကျစရိတ်သက်သာစေရန် တာလပတ်ခင်းပြီး မွေးမြူနိုင်ပါတယ်။

ငွေမြန်မြန်ပေါ်တဲ့ငါးကို အစားထိုးမွေးမြူကြမယ်

တစ်နှစ်ခွဲ နှစ်,နှစ်မွေးရပြီး နှစ်,နှစ်ကျော်မှငွေပေါ်တဲ့ ငါးမြစ်ချင်း၊ ငါးကြင်းအစား သုံးလကနေ ခြောက်လအတွင်း ငွေမြန်မြန်ပေါ်တဲ့ ငါးခူး၊ ငါးရံ့၊ ငါးပြေမ နဲ့ ငါးရှဉ့်ကို အစားထိုးမွေးမြူသင့်တယ်လို့ ပညာရှင်တွေက အကြံပြု ထားပါတယ်။ အကြံပြုချက်တွေကို လေ့လာရအောင်ပါ။

"အသားစားငါးတွေက ရှားပါးလာတယ်။ ရှော့တိုက်ပြီး ငါးဖမ်းခြင်းက ဘေးပတ်ဝန်းကျင်က အကောင်တွေကိုပါ ပျက်စီးစေတယ်။"

အားသာချက်တွေ

- တစ်ဧကခန့်သာရှိတဲ့ ကန်သေးသေးလေးနဲ့ မွေးမြူနိုင်ခြင်း။

- ကန်မတူးနိုင်သူတွေအတွက် တာလပတ်ခင်းကာ မွေးမြူနိုင်ခြင်း။

- ကုန်ကျစရိတ် နည်းသွားခြင်း။

- ငွေမြန်မြန်ပေါ်ခြင်း။

- ရာသီဥတုအန္တရာယ် ကျရောက်ပါက ကန်သေးတဲ့အတွက် ငါးများမထွက်သွားအောင် စီမံခန့်ခွဲရ လွယ်ကူခြင်း။

ငါးရှဉ့်မွေးမြူရေးအတွက် ကောင်းကျိုးတွေကဘာတွေလဲ?

- လယ်သမားကိုယ်တိုင်သားဖောက်ပြီး မွေးမြူနိုင်ခြင်း။

- စပါးစိုက်တဲ့ လယ်ထဲမှာပဲ မွေးမြူနိုင်ခြင်း။ လယ်ကိုဒုက္ခပေးတဲ့ ခရုတွေကို ဖမ်းပြီး ငါးရှဉ့်စာအဖြစ် ပြန်လည် အသုံးပြုနိုင်တဲ့အတွက် လယ်အတွက်ကောင်းရုံတင်မကပဲ ငါးရှယ့်စာအတွက် သီးသန့်ငွေ ကြေးကုန်ကျခြင်း မရှိခြင်း။

ပုံမှန်မဟုတ်တဲ့ ငါးဖမ်းစနစ်တွေကို ရှောင်ကြဉ်ပါ

- မျိုးပွားမှုကို အနှောင်အယှက်ပေးစေတဲ့ ရှော့တိုက်နည်းနဲ့ ငါးဖမ်းတာကို လုံးဝရှောင်ကြဉ်ပါ။

- ငါးမျိုးရေရှည်တည်တံ့မှုကို ဒုက္ခပေးရာရောက်တဲ့ ပိုက်ကွန်သေးဖြင့် ငါးဖမ်းမှုကို ရှောင်ကြဉ်ပါ။

- ငါးရှဉ့်ဖမ်းရာမှာ အနံ့ပြင်းတဲ့ ရှန်ပူ (ခေါင်းလျှော်ရည်)၊ ပရုတ်လုံး သုံးကာ မဖမ်းရ။ (လအနည်းငယ်အတွင်း ငါး သေတတ်ပါတယ်)

Source - Internews နှင့် စိုက်မွေးဆည်ဝန်ကြီးဌာန

ပန်းဖလက်ရယူရန် - http://bit.ly/2mVdizM

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...