မွေးမြူရေးတိရစ္ဆာန်များ အပူဒဏ်ခံရမှုကို ဘယ်လိုကာကွယ်ကြမလဲ ?

မြန်မာနိုင်ငံဒေသအချို့တွင် အပူချိန်များ မြင့်တက်လျက်ရှိနေရာ အပူဒဏ် (Heat Stress) ကြောင့် မွေးမြူရေးတိရစ္ဆာန်များ ရောဂါကျရောက်ခြင်း၊ ဆုံးရှုံးခြင်းများ မဖြစ်ပေါ်စေရေးအတွက် အပူဒဏ်လျှော့ချရေးကို အလေးပေးဆောင်ရွက်သင့်ပါသည်။

အပူဒဏ်ခံရသည့် တိရစ္ဆာန်များတွင် တွေ့ရနိုင်သည့်လက္ခဏာများမှာ-

- ပါးစပ်ဟ၍ အသက်ရှူခြင်း

- ရေသောက်နှုန်းမြင့်မားခြင်း

- အစာစားနှုန်းကျဆင်းခြင်း

- အင်အားချိနဲ့ခြင်းနှင့် လေးလံထိုင်းမှိုင်းခြင်း

- ဦးနှောက်သွေးကြောပျက်၍သေခြင်းတို့ ဖြစ်ပွားနိုင်ပါသည်။

အပူဒဏ်ကာကွယ်ခြင်း

ကြက်၊ ဝက်၊ နွားမွေးမြူရေးခြံထဲသို့လာသော အပူသည် အဓိက ခြံအမိုးမှ ဖြစ်ပြီး အဆောက်အဦ၏ ဒီဇိုင်း လေ၀င်လေထွက်ကောင်းမွန်မှု၊ တည်နေရာ၊ အသုံးပြုထားသောပစ္စည်းတို့ပေါ်တွင် အပူချိန်ရောက်ရှိမှု ပြောင်းလဲနိုင်သည်။

၁။ ပန်ကာလေအားဖြင့် မှုတ်ထုတ်ပြီး လေ၀င်လေထွက်ကောင်းမွန်အောင် ပြုလုပ်ခြင်းသည် ကြက်များ၏ အပူဒဏ်ခံစားရမှုကို လျှော့ချပေးပါသည်။ သို့သော် အဆိုပါလေကို ကြက်ခြံအပြင်ဘက်ရှိ အပူချိန်၊ စိုထိုင်းဆတို့နှင့် နီးစပ်စွာတူညီအောင် ပြုလုပ်ထားဖို့ အရေးကြီးပါသည်။ အပူချိန် ၃၂ ဒီဂရီ စင်တီဂရိတ် အထက်ရောက်လာလျှင် ရေမှုံရေမွှားဖြန်း၍ အပူလျှော့ချခြင်းကို စတင်ပြုလုပ်သင့်ပါသည်။

၂။ တိရစ္ဆာန်များအား သန့်ရှင်းကြည်လင်ပြီး အေးမြသောသောက်ရေကို လုံလောက်စွာ တိုက်ကျွေးပေးပါ။ ရေကို ၂၅ • C ရောက်အောင် ရေခဲအသုံးပြုခြင်း၊ ပိုက်လိုင်းအတွင်းမှ ရေကို မကြာခဏဖောက်ချပေးခြင်းတို့ပြုလုပ်နိုင်သည်။

ခြံဖြန်းမည့်ရေကို ကလိုရင်းထည့်သွင်းအသုံးပြုခြင်းအစား ဟိုက်ဒရိုဂျင်ပါအောက်ဆိုဒ် အသုံးပြုခြင်းတိုကို ပြုလုပ်သင့်ပါသည်။

၃။ ခင်းထားသော ဖွဲခင်းကို ခပ်ပါးပါးသာ ခင်းပေးပါ။

၄။ မလိုအပ်ဘဲ အပူဒဏ်ပြင်းချိန်တွင် ကြက်၊ ဝက်၊ နွားများကို ရွှေ့ပြောင်းခြင်း၊ သယ်ဆောင်ခြင်း မပြုလုပ်ပါနှင့်။

၅။ ခြံထဲတွင် တိရစ္ဆာန်များအား ချောင်ချောင်ချိချိ ထားရှိပေးပါ။ အကယ်၍ အကောင်ရေများပြားနေပါက လျှော့ချပေးရပါမည်။

၆။ ကြက်စာများတွင် ဗီတာမင် C , E တို့ကို ဖြည့်စွက်ကျွေးပါ။

၇။ တိရစ္ဆာန်များ အပူဒဏ်ခံရသည့် လက္ခဏာများ ရှိမရှိ ပုံမှန်စစ်ဆေးပေးပါ။

၈။ အပူဒဏ်ခံရသည့်လက္ခဏာများ တွေ့ရှိပါက အထက်ပါနည်းလမ်းများအတိုင်း ပြုစုစောင့်ရှောက်ပေးပါ။ လိုအပ်ပါက နီးစပ်ရာ တိရစ္ဆာန်ဆေးကုဆရာ၀န်နှင့် ပြသပေးပါ။

မှီငြမ်း-မြန်မာနိုင်ငံမွေးမြူရေးလုပ်ငန်းအဖွဲ့ချုပ်စာစဉ်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more