ရေချိုပုစွန်ကန်များရှိ ငါးရိုင်းများကို ရှင်းလင်းရာတွင် အောက်ပါအချက်များကို အဓိကထား၍ ပြုပြင်ကာကွယ်နိုင်ပါသည်။
(၁) ပုစွန်များမမွေးမီကန်များကို အခြောက်ခံခြင်း
ကန်များ၏အောက်ခြေကြမ်းပြင်ကို အက်ကွဲခြောက်သွေ့လာသည်အထိ ၁၅ ရက်မှ ၃၀ ရက်အထိ နေလှန်း၍ အခြောက်ခံထားရမည်။
(၂) ကန်များကို ထုံးကြဲခြင်းနှင့် မြေဩဇာကျွေးခြင်း
ထုံးကြဲခြင်းဖြင့် ကန်ရေ၏ pH (ချဉ်ငန်နှုန်း) မြင့်တက်စေခြင်း၊ ပိုးမွှားများသေစေနိုင်ခြင်းအပြင် မကောင်းသော ဓာတ်များပျက်ပြယ်စေသည်။ ထုံးကြဲပါက မဖောက်ထုံး (Quick lime)ကို တစ်ဧကလျှင် ပိဿာ ၂၀ မှ ၁၀၀ အထိသုံးစွဲနိုင်သည်။
(၃) Teased Cake ခေါ် ဟုန်းမြစ်အမှုန့်ကို ကန်ပတ်လည်တွင် ကြဲပက်ခြင်း
Teased Cake (ခေါ်) ဟုန်းမြစ်အမှုန့်ကို ရှမ်းပြည်နယ်ရှိ ဒေသအချို့တွင် ရရှိနိုင်ကြောင်း သိရသည်။
ယခုအခါ Teaseed Cake (ခေါ်) ငါးရိုင်းသတ်ဆေးကို အမှုန့်ပြုလုပ်၍ ထိုင်းမှ တင်သွင်းရောင်းချကြောင်း သိရှိရသည်။ Teaseed Cake ကို အသုံးပြုနေမည်ဆိုပါက ကန်ဧရိယာ တစ်ဧကကို ၁၀ Kg မှ ၂၀ Kg အထိအသုံးပြုနိုင်ပါသည်။
(၄) အသားစားငါးများကိုရှင်းလင်းခြင်း
အသားစားငါးများဖြစ်သော ငါးရံ့၊ ငါးခူ၊ ငါးဖယ်၊ ငါးပြေမ၊ ကကတစ်၊ ကသပိုးစသည့် ငါးများကို နှိမ်နင်းနိုင်သည်။
ငှက်များဖြစ်သော ဗျိုင်း၊ ဗျိုင်းအောက်၊ ဒင်ကျီး၊ ရေဘဲအစရှိသော ငှက်များကိုလည်းကောင်း၊ မြေတွင်းအောင်းကောင်းများဖြစ်သော မြွေများ၊ လိပ်များ၊ ဖားများ၊ ဖားပြုပ်များနှင့် ပုစွန်လုံးများကို နှိမ်နင်းပေးရမည်။
အထက်ပါ အချက်များဖြင့် ပုစွန်ကန်များကို နှောင့်ယှက်မည့် အသားစားငါးများ၊ ငါးရိုင်းများ၊ ငှက်များကို ရှင်းလင်းနိုင်မည် ဖြစ်ပါသည်။
ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။
Marlarmyaing Public Company Limited ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}