တစ်ပတ်အတွင်း သီးနှံဈေးကွက်သုံးသပ်ချက် (၂၁ - ၂၅.၁၀. ၂၀၂၄ )

မတ်ပဲ

သီတင်းကျွတ်ကာလ အရောင်းအဝယ်ရပ်ပြီး စျေးကျခဲ့တဲ့ မတ်ပဲက ဒီတစ်ပတ်မှာပြန်တက်လာပါတယ်။ ဒေါ်လာစျေးနဲ့ ရွှေစျေးမြင့်တက်လာမှုအပါအဝင် မတ်ပဲစိုက်ပျိုးချိန်ဖြစ်လို့မျိုးအဖြစ်ဝယ်ယူသူတွေ ရှိသလို လက်ကျန်ကလည်းနည်းပြီး ဝယ်လိုအားလည်းကောင်းတာကြောင့် စျေးတန်းပြန် တက်လာတာ ဖြစ်ပါတယ်။

အိန္ဒိယကလည်း ဒီပါဝလီပွဲတော်မကျင်းပမီ ဝယ်လိုအားကောင်းတာကြောင့်လည်းဖြစ်ပါတယ်။

ရန်ကုန်ဘုရင့်နောင်စျေးကွက်မှာ မတ်ပဲ (FAQ )တစ်တန်ကို ခုတပတ် ကုန်စည်ဒိုင်တွေဖွင့်တဲ့ တနင်္လာနေ့မှာ ၃၇၅၀၀၀၀ ၊ အင်္ဂါနေ့မှာ ၃၈၀၀၀၀၀၊ ဗုဒ္ဓဟူးနေ့မှာ ၃၈၂၀၀၀၀၊ ကြာသပတေးနေ့မှာ ၃၈၃၅၀၀၀နဲ့ သောကြာနေ့မှာတော့ ၃၇၉၆၀၀၀ ကျပ်ရှိခဲ့ပါတယ်။ အရင်ပတ်ကထက်တစ်တန်ကို ၃၀၀၀၀ ​ ကနေ ၁ သိန်းကျော် ထိစျေးတက်လာတာပါ။

မန္တလေးစျေးကွက်မှာတော့ မတ်ပဲ ပိဿာ ၆၀ တစ်အိတ်ကို ၃၅၀၀၀၀ ကျပ်ရှိပါတယ်။ 

ပဲစင်းငုံ 

စျေးဆက်တိုက် ကျခဲ့တဲ့ပဲစင်းငုံကလည်း ဒီတစ်ပတ် မှာ  စျေးနှုန်းတက်လာပါတယ်။ ပြည်တွင်းမှာလည်း ပဲ လက်ကျန် မရှိသလောက်ဖြစ်နေ​မေယ့် ပြည်ပဝယ်လိုအားရှိပြီး ဒေါ်လာစျေး၊ ရွှေစျေးမြင့်လာတာကြောင့် စျေးပြန်တက်လာတာဖြစ်ပါတယ်။

ရန်ကုန်ဘုရင့်နောင်ကုန်စည်ဒိုင်မှာ ပဲစင်းငုံနီ တစ်တန်ကို တနင်္လာနေ့က ၄၁၂၅၀၀၀၊ အင်္ဂါနေ့က ၄၂၆၂၀၀၀ ၊ ဗုဒ္ဓဟူးနေ့က ၄၂၇၅၀၀၀ ၊ကြာသပတေးမှာ ၄၃၁၂၀၀၀ နဲ့ သောကြာနေ့မှာ ၄၂၁၂၀၀၀ ကျပ်ရှိပါတယ်။ ပြီးခဲ့တဲ့အပတ်နဲ့ယှဥ်ရင် တစ်ပတ်အတွင်းမှာ တစ်တန်ကို ၄ သိန်းကျော် ဈေးပြန် တက်လာပါတယ်။

မန္တလေးစျေးကွက်မှာတော့ လေးပတ်ဆက်တိုက်အထိ ပဲစင်းငုံနီကို စျေးဖွင့်ထားခြင်းမရှိတာ တွေ့ရပါတယ်။

ပဲတီစိမ်း

ပဲတီစိမ်းကလည်း ဒီတစ်ပတ်မှာ ပဲတီစိမ်းအညာကလွဲပြီး ကျန်တဲ့ပဲတီစိမ်း ခရမ်းရွှေဝါ၊ ပဲခူးရွှေဝါ၊ ဝါးခယ်မကစျေးတက်လာပါတယ်။ မိုးပဲတီစိမ်းစိုက်ပျိုးရာသီရောက်လာတဲ့အတွက် မျိုးအဖြစ် ဝယ်ယူသူ တွေရှိလာတာကြောင့် စျေးတန်းပြန်လှုပ်လာတာဖြစ်တယ်လို့သိရပါတယ်။  

ရန်ကုန်ဘုရင့်နောင်ဈေးကွက် မှာ ပဲတီစိမ်း(ခရမ်းရွှေဝါ)က ၅၁၆၅ ကျပ်၊ ပဲခူးရွှေဝါက ၅၀၀၀ ကျပ်နဲ့ ဝါးခယ်မ FAQ က တစ်ပိဿာ ကို ၄၃၃၀ ကနေ ၄၃၅၀ ကြားရှိပြီး ဝါးခယ်မ SQ က၆၁၆၅ မှ ၆၁၈၅ ကျပ်ရှိလာပါတယ်။ ဒါကြောင့်အရင်အပတ်နဲ့ယှဥ်ရင် ပဲတီစိမ်းတစ်ပိဿာကို ၈၅ ကျပ်ကနေ ၃၃၅ ကျပ်ပြန်တက်လာပါတယ်။ ပဲတီစိမ်းအညာက ၄၃၃၀မှ ၄၃၅၀ ကျပ်နဲ့စျေးငြိမ်ပါတယ်။

မန္တလေးဈေးကွက်မှာတော့ ပဲတီစိမ်း(အညာ) ကမိုးအသစ် တွေဝင်ရောက်မှုရှိပြီး သုံးတင်းဝင် တစ်အိတ်ကို ၂၀၀၀၀၀ မှ ၂၄၅၀၀၀ ကျပ်ရှိပြီး တစ်အိတ်ကို ၅၀၀၀ မှ ၁၀၀၀၀ လောက် ဈေးတက်ပါတယ်။

ပြောင်း

ပြောင်းဆံစျေးကတော့ ဒီတစ်ပတ် ရန်ကုန်စျေးကွက်မှာ စျေးကျပြီး မန္တလေးစျေးကွက်မှာ စျေး အတက်ပြပါတယ်။

ပြောင်းဆံအသစ်တွေပေါ်နေပေမယ့်မွေးမြူရေးအစာစက်ရုံတွေအဝယ်ရှိနေပါတယ်။ ပြည်ပကိုလည်းတင်ပို့မှုရှိနေပေမယ့် ရန်ကုန်ကိုအဝင်နည်းပါတယ်။

ရန်ကုန်ဘုရင့်နောင်ကုန်စည်ဒိုင်မှာပြောင်းဆံ တစ်ပိဿာကို ၁၄၈၀ မှ ၁၅၀၀ ကျပ်သာရှိပြီး ၂၀ ကျပ်ကျပါတယ်။ 

မန္တလေးကုန်စည်ဒိုင်စျေးကွက်မှာတော့ ပြောင်း (ဗမာ) က ၅၄ ပိဿာတစ်အိတ်ကို ၇၂၀၀၀ မှ ၇၃၀၀၀ ကျပ်ရှိပြီး ပြောင်း (CP)နဲ့ ပြောင်း (ရှမ်း) ၅၄ ပိဿာကို ၇၅၀၀၀ မှ ၇၆၀၀၀ ကျပ် စျေးရှိပါတယ်။ အရင်အပတ်ကထက် ၁၀၀၀မှ ၂၀၀၀ ကျပ်တက်လာပါတယ်။ 

စားတော်ပဲ

စားတော်ပဲက ခုတစ်ပတ်မှာ စားတော်ပဲကနေဒါကစျေးကျပြီး စားတော်ပဲကျွန်းက စျေးအတက်ပြပါ တယ်။ 

ရန်ကုန်စျေးကွက်မှာ အရင်အပတ်ကစျေးအတိုင်း တစ်ပိဿာကို ၇၀၀၀ မှ ၇၈၃၅ ကျပ် ရှိပြီး ၁၆၅ ကျပ်တက်လာပါတယ်။  

မန္တလေးကုန်စည်ဒိုင် စျေးကွက်မှာ စားတော်ပဲ ကနေဒါက ၅၉.၂၅ ပိဿာကို ၅၆၀၀၀၀ ကျပ်ရှိပြီး ၂၅၀၀၀ကျပ်ကျသွားကာ စားတော်ပဲ ကျွန်းက ၃၉၀၀၀၀ ကျပ်ရှိလို့ ၅၀၀၀ ကျပ်တက်ပါတယ်။ 

ပြည်တွင်း စားသုံးမှုသာအဓိကဖြစ်တာကြောင့် ပြည်တွင်းဝယ်လိုအား၊ စားသုံးအား၊ လက်ကျန်အခြေအနေပေါ်လိုက်ပြီး စျေးက အတက်အကျ ရှိနေတာဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်