အပင်အရုပ်သွင်းခြင်း(သို့)topiary

ချုံပုတ်ပင်တွေ၊ နှစ်ရှည်ခံပင်လို အပင်လေးတွေကို အရုပ်ပုံစံအမျိုးမျိုးလုပ်ပြီး ပုံဖော်ထားကြတာကို တော်တော်များများ တွေ့ဖူးကြမှာပါ။ ပန်းခြံတွေလိုမျိုး အများပြည်သူဆိုင်ရာနေရာတွေမှာတော့ အများဆုံးတွေ့နိုင်ပါတယ်။

တချို့က ဂျီဩမေတြီပုံစံတွေ ဖြစ်ရင်ဖြစ်မယ်၊ တချို့က ချစ်စဖွယ်တိရစ္ဆာန်ကောင်ပုံလေးတွေ ဖြစ်ရင်ဖြစ်မယ်၊ တချို့ကတော့ နာမည်ကျော် ကာတွန်းဇာတ်ကောင်ပုံလေးတွေလည်း ဖြစ်ရင်ဖြစ်မယ်..စသဖြင့် အမျိုးမျိုးပေါ့..။

အဲ့ဒီလိုလုပ်တဲ့ပညာကို Topiary လို့ခေါ်ပါတယ်။ အလှရုပ်လုံးဖော်ပညာ ဆိုပါတော့။ အဓိပ္ပာယ် အားဖြင့်တော့ အမျိုးမျိုး ဖွင့်ဆိုနိုင်ပါတယ်။

Topiary ဆိုသည်မှာ..

အပင်များကို ကိုယ်လိုချင်သော ပုံသဏ္ဍာန်များဖြစ်အောင် ပုံစံသွင်းပြုပြင်ပေးသော ဥယျာဉ်ခြံနည်းပညာ ဖြစ်သည်။

စိတ်ကူးယဉ်ဖန်တီးသောနည်းပညာဖြစ်သည်။

ကိုယ်ဖန်တီးလိုသော ပုံသဏ္ဍာန်ကို ထိန်းပေးသောနည်းပညာဖြစ်သည်။

သက်ရှိကို ရုပ်လုံးဖော်သော အနုပညာဖြစ်သည်။

စသဖြင့် အမျိုးမျိုးပေါ့..။

ဆိုတော့ အပင်လေးတွေကို ပန်းအိုးလေးနဲ့ အိမ်အဝင်မှာ ထားမလား၊ လျှောက်လမ်းရဲ့ဘေးဝဲယာမြေပြင်မှာပဲ ထားမလား။ မျက်စိပသာဒဖြစ်ဖို့၊ ပိုပြီး ဆွဲဆောင်မှုရှိဖို့ဆိုရင်.. Topiary နည်းနဲ့ မိမိစိတ်ကြိုက် ဖန်တီးအလှဆင်နိုင်ပါတယ်။

Topiary ပြုလုပ်မယ်ဆိုရင်..

အမြဲစိမ်းသော၊ အရွက်သေးသော၊ သိပ်သိပ်သည်းသည်း ကြီးထွားတတ်သော၊ အချိုးညီညီ ကြီးထွားတတ်သော သစ်မာပင်များ၊ ချုံပုတ်ပင်များကို ရွေးချယ်သင့်ပါတယ်။

ယုဇနပင်၊ ကျောက်ခက်ပင်၊ ကရဝေးပင်၊ ဆောက်ကြိုပင်၊ ဟော်လီပင်၊ သပြေပင်၊ မုရတုပင်၊ ကျောက်ထင်းရှူးပင်၊ ကြံ့စာပင်၊ စက္ကူပန်းပင်၊ ရေတမာပင် တို့ဟာ topiary ပြုလုပ်ရာမှာ အသုံးများတဲ့ အပင်တွေ ဖြစ်ပါတယ်။

အရွက်သေးသော တိုက်ကပ်နွယ်ပင်တွေကိုလည်း အသုံးပြုကြပါတယ်။

မြေယာအလှဆင်တဲ့လုပ်ငန်းတွေမှာလည်း topiary နည်းကို တွင်တွင်ကျယ်ကျယ် အသုံးပြုနေကြပါတယ်။

ခြံစည်းရိုးတွေမှာလည်း ရိုးရှင်းသော အကာအရံ Topiary ပုံစံတွေ တွေ့ရတတ်ပါတယ်။

Topiary နည်းနဲ့ ပုံသဏ္ဍာန်အမျိုးမျိုး ပြုလုပ်နိုင်ပါတယ်။

လွယ်ကူတဲ့ ပုံစံတွေကတော့ ဘောလုံး၊ ပိရမစ်၊ လုံးချွန်၊လေးထောင့် ပုံသဏ္ဍာန်မျိုးတွေ ဖြစ်ပါတယ်။

တိရစ္ဆာန်များ၊ လူများ၊ ငှက်များ၊ ရုပ်လုံးရုပ်ကြွများနဲ့ သဘာဝမှာ တွေ့မြင်ရတတ်တဲ့ ပုံသဏ္ဍာန်များကိုလည်း ကိုယ့်ကျွမ်းကျင်မှုအပေါ် မူတည်ပြီး ပုံဖော်နိုင်ပါတယ်။

Topiary ပြုလုပ်ရာမှာ လိုအပ်တဲ့ပစ္စည်းတွေကတော့

ဝိုင်ယာဖရိန် (wire frames/wire cages)၊ ပန်းအိုး၊ အပင်၊ ကိုင်းဖြတ်ကတ်ကြေး၊ မြေသြဇာ စတာတွေ ဖြစ်ပါတယ်။ ရေပုံမှန်လောင်းပေးဖို့လည်း လိုပါမယ်။

Topiary လုပ်ချင်တဲ့အပင်ကို ပန်းအိုးနဲ့ စိုက်မယ်လို့ ရည်ရွယ်ထားရင်တော့ အပင်ငယ်စဉ်ကတည်းက အိုးထဲသို့ ပြောင်းရွှေ့စိုက်ပျိုးထားရပါမယ်။ မြေပြင်မှာ စိုက်မယ်လို့ ရည်ရွယ်ထားမယ်ဆိုရင်တော့ အဲ့ဒီအပင် အတည်တကျစိုက်မယ့်နေရာကို တခါတည်း ရွှေ့ပြောင်းစိုက်ထားရပါမယ်။

အပင်များ ကောင်းစွာရှင်သန်ကြီးထွားနိုင်ဖို့ ပုံမှန်ရေလောင်းပေးဖို့လိုမှာဖြစ်ပြီး မြန်မြန်ကြီးထွားချင်တယ်ဆိုရင်တော့ ပင်ပိုင်းကြီးထွားမှုကို အားပေးတဲ့ မြေသြဇာ၊ အားဆေးတွေကို အသုံးပြုနိုင်ပါတယ်။

အပင် အသင့်အတင့် အရွယ်ရောက်လာပြီဆိုရင်တော့ ကိုယ်ပုံဖော်ချင်တဲ့ သဏ္ဍာန်ဖြစ်အောင် Wire frames တွေပြင်ပြီး အပင်ကို ခြုံကာ ထိန်းပေးရပါတယ်။ Frames အပြင်ကို ထွက်လာတဲ့ အကိုင်းအညွန့်တွေကိုတော့ frames အတွင်းသို့ ပြန်သွင်းခြင်း (သို့) ကိုက်ဖြတ်ပေးခြင်းများ ပြုလုပ်ရပါတယ်။

ဘေးအတက်ကိုင်းများကို ဖြတ်ခြင်းအားဖြင့် ကိုင်းပွားမှု ပိုကောင်းလာပါတယ်။

အပင်ကိုင်းဖြတ်ရာမှာ သတိထား၍ ကိုင်းဖြတ်ရန် လိုအပ်ပါတယ်။ အောက်ဘက်သို့ ကိုင်းကျသောကိုင်းဟာ ကြီးထွားမှု နှေးကွေးတတ်ပြီး ထောင်မတ်သောကိုင်းဟာ ကြီးထွားမှု မြန်ဆန်တယ်ဆိုတာကို သိထားဖို့လိုပါတယ်။

အပင် ရုပ်လုံးပေါ်လာပြီးနောက်ပိုင်းမှာလည်း အဲ့ဒီသဏ္ဍာန်ကို ထိန်းထားဖို့ ကိုင်းဖြတ်ကတ်ကြေးဖြင့် အမြဲညှပ်ပေးနေဖို့ လိုအပ်မှာဖြစ်ပါတယ်။

ဒီတော့ အချုပ်အားဖြင့်တော့ အထက်မှာဖော်ပြခဲ့တဲ့ဟာလေးကို နောက်တစ်ကြိမ်ဖော်ပြပါရစေ..။

Topiary ဆိုတာ..

စိတ်ကူးယဉ်ဖန်တီးသောနည်းပညာဖြစ်သည်။

ကိုယ်ဖန်တီးလိုသော ပုံသဏ္ဍာန်ကို ထိန်းပေးသောနည်းပညာဖြစ်သည်။

သက်ရှိကို ရုပ်လုံးဖော်သော အနုပညာဖြစ်သည်။

ဆိုတော့ ‘ Topiary သည် စိတ်ကူးယဉ်တတ်သော၊ ဉာဏ်ကွန့်မြူးဖန်တီးအလှဆင်တတ်သော အနုပညာခံစားအားကောင်းသည့်ပုဂ္ဂိုလ်များနှင့် ကိုက်ညီသော ဥယျာဉ်ခြံနည်းပညာဖြစ်သည်’ ဟုသာ ဆိုလိုက်ချင်ပါတယ်..။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...