ကြက်တွေချေးစိမ်းမပါဖို့ အသည်းရောဂါကို ကာကွယ်စို့

အသည်းဟာ အသက်ရှင်မှုအတွက် အလွန်အရေးပါတဲ့ လုပ်ငန်းများစွာကို လုပ်ဆောင်ပေးနေတဲ့ အင်္ဂါတစ်ခုဖြစ်ပါတယ်။

အစာခြေတဲ့လုပ်ငန်းအတွက် သည်းခြေရည်ထုတ်လုပ်ပေးတယ်။ အူတွေက စုပ်ယူမှုရှိတဲ့ သကြားဓာတ်ပစ္စည်းတွေကို glucose အဖြစ်ပြောင်းပေးတယ်။ ပိုနေတဲ့ glucose ကို glucogen အဖြစ် ပြောင်းလဲပေးပြီး အသည်းနဲ့ ကြွက်သားတွေထဲမှာ သိမ်းဆည်းထားပေးတယ်။ သည်းခြေရည်က အစာမှာပါတဲ့ အဆီနဲ့ အဆီမှာ ပျော်ဝင်တဲ့ Vitamin A,D,E,K တွေကို စုပ်ရလွယ်စေတယ်။ အဲ့ဒီ Vitamin တွေကို အသည်းကပဲ သိုလှောင်ထားပေးတယ်။

အသည်းက အသက်ရှင်မှုအတွက် လိုအပ်တဲ့ အဆီဓာတ် ပစ္စည်းတွေ တည်ဆောက်တာ၊ ဖြိုခွဲခြေဖျက်တာ၊ သိုလှောင်သိမ်းဆည်းတာတွေလုပ်ပေးတယ်။ အသည်းက သွေးကိုခဲစေတဲ့ ဓာတ်ပစ္စည်းတွေထုတ်ပေးတယ်။ အသည်းဟာ သံဓာတ်ကို သိမ်းပေးထားတဲ့ အဓိက အင်္ဂါဖြစ်ပါတယ်။ ဒါတွေက အသည်းက လုပ်ဆောင်ပေးတဲ့ လုပ်ငန်းပေါင်းများစွာထဲက နမူနာတစ်ချို့ပါ။ အသည်းရဲ့ အလုပ်တွေထဲမှာ ကိုယ်တွင်းကို ရောက်လာတဲ့ မှိုဆိပ်အပါအဝင် အဆိပ်အတောက်ဖြစ်စေတဲ့ ပစ္စည်းတွေနဲ့ ကိုယ်တွင်းမှာ ထွက်ပေါ်လာတဲ့ အမိုနီးယားစတဲ့ အဆိပ်အတောက်ပစ္စည်းတွေကို ခြေဖျက်ပေးတဲ့ အလုပ်လည်းပါပါတယ်။ အဆိပ်တွေကြောင့် အသည်းပျက်စီးနိုင်သလို အဆိပ်ကိုခြေဖျက်လို့မနိုင်ရင် သူကိုယ်တိုင်အဆိပ်သင့်ပြီး အသည်းပျက်စီးမှုဖြစ်လာနိုင်ပါတယ်။

အသည်းဟာ စွမ်းဆောင်ရည်အလွန်ကောင်းပါတယ်။ အသည်းမှာ ဟိုတစ်ကွက် ဒီတစ်ကွက် ပျက်စီးမှုတွေတော်တော်များများဖြစ်ခဲ့သည့်တိုင် ပြန်လည်ပြုပြင်တည်ဆောက်နိုင်စွမ်း အလွန်ကောင်းတဲ့အတွက် ကျန်းမာရေးကို ဟန်မပျက် ထိန်းထားပေးနိုင်စွမ်းရှိတယ်လို့ဆိုပါတယ်။ ဒါ့ကြောင့် ကြက်မှာ အသည်းပျက်စီးနေကြောင်း ဖော်ပြတဲ့လက္ခဏာကို ထင်ထင်ရှားရှားတွေ့လာရင် ပျက်စီးမှုဟာ အလွန်ကြီးမားတဲ့အတွက် အသက်ရှင်ဖို့ခက်ခဲသွားပြီဆိုတာ နားလည်ထားရပါလိမ့်မယ်။ ဒီလိုပုံစံနဲ့ ကြက်တချို့သေခဲ့ရင် ကြက်အုပ်ထဲက ကြက်တော်တော်များများမှာလည်း အသည်းထိခိုက်မှုရှိထားပြီပြီလို့ သဘောပေါက်သင့်ပါတယ်။

အသည်းပျက်စီးမှုရှိနေတဲ့ ကြက်တွေမှာ အစာစားပျက်တာ၊ မှိုင်ကုပ်တာ၊ ကိုယ်အလေးချိန်လျော့ကျလာတာ၊ ဝမ်းပျက်တာ၊ ဝမ်းအရည်များများ အကြိမ်များများသွားတာ (ဆီးပိုသွားတာ) အမွေးအတောင် မစိုပြေတာ၊ အသက်ရှုကြပ်တာ စတဲ့ (တခြားရောဂါမှာလည်း တွေ့ရတတ်တဲ့) လက္ခဏာတွေကို တွေ့ရတတ်ပါတယ်။

ကြက်တွေမှာ အစိမ်းရောင်(စိမ်းဝါရောင်) ဝမ်းသွားတာ၊ ဝမ်းဗိုက်ဖောင်းလာတာ၊ ရေဖျဉ်းစွဲတာ၊ သွေးကောင်းကောင်းမခဲတာ၊ နှုတ်သီးတွေ ခြေသည်းတွေပုံမမှန်ဖြစ်လာတာ၊ အမွေးအရောင်ပြောင်းတဲ့ လက္ခဏာတွေ တွေ့ရရင် အသည်းပျက်စီးမှုကြောင့် ဖြစ်မယ်လို့ ပြောနိုင်ပါတယ်။

ဥကြက်မတွေကို စွမ်းအင်ဓာတ်လွန်ကဲတဲ့ အစာတွေကျွေးတဲ့အတွက် အသည်းမှာ အဆီများလွန်းတဲ့ အဆင့်ဖြစ်တတ်ပါတယ်။ အဆီများလွန်းတဲ့ အသည်းဟာ သွေးယိုထွက်မှု၊ ကွဲအက်မှုတွေဖြစ်တဲ့အထိ အသည်းကိုပျက်စီးစေနိုင်ပါတယ်။

အချို့ကူးစက်ရောဂါတွေဟာ ကြက်တွေရဲ့ အသည်းကို တိုက်ရိုက်ဖျက်စီးတတ်ကြတယ်။ Avian adenovirus, Avian Hepatitis E Virus, Avian leukosis virus စတဲ့ ဗိုင်းရပ်စ်တွေဟာ အသည်းကိုအဓိကထားပျက်စီးစေတဲ့ ရောဂါပိုးတွေဖြစ်ပါတယ်။

အချို့ကူးစက်ရောဂါတွေက ကြက်တွေရဲ့ အခြားအင်္ဂါအစိတ်အပိုင်းတွေနဲ့အတူ အသည်းကိုပါ ထိခိုက်ပျက်စီးမှုရှိစေတဲ့အတွက် တခြားရောဂါ လက္ခဏာတွေနဲ့အတူ အသည်းပျက်စီးတဲ့ လက္ခဏာတွေကို ဖြစ်စေနိုင်ပါတယ်။ ကြက်လည်လိမ်၊ ကြက်ငှက်တုပ်ကွေး စတဲ့ ဗိုင်းရပ်စ်တွေနဲ့ E.coli, Salmonella pullorum, Pasteurella multocida, Erysipelothrix rhusiopathiae, Campy lobacter spp. Ornithobacterium rhinocheale (ORT) စတဲ့ ဘက်တီးရီးယားတွေကြောင့် အသည်းထိခိုက်မှုဖြစ်စေနိုင်ပါတယ်။

အာဟာရဓာတ်မမျှတမှုတွေကြောင့် ဖြစ်စေ၊ အဆိပ်အတောက်တွေကြောင့် ဖြစ်စေ၊ ကူးစက်ရောဂါတွေကြောင့်ဖြစ်စေ၊ အသည်းပျက်စီးမှု ဖြစ်ခဲ့ရင် ကြက်တွေမှာ ချေးစိမ်းပါတာ တွေ့လာခဲ့ရင် လည်လိမ်လို့ ထင်လိုက်ကြမယ့် အစား ချေးစိမ်းပါနိုင်တဲ့ တခြားအကြောင်းအရာတွေကိုပါ ထည့်သွင်းစဉ်းစားကြပြီး အသည်းပျက်စီးမှုကို ကာကွယ်တားဆီးပေးပါလို့ ပြောလိုပါတယ်။

ဒေါက်တာအောင်မြင့်ရေးသားသော ဆန်းသစ်လာသော ကြက်ရောဂါပြဿနာများ စာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...