ဒုတိယရေကြီးကာလဖြစ်နိုင်ချေရှိ/မရှိ အပေါ်ဆက်စပ်သုံးသပ်ချက်

"GTH-Outlook မှ ဩဂုတ်လလယ်နှင့် လကုန်ပိုင်း မိုးရွာသွန်းနိုင်ချေ၊ Meteoblue-ECMWF မှ ၂၀၂၄ စက်တင်ဘာလအတွက် မိုးရွာသွန်းမှုခန့်မှန်းချေ ကြိုတင်ခန့်မှန်းချက်များ"

ရာသီဥတုကြိုတင်ခန့်မှန်းခြင်းအတွက် GTH-Outlook ကနေ ဩဂုတ်လ ၇ ရက်၊ ည ၆ နာရီခွဲ အချိန်ရရှိသည့်ဒေတာများအရ ဩဂုတ်လ ၁၄ ရက် -၂၇ ရက်အတွင်း ဖြစ်လာနိုင်တဲ့ မိုးလေဝသအခြေအနေတွေကို အောက်ပါအတိုင်းထုတ်ပြန်ထားပါတယ်။

🔸 ဩဂုတ် ၁၄ ရက်မှ ဩဂုတ် ၂၀ ရက်အတွင်း မိုးရွာသွန်းနိုင်ချေက တစ်နိုင်ငံလုံးမှာ နှစ်စဉ်ရွာသွန်းမြဲအတိုင်း ပုံမှန်ရွာသွန်းနိုင်မယ်။ နေ့စဉ်မြန်မာနိုင်ငံအပေါ်ဝင်ရောက်လာတဲ့ မိုးတိမ်များကြောင့် နေရာကွက်ပြီး မိုးများနိုင်တာကလွဲရင်၊ များသောအားဖြင့် ပုံမှန်ရွာသွန်းမြဲအတိုင်းသရှိမယ်လို့ ဆိုလိုပါတယ်။

GTH-Outlook က ထုတ်ပြန်ချက်မြေပုံအရ - ဩဂုတ်လ ၂၁ ရက်မှ ၂၇ ရက်အတွင်း

🔸 မန္တလေးတိုင်း၊ စစ်ကိုင်းတိုင်းအောက်ပိုင်း၊ မကွေးတိုင်း၊ ချင်းပြည်နယ်၊ ရခိုင်ပြည်နယ်၊ ပဲခူးတိုင်း၊ ဧရာဝတီတိုင်း၊ ရှမ်းပြည်နယ်တောင်ပိုင်း၊ ကယားပြည်နယ်၊ နေပြည်တော်၊ ရန်ကုန်တိုင်း၊ ကရင်ပြည်နယ်၊ မွန်ပြည်နယ်နှင့် တနင်္သာရီတိုင်းတို့တွင် နှစ်စဉ်ရွာသွန်းမြဲမိုးရေချိန်ထက် မိုးပိုရွာသွန်းနိုင်မယ်ဆိုတာ တွေ့ရပါတယ်။

Global Tropics Hazards Outlook-GTH ခန့်မှန်းချက်ကတော့ ဖြစ်နိုင်ချေ ၅၀%ရှိပါတယ်။ အဲ့ဒါတွေကတော့

🔸 မိုးနှောင်းကာလအစပိုင်း စက်တင်ဘာလအတွင်းမှာ စစ်ကိုင်းတိုင်းအထက်ပိုင်း၊ ကချင်ပြည်နယ်နဲ့ ရှမ်းပြည်နယ်မြောက်ပိုင်းဒေသတွေမှာ နှစ်စဉ်ရွာသွန်းမြဲအောက် ၀.၇၅ လက်မအထိ မိုးလျော့နည်းရွာသွန်းနိုင်ပြီး၊

🔸 ချင်းပြည်နယ်တောင်ပိုင်း၊ မကွေးတိုင်း၊ မန္တလေးတိုင်းအောက်ပိုင်း(မန္တလေးမြို့အောက်ဘက်)၊ နေပြည်တော်၊ ဧရာဝတီမြစ်ဝကျွန်းပေါ်ဒေသ၊ ရန်ကုန်တိုင်း၊ မွန်ပြည်နယ်၊ ကရင်ပြည်နယ်နဲ့ တနင်္သာရီတိုင်းတွေမှာ နှစ်စဉ်ရွာသွန်းမြဲအထက် ၀.၂၅ လက်မှ ၁ လက်မအထိ မိုးပိုမိုရွာသွန်းနိုင်ကြောင်း METEOBLUE - ECMWF model ရဲ့ ကြိုတင်ခန့်မှန်းချက်များမှာ တွေ့ရပါတယ်။

🔸 ကျန်ပြည်နယ်တိုင်းဒေသများဖြစ်ကြတဲ့ စစ်ကိုင်းတိုင်းအောက်ပိုင်း၊ မန္တလေးတိုင်းအထက်ပိုင်း(မန္တလေးမြို့ အထက်ဘက်)၊ ရှမ်းပြည်နယ်တောင်ပိုင်းနဲ့ အရှေ့ပိုင်း၊ ချင်းပြည်နယ်မြောက်ပိုင်း၊ ပဲခူးတိုင်း၊ ဧရာဝတီတိုင်းအလယ်ပိုင်းနဲ့ မြောက်ပိုင်း၊ ကယားပြည်နယ်တွေမှာတော့ နှစ်စဉ်ပုံမှန်ရွာသွန်းမြဲမိုးရေအချိန်အတိုင်း မိုးရွာသွန်းနိုင်မှာဖြစ်ကြောင်းတွေ့ရပါမယ်။(ပုံမှာ ကြည့်ပါ)

🔸 မိုးလယ်ကာလ ပြီးဆုံးမဲ့ ဩဂုတ်လ ၃၁ ရက်နေ့အထိ ဘင်္ဂလားပင်လယ်အော်၊ ကပ္ပလီပင်လယ်နဲ့ တောင်တရုတ်ပင်လယ်တွေဘက်မှာ ထူးခြားမိုးလေဝသအခြေအနေဖြစ်တဲ့ လေဖိအားနည်းရပ်ဝန်း/မုန်တိုင်းဖြစ်ပေါ်ခြင်း "မရှိဘူးဆိုရင်" .. ဩဂုတ်လ လကုန်မှ စက်တင်ဘာလကုန်သည်အထိ၊ ဒုတိယရေကြီးကာလဖြစ်နိုင်ချေလဲ မရှိနိုင်ဘူးလို့ သုံးသပ်ရရှိပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ