အစိမ်းရောင်လမ်း“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ပြန်လည်ကြိုဆိုလိုက်ပါတယ် ခင်ဗျ။
ယခုတစ်ပတ်မှာတော့ လက်ရှိကျွန်တော်တို့အသုံးပြုနေကြတဲ့ VPN အကြောင်း ကို တောင်သူ ဦးလေး ဒေါ်လေးတို့အတွက် မျှဝေပေးသွားမှာ ဖြစ်ပါတယ်။
VPN ရဲ့ အရှည်ကောက်က Virtual Private Network လို့ ခေါ်ပါတယ်။ လုံခြုံသော သီးသန့်ကွန်ယက် လို့ ခေါ်ဆိုနိုင်ပါတယ်။ အင်တာနက်အသုံးပြုသူရဲ့ အချက်အလက်တွေကို လုံခြုံသောကွန်ယက်ဖြစ်အောင်လုပ်ဆောင်ပေးနိုင်တဲ့ အင်တာနက်ရဲ့ ကြားခံပစ္စည်း တစ်ခုဖြစ်ပါတယ်။ Private (သီးသန့်၊ ကိုယ်ပိုင်) လို့ဆိုတဲ့အတိုင်း အင်တာနက်မှာ ကျွန်တော်တို့နေ့စဥ်အသုံးပြုနေတဲ့ အချက်အလက်တွေကို လုံခြုံစိတ်ချစွာနဲ့ လိုရာကိုပို့ဆောင်ပေးနိုင်တဲ့ နည်းပညာတစ်ခုဖြစ်ပါတယ်။
VPN ကို အဓိကအားဖြင့် အင်တာနက်သုံးတဲ့အခါမှာ ကန့်သတ်ထားတာတွေ၊ ပိတ်ပင်တားဆီးထားတာတွေကို ကျော်လွှား ကြည့်ရှုနိုင်ဖို့ အသုံးပြုကြတာ ဖြစ်ပါတယ်။ ဒါကိုVPN ကျော်သုံးတယ်ဆိုပြီး ခေါ်ဆိုကြတာ ဖြစ်ပါတယ်။
နောက်သတိထားစရာ တစ်ခုကတော့ မိမိ ဖုန်းထဲမှာရှိတဲ့ ငွေလွှဲ၊ ငွေသွင်း လုပ်တဲ့ဆော့ဝဲလ်တွေ၊ အီးမေးလ်တွေအသုံးပြုမယ်ဆိုရင် VPN ဆော့ဝဲလ်ကို ပိတ်ပြီးမှ အသုံးပြုဖို့ အကြံပြုပါတယ်။ VPN ဖွင့်ပြီး အသုံးပြုမယ်ဆိုရင် ချိတ်ဆက်ထားတဲ့ ဆော့ဝဲလ်တွေရဲ့လုံခြုံရေးစနစ်တွေကတစ်ဆင့် အကောင့်ပိတ်ခံရတာမျိုး၊ လိုင်းမကောင်းတဲ့အချိန်မှာ တည်နေရာ (Location) ခဏခဏ ပြောင်းသုံးတာမျိုးတွေလုပ်မိရင် အကောင့် Lock ကျသွားတာမျိုးတွေ ဖြစ်နိုင်တာကြောင့် သတိပြုပြီး အသုံးပြုဖို့ အကြံပြုလိုက်ရပါတယ် ခင်ဗျ။ နောက်တစ်ပတ် ပြန်ဆုံပါမယ် ခင်ဗျ။
ယခင်တစ်ပတ်က ဖော်ပြခဲ့တဲ့ ဆောင်းပါးလေး ပြန်လည်ဖတ်ရှုချင်ရင်တော့ ဖော်ပြပါလင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။
Airplane Mode အကြောင်းသိကောင်းစရာ
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}