အပြည်ပြည်ဆိုင်ရာ ပန်းသီးနေ့

အောက်တိုဘာလ ၂၁ ရက်နေ့ဟာ အပြည်ပြည်ဆိုင်ရာပန်းသီးနေ့ပါ။ ပန်းသီးဆိုတာ ပုံပြင်တွေကဗျာတွေထဲမှာ အမျိုးမျိုးတင်စားကြတဲ့ အသီးတစ်မျိုးပဲဖြစ်ပါတယ်။

အာဒံနဲ့ ဧဝရဲ့ အချစ်စိတ်တွေ ဖြစ်ပေါ်စေခဲ့တဲ့ အသီးမို့လို့ အချစ်သီးလေးလို့ဆိုလည်း မှားမယ်မထင်ပါဘူးနော်။ 

ပန်းသီးရဲ့မူရင်းဒေသက အာရှအလယ်ပိုင်း Kyrgyzstan နဲ့ Kazakhstan ဆိုတဲ့ တရုတ်ပြည်ရဲ့ တောင်နားမှာရှိတဲ့ Tien Shan တောင်မှာ စတွေ့ခဲ့တာဖြစ်ပါတယ်။ အဲ့ဒီနောက် တရုတ်နဲ့ အရှေ့ဥရောပကို ပိုးလမ်းမကြီးကနေတဆင့် ကုန်သည်တွေဆက်သွယ်လာခဲ့ရာကနေ ပန်းသီးမျိုးတွေက ဥရောပကို ပါသွားတယ်လို့ ဆိုရမှာပါ။ 

နောက်ဥရောပလူမျိုးတွေကပဲ ပန်းသီးမျိုးတွေကို အမေရိကကိုယူသွားပြီး အမေရိကရဲ့ ပထမဦးဆုံးပန်းသီးပင်ကို မက်စချူးဆက် ပင်လယ်အော်ထဲမှာ စိုက်ခဲ့ပြန်ပါတယ်တဲ့။ အဲ့လိုနဲ့ ပန်းသီးပင်တွေက အာရှအလယ်ပိုင်းကနေ ဥရောပ၊ ဥရောပကနေ အမေရိကဆိုပြီး ခရီးနှင်လာလိုက်တာ အခုဆို တစ်ကမ္ဘာလုံးနီးပါးမှာတောင် ပန်းသီးပင်တွေကို တွေ့နေရပါပြီ။ 

အပြည်ပြည်ဆိုင်ရာ ပန်းသီးနေ့အဖြစ်စတင်ခဲ့ပုံကတော့ ၁၉၉၀ ခုနှစ်မှာ  အင်္ဂလန်နိုင်ငံရဲ့ Common Ground ဆိုတဲ့ ယဉ်ကျေးမှုအဖွဲ့အစည်းတစ်ခုက ပန်းသီးရဲ့ ကျန်းမာရေးအကျိုးကျေးဇူးတွေကို ဂုဏ်ပြုဖို့ရယ်နဲ့ အဖိုးတန်ပန်းသီးမျိုးကွဲတွေထိန်းသိမ်းတာကို မြှင့်တင်ဖို့ဆိုတဲ့ ရည်ရွယ်ချက်နဲ့ပဲဖြစ်ပါတယ်။ နောက်ပိုင်းမှာတော့ ဒီသတင်းက နိုင်ငံအနှံ့အပြားဆီ ပျံ့နှံ့ရောက်ရှိသွားပြီး ကမ္ဘာလုံးဆိုင်ရာ အထိမ်းအမှတ်နေ့တစ်ခုအနေနဲ့ သတ်မှတ်ကာ ပွဲတွေကျင်းပလာခဲ့တာ ဒီနှစ်နဲ့ဆို ၃၄ နှစ်ရှိသွားခဲ့ပါပြီ။ 

ကျွန်မတို့ အစိမ်းရောင်လမ်းကလည်း ဒီနေ့ကျရောက်တဲ့ “ပန်းသီးနေ့”ကို ဂုဏ်ပြုတဲ့အနေနဲ့ ပန်းသီးရဲ့ ကျန်းမာရေးကောင်းကျိုးတွေကို ဖော်ပြပေးလိုက်ပါတယ်နော် ...

(၁) ကိုလက်စထရောနဲ့ သွေးပေါင်ချိန်မြင့်မားခြင်းကို လျှော့ချပေးနိုင်ခြင်း

(၂) အမျှင်ဓာတ်များစွာပါဝင်တဲ့အတွက် အစာချေဖျက်ဖို့ကို ကူညီပေးနိုင်ခြင်း

(၃) ကိုယ်ခံအားစနစ်ကောင်းဖို့ ကူညီပေးနိုင်ခြင်း

(၄) ဆီးချိုဝေဒနာသည်များလည်း စားသုံးနိုင်ခြင်း

(၅) ကင်ဆာကိုကာကွယ်ပေးနိုင်တဲ့ အန်တီအောက်စီဒန့်များ အဓိကပါဝင်နေခြင်း

(၆) ဝိတ်လျှော့ရာတွင်လည်း ကူညီပေးနိုင်တဲ့ အသီးတစ်ခုဖြစ်ခြင်း

(၇) အယ်ဇိုင်းမားရောဂါကို ကာကွယ်ပေးနိုင်ခြင်း

(၈) အူလမ်းကြောင်းကျန်းမာရေးကိုလည်း ကူညီပေးနိုင်ခြင်း ... ဆိုတဲ့ အကျိုးကျေးဇူးတွေ အများကြီးပါဝင်နေပါတယ်။ 

ပန်းသီးကို နေ့တိုင်းတစ်နေ့တစ်လုံးစားပေးမယ်ဆိုရင်တော့ ကိုလက်စထရောနဲ့ သွေးပေါင်ချိန်မြင့်မားခြင်းကို လျှော့ချပေးနိုင်တဲ့အပြင် အသားအရေဖူးရောင်နီရဲတတ်တဲ့ သူများကိုလည်းလျော့ကျဖို့ ကူညီပေးပါတယ်။ ပန်းသီးကို နေ့စဉ်စားပေးသင့်တဲ့အကြောင်းအရင်းတစ်ခုကတော့ နှလုံးကျန်းမာရေးကို ကူညီထောက်ပံ့ ပေးနေလို့ပဲဖြစ်ပါတယ်။ 

သတိထားရမယ့်အချက်တစ်ခုကတော့ အိပ်မပျော်ဝေဒနာခံစားနေရတဲ့သူတွေကတော့ ပန်းသီးကို အိပ်ချိန်နားနီးရင် မစားသင့်ပါဘူးဆိုတာပဲဖြစ်ပါတယ်။

ဒီလိုမျိုး အပြည်ပြည်ဆိုင်ရာပန်းသီးနေ့မျိုးမှာ ပန်းသီးနဲ့ပတ်သက်တဲ့ ကိတ်မုန့်၊ ဝိုင် ၊ ဂိမ်းကစားခြင်းများပြုလုပ်ကြတဲ့အပြင် ဗဟုသုတအကြောင်းအရာတွေကို ဟောပြောပို့ချတာမျိုး နိုင်ငံအနှံ့အပြားမှာ ကျင်းပကြတယ်လို့လည်း သိရပါတယ်။

ပန်းသီးစိုက်ပျိုးနည်းအကြောင်းလေ့လာရန်>>>

https://greenwaymyanmar.com/posts/planting_apple

ပန်းသီးနဲ့ ပတ်သက်တဲံ ပိုးမွှားရောဂါနဲ့ ဗဟုသုတရဖွယ်ဆောင်းပါးတွေကို အစိမ်းရောင်လမ်းရဲ့ ဆောင်းပါးများကဏ္ဍမှာ လေ့လာလို့ရနေပါပြီနော်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more