ငါးအမိုင်နိုကို မြေကြီးကိုဖျန်းလျှင် ဘယ်လို အကျိုးကျေးဇူးတွေရနိုင်လည်း၊ အပင်ကို ဖျန်းမယ်ဆို ဘယ်လိုကျေးဇူးတွေရ...

- မြေဩဇာအနေနဲ့သုံးမယ်ဆိုရင် မြေကြီးဖွဲ့စည်းပုံကောင်းစေပြီး အာဟာရဓာတ်ကို တိုးစေပါတယ်။ ငါးအမိုင်အက်ဆစ်က မြေကြီးကိုမွစေပြီး အဏုဇီဝပိုးကောင်လေးတွေနဲ့ တီကောင်တွေကိုရှင်သန်စေတာကြောင့် သန်စွမ်းတဲ့မြေကြီးအဖြစ် ဖန်တီးပေးပါတယ်။ - အပင်တွေရဲ့ အမြစ်တွေ၊ အရွက်တွေ ဖွံ့ဖြိုးမှုအားကောင်းစေပြီး အပင်ပေါက်လေးတွေအတွက် အစာချက်လုပ်မှုလုပ်ငန်းစဉ်ကို ကူညီပေးပါတယ်။ ငါးအမိုင်နိုဖြန်းပေးခြင်းက သိသိသာသာနဲ့အရွက်တွေစိမ်းလာတာကို တွေ့ရမှာပါဗျ။ - အပင်တွေမှာ stress factors လို့ခေါ်တဲ့ အပူချိန်မြင့်ခြင်း၊ အစိုဓာတ်အလွန်မြင့်ခြင်းဒဏ်တွေကို ခံနိုင်ရည်မရှိပါဘူး။ ဒါပေမယ့် ငါးအမိုင်နိုအက်ဆစ်ဖြန်းပေးမယ်ဆိုရင်တော့ ဒီလိုဖြစ်ခြင်းကို ထိန်းညှိပေးရုံသာမက ဖြစ်ပြီးသားအပင်တွေကို ဖြန်းပေးမယ်ဆိုရင်လည်း ပြန်လည်ကောင်းမွန်လာစေပါတယ်။ - ပန်းပွင့်မှုအားကောင်းစေသလို ဝတ်မှုံတွေအညှာင့်ပေါက်မှုကိုလည်း တိုးစေတာကြောင့် အသီးတည်မှုလည်းကောင်းစေပါတယ်။ ဒါ့ကြောင့် သီးနှံပင်တွေအရည်အသွေးကောင်းစေရုံသာမကပဲ အထွက်နှုန်းကိုပါ တိုးလာစေပါတယ်။ - ငါးအမိုင်နိုအက်ဆစ်ဖြန်းပေးခြင်းက သီးနှံပင်ရဲ့စွမ်းဆောင်ရည်ကို ကောင်းမွန်စေပြီး တချို့ဆားပေါက်မြေတွေမှာတောင် ရှင်သန်နိုင်စေပါတယ်။ - ငါးအမိုင်နိုအက်ဆစ်က အပင်တွေရဲ့ အင်ဇိုင်းတွေထဲကို တိုက်ရိုက်ပျော်ဝင်နိုင်တာကြောင့် အပင်တွေရဲ့ဇီဝကမ္မဖြစ်စဉ်ကို အားကောင်းစေတာမို့ အထွက်နှုန်းတွေကောင်းပြီး မြန်မြန်ရင့်မှည့်စေတာပါ။ - အပင်တွေက ငါးအမိုင်အက်ဆစ်ကပေးတဲ့ ပရိုတင်းဓာတ်ကို တိုက်ရိုက်စုပ်ယူနိုင်ခြင်းမရှိပါဘူး။ ဒါပေမယ့် အဏုဇီဝပိုးကောင်တွေကနေတဆင့် ပြန်လည်စစ်ထုတ်ပေးတဲ့ အမိုင်နိုအက်ဆစ် Amino acids အမျိုးမျိုးကိုမှ အပင်က စုပ်ယူနိုင်တာမျိုးပါ။ - ငါးအမိုင်နိုအက်ဆစ်က စတိုမာတာ (Stomata) လို့ခေါ်တဲ့ အရွက်မှာရှိတဲ့လေရှူပေါက်လေးတွေ ပွင့်ခြင်းပိတ်ခြင်းကို ကူညီပေးတာမို့ အပင်ရဲ့အစိုဓာတ်ကို မျှတစေတာပါဗျ။ - အဲ့လိုနည်းနဲ့ အဏုဇီဝပိုးတွေကို များစွာတိုးပွားလာစေတာကြောင့် ငါးအမိုင်အက်ဆစ်ကျွေးတဲ့မြေကြီးတွေဟာ ကျန်းမာသန်စွမ်းပြီး ရေနဲ့ အာဟာရဓာတ်ကို ထိန်းသိမ်းပေးနိုင်ပါတယ်။ ဒါကြောင့် ငါးအမိုင်နိုအက်ဆစ်ကို မြေဩဇာအနေနဲ့လည်းသုံးကြတာပါ။ အကျင်းချုပ်ပြောရရင် ငါးအမိုင်နိုတွင် အဏုဇီဝပိုးကောင်လေးတွေ ကအကျိုးပြုတာပါခင်ဗျာ။ အရွက်ကိုအားကောင်းစေတယ်။ သူ့ရဲ့အနံ့ကရွက်စားပိုးတော်တော်များများကမကြိုက်ကြဘူး။ ဒါ့ကြောင့် ရွက်စားပိုးပြေးဆေးအနေနဲ့လည်းအသုံးပြုနိုင်ပါတယ်ခင်ဗျာ။