ချဥ်ပေါင်ပင်မှာ အဲ့လိုပိုးကောင်တွေတွေ့လို့ ဘာပိုးကောင်လဲရှင့် သိသူများဖြေပေးကြပါရှင့် ဘယ်လိုဖြေရှင်းရမလဲရှင့်

Question

Agriculturalist K.S · Answer

ကာကွယ်နှိမ်နင်းနည်းများ • အကောင်းဆုံး ကာကွယ်နှိမ်နင်းနည်းမှာ ကြိုတင်ကာကွယ်နှိမ်နင်းနည်းဖြစ်ပါသည်။ • အားနည်းသော အပင်များသည် ကျန်းမာသန်စွမ်းသော အပင်များထက် မီလီဂျပိုး ကျရောက်မှုဒဏ်ကို ပိုမိုခံရဖွယ်ရှိသောကြောင့် အပင်များကို ကျန်းမာသန်စွမ်းအောင် ပြုလုပ်ပေးထားရပါမည်။ • သို့သော်လည်း ရေများအလွန်အကျွံပေးခြင်း၊ နိုက်ထရိုဂျင်မြေသြဇာများ အလွန်အကျွံ ပေးခြင်းကိုလည်း ရှောင်ရှားရပါမည်။ • အပင်များပေါ်တွင် မီလီဂျပိုးများကျရောက်နေသည်ကို စတွေ့လျှင် ကျရောက်နေသော အကိုင်းများကို ဖယ်ရှာပြီး မီးရှို့ဖျက်စီးပစ်ရပါမည်။ • စိုက်ခင်းအနီးပတ်ဝန်းကျင်တွင် မြက်ခြောက်၊ အမှိုက်ခြောက်၊ သစ်ကိုင်းခြောက် များကို လေတင်ဘက်က မီးရှို့၍ မီးခိုးမှိုင်းတိုက်ပေးနိုင်ပါသည်။ • ဘော်ဒိုဆေးရည်ကို အသီး၊ အပွင့်မရှိချိန် ကိုင်းများတစ်လျှောက် သုတ်လိမ်း၍ ကာကွယ် နိုင်ပါသည်။ စိုက်ခင်းနေရာအနှံ့ ထုံးမှုန့်များ ဖြူးထားပေးပါ။ • တမာပိုးသတ်ဆေးများကို အကောင်များစတွေ့တွေ့ချင်းဖျန်းပေးနိုင်ပါသည်။ ဓာတုပိုး သတ်ဆေးများကို လိုအပ်မှသာ အသုံးပြုပေးသင့်ပါသည်။ အဆင်ပြေပါစေ။

Agriculturalist K.S · Answer

မီလီဂျပိုး ခေါ် ပိုး​စေးနှဲပါခင်ဗျာ။ ယခု တွေ့မြင်နေရသော မီလီဂျပိုးများသည် အမများ ဖြစ်ပါသည်။ မီလီဂျပိုးအထီးများကို အပင်များပေါ်တွင် တွေ့ရသည်မှာ ရှားပါသည်။ အထီးများသည် တောင်ပံပါရှိပါသည်။ မီလီဂျပိုးအမများသည် အထီးများနှင့် မိတ်လိုက်ပြီး သောအခါတွင် အရွက်အောက်မျက်နှာပြင်များ၊ သစ်ကိုင်းခွကြားများ၊ အညွှန့်၊ အဖူးများ ပေါ်တွင် ဥများဥချခဲ့ပါသည်။ အမတစ်ကောင်သည် ဥပေါင်း ၃၀၀ မှ ၆၀၀အထိ ဥနိုင်ပါသည်။ ထိုဥလေးများသည် ဆယ်ရက်ခန့်အကြာတွင် ဥမှ အကောင်ပေါက်လာပြီး ထိုအကောင်လေး များသည် ပင်ရည်ကို စုပ်ယူစားသုံးပါသည်။ ထို့နောက်ပိုးတုံးလုံးအဆင့်သို့ရောက်သောအခါ အခြားအပင်များသို့ ကူးပြောင်း၍ ကျရောက်ဖျက်စီးးပါသည်။ ထို့နောက် ၄-၈ ပတ်ကြာသောအခါ အကောင်ကြီးဘဝသို့ ရောက်ရှိသွားပါသည်။

narshikhar · Answer

စုပျစားပိုးမြိုးစားဖွဈတယျ

narshikhar · Answer

လေး ပိုးဖွဈပါတယျ

ဒို့ဦး​လေး · Answer

ပိုး​စေးနှဲလို့​ခေါ်ပါတယ် ပင်စည်နဲ့ ရိုးတံ အဆုံ ခွကြားထဲမှာ​နေပြီး သစ်ရည်စုပ်ပါတယ်၊ အညွန့်​တွေ အရွက်နု​တွေကုပ်တွန့်​စေပါတယ်။ ပန်းကန်​ဆေးဆပ်ပြာ ​ရေတဂါလံ တဇွန်း​ဖျော်ပြီး.ဖျန်း​ပေးပါ။ နည်းရင်​တော့ လက်နဲ့ဖယ်ပြီး​​ရေနဲ့ ဖျန်း​ဆေးပါ။

ဖြေကြားချက် ၅ ခု