သံပုရာပင်တွေမှာ အပင်ခြေရင်း ပင်စည်မှအစေးထွက်ပြီးတပင်လုံးညှိုးကျ သေဆုံးသည်အထိဖြစ်နေပါတယ် ဘယ်လိုကာကွယ်ကုသလို့ရ...

♥ ပင်ခြေပုပ်ရောဂါ/အစေးထွက်ရောဂါ(Foot rot) ~ရောဂါ လက္ခဏာများ မြေပြင်နှင့် ထိစပ်နေသော ပင်စည်ပေါ်တွင် ရေစိုနာဖြစ်ပေါ်ပြီး အစေး များထွက်နေသည်။ ပင်စည်တစ်ပတ်လည်လုံးရောဂါပတ်မိသွားကာ အပင်သေသွား သည်။ ရောဂါကျနေသောအခေါက်ကိုခွာကြည့်ပါက ပင်စည်၏ အသားသည် အညိုရောင်ပြောင်းနေသည်။ ~ ကာကွယ်နှိမ်နင်းနည်းများ စိုက်ခင်းရေစီးရေလာကောင်းအောင် ဆောင်ရွက်ပါ။ - အပင်အောက်ခြေပေါင်းမြက်ရှင်းလင်းပါ။ - အပင်ငယ်ဖြစ်ပါက Metalaxyl (မီတယ်လဆီ)၊ Fosetyl-AL (ဖေါ့စတိုင်အေအယ်လ်) ဆေးများကို ရွှဲရွှဲဖျန်း ပါ။ - ပင်စည်ပေါ်ရှိ ရောဂါကွက်နေရာကို ခြစ်ထုတ်၍ Metalaxyl (မီတယ်လဆီ) ၊ Fosetyl-AL (ဖေါ့စတိုင်အေ အယ်လ်) ဆေးများကို လိမ်းသုတ်ပါ။ - မိုးမကျမီ အပင်ခြေပိုင်း ၃ပေ ခန့်ကို ဘော်ဒိုဆေးရည် သို့မဟုတ် ထုံးဖြင့် သုတ်လိမ်းထားပေးပါ။ ~ အသုံးပြုသင့်သောဆေး Metalaxyl (မီတယ်လဆီ) Fosetyl-AL (ဖေါ့စတိုင်အေအယ်လ်) Dimethomorph (ဒိုင်မီသိုမော့ပ်)