ဆရာတို့ဘော်ဒိုမစ်ချာဆေးကိုဆေးဖျန်းပုံးတစ်ပုံးကိုဘယ်လောက်ထည့်ရမလဲသိပါရစေ

အချိုးအစားအတိုင်း ​ဖျော်ပြီးရင် ​ရေထပ်​ရောစရာမလိုပါ တိုက်ရိုက်ဖျန်းရပါတယ်။

မင်္ဂလာပါ ဘော်ဒိုမစ်ချာ (Bordeaux Mixture) ရှင်းတန်း စပျစ်ဝါသနာရှင်များ နာလည်ရခက်ခဲနေသည့် ဘော်ဒိုမစ်ချာ ဆေးရည် အချိုးအစားကို သဘာဝကျကျဆွေးနွေးတင်ပြချင်ပါတယ်။ စာပေမှာလာသည့် ဘော်ဒိုမစ်ချာဆေးရည်အချိုးအစားတွေကို စပျစ်ဝါ သနာရှင်များ ဝေခွဲရခက်ခဲနေပါလိမ့်မည်။စာပေလာဘော်ဒိုမစ်ချာဆေး ရည်အချိုးအစားတွေကတော့ (1) (3:3:50) (2) (3:3:100) (3) (5:5:50) (4) (5:5:100) အချိုးအစားတွေပဲဖြစ်ပါတယ်။ အထက်ပါဆေးအချိုးအစားတွေဟာ ဘော်ဒိုမစ်ချာဆေး စတင်ဖေါ်စပ်အသုံးပြုသည့်ပါမောက္ခMillardet မှ အဆင့်ဆင့်အသုံး ပြုလာသည့်အချိုးအစားတွေဖြစ်ပါတယ်။ဒါနဲ့ဘော်ဒိုဆေးရည် စတင်အ သုံးပြုသည့်မှတ်တန်းလေးတွေကတော့ အမျိုးမျိုးတွေ့ရပါတယ်။ပထမ လေ့လာဖူးသည့် မှတ်တန်းလေးကတော့ Bordeaux တက္ကသိုလ် မှာစမ်းသပ်စိုက်ပျိုးထားသည့် စပျစ်ပင်လေးတွေမှာ မှိုရောဂါကျရောက် နေချိန် ရှိပြီးသားဆေးများဖြင့်ကုသရာ ရောဂါပြင်းထန်သဖြင့် ကုသ၍ မနိုင်ဖြစ်နေခဲ့ပါတယ်။ဒိအချိန်မှာ ဒုတ္ထာကိုစမ်းသပ်အသုံးပြုရာ ကစတင် ခဲ့သည်ဟု လေ့လာသိရှိရပြီး အလွန်ထိရောက်သည့်အတွက် အဆင့် ဆင့်သုတေသနပြုလုပ်အသုံးပြုခဲ့ဖြစ်ပေသည်။ ဒုတိယမှတ်တန်း Bordeaux မြို့ရှိ စပျစ်စိုက်ခင်းများတွင် Downey Mildew ရောဂါဆိုးရွားစွာကျရောက် နေချိန်ကစတင် ခဲ့သည်ဟု လေ့လာသိရှိရပါသည်။Bordeauxမြို့ရှိ စပျစ်စိုက်ခင်းများ တွင် ကျရောက်သည့် Downey မှိုရောဂါအတွက်ဆေးဝါးများကြံဆ နေချိန် စိုက်ခင်းအတွင်းလေ့လာရာ၌ ဒုတ္ထာများပတ်ဖျန်းထားသည့် လမ်းဘေးရှိစပျစ်ပင်များတွင် ရောဂါကျရောက်လျော့နည်းသက်သာနေ တာကို သတိထားမိခဲ့ကြပါတယ်။ဒုတ္ထာပတ်ဖျန်းရသည့် ရည်ရွယ်ချက် ကတော့ မှိုရောဂါ ကုသရန်မဟုတ်ဘဲ လမ်းသွားလမ်းလာလူသူများနှင့် ကျေးငှက်များ စပျစ်သီးများကို ခူးယူစားသုံးမှုမရှိစေရန်ဖြစ်ပါတယ်။ ပါမောက္ခMillardet က အဆိုပါတွေ့ရှိချက်ကို Bordeaux တက္ကသိုလ်မှာ သုတေသနပြုလုပ်ပြီး ဘော်ဒိုမစ်ချာ (Bordeaux Mixture ) ဆေးကို စပျစ်ခြံများတွင် ထိရောက်စွာအသုံးပြုလာခဲ့ခြင်း ဖြစ်သည်ဟု လည်း လေ့လာသိရှိရပါသည်။ မည်သို့ပင်ဆိုဆေးကာမူ ဘော်ဒိုဆေးရည်သည် စပျစ်စိုက် ပျိုးရေးတွင်မရှိမဖြစ်အသုံးပြုသင့်သည် ဆေးတစ်လက်ဖြစ်ပေသည်။ ဘော်ဒိုဆေးရည်သည် သရက် သံပုရာ လိုနှစ်ရှည်သီးပင်များတွင် နေညအပူချိန်ပြောင်းလဲမှု့မြင့်မားသည့် မိုးအကုန်ဆောင်းအကူးကာလ မှ ဆောင်းအကုန်နွေအကူးကာလများ၌ အပင်ပင်စည်ကိုသုတ်လိမ်း ပတ်ဖျန်းပေးခြင်းဖြင့် အပင်များကို ကျန်မာသန်စွမ်းစေခြင်း မှိုရောဂါ ကျရောမှုဒဏ်ကိုလျော့ကျစေနိုင်ခြင်း ရာသီဥတုပြောင်းလဲမှုဒဏ်ကို ခံနိုင်ရည်ရှိစေခြင်း စသည့်အကျိုးကျေးဇူးများ ရရှိစေနိုင်ပါသည်။လူလို ဆိုရင် အနွေးထည်ဝတ်ပေးထားတော့ ရာသီဥတုဒဏ်ခံနိုင်ရည်ရှိသည့် သဘောဖြစ်ပါတယ်။ဘော်ဒိုဆေးရည် သည် ---- Anthracnose Powndery Mildew Downey Mildew ကဲ့သို့သောစပျစ်တွင် အဓိကကျရောက်ဖြစ် ပွားတက်သည့် ရောဂါများကို အထူးကာကွယ်ကုသနိုင်သည့် ဆေး တစ်လက်ဖြစ်ပေသည်။ ဆေးအချိုးအစား တွက်နည်းမှာ အချိုးအစားဆိုသည့်အတိုင်း အချိန်အတွယ်တူသည့်ယူနစ်တစ်မျိုးထဲဖြင့် ချိန်တွယ်ရပါမည်။ ထို့ကြောင့် ဆေးဖျော်ရာတွင်ပါဝင်သည့် ဒုတ္ထာ ထုံး ရေ တို့ ဒြပ်သတ္ထု မတူညီကြပါဘူး။ထို့ကြောင့် ဘုံယူနစ်တစ်ခုကို တွက်ယူရပါမယ်။ (3:3:100) အချိုးကို ပထမ တွက်ကြည့်ရအောင် (3:3:100) အချိုးမှာ ဒုတ္ထာသုံးဆ ထုံးသုံးဆ ရေအဆ(100) ကို ဆိုလိုပါတယ်။ဒိသုံးမျိုးယူနစ်တစ်ခုထဲဖြစ်စေရန် ဘုံယူနစ်ရှာကြည့်ရ မည်။ ရေ (1) ဂါလံ = 10 ပေါင် တစ်ပေါင် = 28 ကျပ်သား ဒိတော --- ရေ ၁၀၀ ပေါင်ဆို = 10 ဂါလံ ရမည်။ ရေ ၁၀၀ ပေါင်မှာ ဒုတ္ထာ (3%) ဆိုတော့ 3 ပေါက်ပေါ့။ ရေ ၁၀၀ ပေါင်မှာ = 10 ဂါလံ ဒုတ္ထာ ၃ ပေါင်း ×28 = 84 ကျပ်သား ထုံး ၃ ပေါင် × 28 = 84 ကျပ်သား ဒါဆိုတော့ (3:3:100) အချိုးမှာ ( ဒုတ္ထာ 84 ကျပ်သား : ထုံး 84ကျပ်သား : ရေ ၁၀ ဂါလံ ) ရရှိပါမည်။ အထက်ပါဆေးအချိုးအစားသည် အရွက်နုရှိသည့်အပင်များ ကိုင်းအညွန့်နုသည့်အပင်များကို ပတ်ဖျန်းအသုံးပြုပါက အရွက်များခြောက်ကာကြွေကြသွားနိုင်ပါတယ် တစ်ချို့အပင်နုတွေ သေသွားနိုင်ပါသည်။ဒီနေရာတစ်ခုတွေးတောစရာရှိပါတယ်။ ပါမောက္ခ Millardet စမ်းသပ်ချိန်ကာလက စပျစ်ပင်တွေမှာ Downey Mildew ကျရောက်နေတာဆိုတော့ Downey Mildew ဆိုတာ အရွက်နုတွေမှာဘယ်သောအခါမှ စတင်ကျရောက်ခြင်း မရှိဘူး အရွက်မနုမရင့် တွေမှာစတင်ကျရောက်ပြီး ထိုမှ အရွက်ရင့်များသို့ကူးစပ်ကာ နောက်ဆုံး တွင်သာ အရွက်နုပါမကျန်ကျရောက်တက်သည့် ရောဂါမျိုး ဖြစိပါသည်။Downey Mildew ကျရောက်ချိန်သည်များသောအား ဖြင့် ကိုင်းမွေးကိုင်းအောင်ပြီး အပင်အနားပေးခါနီး အချိန်ဖြစ်သည့်အတွက် စပျစ်ပင်အတွက် အရွက်တွေကျန်တာမကျန်တာသိပ်ဂရုစိုက် စရာမလိုသည့်အချိန်ဖြစ်ရင်ဖြစ်နေမယ်။ထိုအချိန်မျိုးတွင် မှိုရောဂါနှိမ်နင်းရေးကိုသာအဓိကထား၍ ဆေးပြင်းမြင့်မြက့် အသုံးပြု တာလည်းဖြစ်နိုင်ပါတယ်။ထိုကဲ့သို့အချိန်ကိုက်အသုံးပြုခဲ့မည်ဆိုပါက စပျစ်ကိုင်းများတွင် မွေးကိုင်းအောင်ပြီးသား အနေအထားမျိုးဖြစ်နိုင်ပေ သည်။အထက်ပါ (3:3:100) အချိုးသည်စပျစ်ပင်ပင်စည်များ သရက်ပင်ပင်စည်းများ သုတ်လိမ်းပတ်ဖျန်းပေးရန်သာ သင့်တော်ပါသည်။ ထို့ကြောင့် စပျစ်ဝါသနာရှင်များအနေဖြင့် မိမိစိုက်ပျိုးထားသည့် စပျစ်ပင်လေးများ၏ ခံနိုင်ရည်အားနှင့် ရောဂါအခြေအနေ ရာသီဥတုအခြေအနေများကို ချင့်ချိန်သုံးသပ်ကာ အသုံးပြုသင့်ပေ သည်။ပြည်တွင်းစိုက်စပျစ်ပင်လေးအတွက် အသင့်တော်ဆုံး အချိုးအစား မှာ--- ရေဂါလံ 20 တွင် ဒုတ္ထာ (15) ကျပ်သား ထုံး (15) ကျပ်သား မှ ရေဂါလံ 20 တွင် ဒုတ္ထာ (20) ကျပ်သား ထုံး (15) ကျပ်သား ရေဂါလံ (20 ) တွက် ဒုတ္ထာ (25) ကျပ်သား ထုံး (20) ကျပ်သား စသည်ဖြင့် မိမိစပျစ်ပင်၏ အခြေအနေနှင့် ရာသီဥတုအခြေအနေ ရောဂါအခြေအနေများကို သုံးသပ်ကာ သင့်တော် သလို ချိန်ဆ အသုံးပြုသင့်ပေသည်။ ဘော်ဒိုဆေးရည်ဖျော်စပ်ရာ၌ စပျစ်ပင်အစာချက်အားကောင်း စေရန်နှင့် မှိုရောဂါပိုမိုထိရောက်စေရန် ကန့်ထည့်နိုင်ပါသည်။ကန့်ကို ထုံးနှင့်ဆတူထည့်ပေးရသည်။ ဖျော်စပ်ပုံ ပထမ ရေဂါလံ 20 တွင် ထုံးကို ရေစစ်သို့မဟုတ် ဆန်အိပ်အပါးစဖြင့် စစ်၍ဖျော်ပါ။ထို့နောက် ကန့်ကို အိမ်သုံးဆပ်ပြာ အနည်းငယ် (3 ဇွန်းခန့်)ထည့်၍ ရေစစ် သို့မဟုတ်ဆတ်အိပ်အပါးစ တွင်ရောနယ်၍ စစ်ဖျော်ပါ။ထို့နောက် ဒုတ္ထာအရည်လောင်းထည့်ပါ။ ဒုတ္ထာ အရည်ပျော်စေရန် ဖိုက်ဘာဆေးဘူးခွံထဲတွက် လိုအပ်သည့်အချိုး အစားတိုင်ထည့်၍ ရေနွေးပူလေးလောင်းထည့်ကာ ဖျော်ပါ။ထို့နောက် ထုံး ကန့်ဖျော်ရည်ထဲသို့ထည့်၍ မွှေပေးပါ။ ပတ်ဖျန်းအသုံးပြုနိုင်ပါပြီ။