ငါးပြေမ နွေပိုင်းမွေးရင် မွေးလိုအဆင်ပြေကြလာ ရောဂါကျပီး အသေပျောက်များလာ သိချင်လိုပါ သိတဲ့ ဆရာများကူညီပီးဖြေပေး...

ငါးပြေမကိုနွေပိုင်းမှာမွေးမြူလို့ရပါတယ်၊ ဒါပေမဲ့စီမံခန့်ခွဲမှုမမှန်ရင်ရောဂါကျပြီးအသေအပျောက်များနိုင်ပါတယ်။ (က) အကျိုးရှိအချက်များ - ၁။ ငါးပြေမသည် အပူခံနိုင်တဲ့ငါးမျိုးဖြစ်လို့နွေရာသီကိုခံနိုင်ပါတယ်။ ၂။ လေရှုနိုင်တဲ့ Labyrinth organ ရှိလို့ပျော်ဝင်အောက်ဆီဂျင်နည်းတဲ့ရေထဲမှာတောင်အသက်ရှင်နိုင်ပါတယ်။ (ခ) အခက်အခဲများ ၁။ ရေအပူချိန် ၃၂ - ၃၆°C ကျော်လာရင် Stress ဖြစ်လာနိုင်တယ်။ ၂။ ရေညစ်ညမ်းမှုဖြစ်၊ အောက်ဆီဂျင်နည်း၊ အစာကျွေးတာမမှန်ရင်ရောဂါဖြစ်လွယ်တယ်။ ၃။ အထူးသဖြင့်ငါးဖျန်းအရွယ်တွေအသေအပျောက်များနိုင်တယ်။ (ဂ) သတိပြုရမဲ့အချက်များ ၁။ ကန်ရေအပူချိန် ၂၈ - ၃၂°C အတွင်းရှိအောင်ထိန်းထားရန်။ ၂။ ကန်ရေအနက်ကို အမြဲ ၄ - ၅ ပေရှိနေစေရန်ထားပေးရန်။ ၃။တတ်နိုင်ပါကရေလဲပေးရန် (၂၀ - ၃၀%) လိုအပ်ခဲ့လျှင် ၄။ ရေအနက် ၄ ပေအေါက်ရောက်ခဲ့လျှင် ကန်ရေပြင်ဧရိယာရဲ့ ၅ - ၁၀ %လောက်အရိပ်ရရေပေါ်ပင်တွေ(ဥပမာ - ဗေဒါပင်) ကိုဘောင်ခတ်ပြီးထားပေးရန်။