ပဲတီပင် အဝါပြောက်တွေ ဖြစ်တာ ဘာကြောင့်လဲ... ရှေ့ဆက် အဝါပြောက်တွေ တိုးမလာအောင် ဘာဆေးဖျန်းပြီး ကာကွယ်သင့်လဲ......

ပုံပါအရ အဝါရောင်မိုစေ့ဗိုင်းရပ်ရောဂါလက္ခဏာပါ။ယင်ဖြူစုပ်စားပိုးမနိုင်လို့ကျတာပါ။ အရွက်ဝါသွားသည့်အပင်များကတော့မကောင်းနိုင်တော့ပါဘူးဗျ၊ဝါသွားသည့်အပင်များ အနည်းငယ်သာရှိသေးပါက စိုက်ခင်းအဝေးနှုတ်ယူမီးရှို့ဖျက်ဆီးပါ။ ယင်ဖြူ (Tobacco whitefly: Bemisia tabaci) ကာကွယ်နှိမ်နင်းနည်းများ ၁။ ခံနိုင်ရည်ရှိသော မျိုးများဖြစ်သည့် ပဲတီစိမ်းမျိုးများကို ရွေးချယ်စိုက်ပျိုးပါ။ ၂။ မစိုက်ပျိုးမီ အီမီဒါကလိုပရစ် (၂-၃) ဂရမ်လျှင် မျိုးစေ့တစ်ကီလိုနှုန်းနှင့် မျိုးစေ့လူးနယ်ပါ။ ၃။ အရွက်အောက်မျက်နှာပြင်ကို အမြဲကြည့်ရှုခြင်းဖြင့် ယင်ဖြူကျရောက်မှုကို ကင်းထောက်ပါ။ ၄။ ရာသီတစ်ခုလုံးတွင် ပိုးသတ်ဆေးအုပ်စုတစ်မျိုးတည်း ဆက်တိုက်မသုံးဘဲ ဆေးအုပ်စု ပြောင်းလဲသုံးစွဲပါ။ ၅။ ပေါင်းမြက်များကို ရှင်းလင်းပါ။ ၆။ အခင်းများတွင် ခြောက်သွေ့ချိန်၌ မီးရှို့၍ မီးခိုးမှိုင်းတိုက်ပါ။ ၇။ တမာပိုးသတ်ဆေးကို (၁) ပတ်လျှင် (၁) ကြိမ် ပက်ဖျန်းပါ။ ၈။ ယင်ဖြူသည် အဝါရောင်ကို ဆွဲဆောင်မှုရှိသောကြောင့် အဝါရောင်ဆေးကပ်သည့်ကတ်ပြားများ (yellow sticky trap) ကို အခင်းအတွင်း ချိတ်ဆွဲခြင်းဖြင့် ယင်ဖြူကျရောက်မှုကို ကြိုတင်သိရှိထောက်လှမ်းနိုင်ပါသည်။ ၉။ ယင်ဖြူအကောင်ကြီးများသည် ငွေရောင်အရောင်လက်မှုကို ကြောက်ရွံ့သောကြောင့် အခင်းများအတွင်း အရောင်ပြန်စေသည့် ပလတ်စတစ်စများကို စိုက်ခင်းပေါ်တွင် ထားခြင်းအားဖြင့် ယင်ဖြူပေါက်ဖွားမှုနှင့် ဖျက်ဆီးမှုကို လျော့ချနိုင်ပါသည်။ ၁၀။ အခင်းများအတွင်း စွန့်ပစ်ထားသော အပင်အပျက်အစီးများကို ဖျက်ဆီးမီးရှို့ပစ်ပါ။ ၁၁။ သာမန်ထက် နေကျထက်များပြားစွာကျရောက်ပါက အောက်ပါပင်လုံးပြန့်ပိုးသတ်ဆေးတစ်မျိုးမျိုးဖြင့် ပိုးသတ်ဆေးဘူး၊ အိတ်ပေါ်ပါအညွှန်းအတိုင်း ပက်ဖျန်းနိုင်ပါသည်။ ဒိုင်မီသိုအိတ် (Dimethoate) ဖီပရိုနေးလ် (Fipronil) အဆီတာမီပရစ် (Acetamiprid) စပီရိုမက်စီဖန် (Spiromesifen) ဤအဖြေဖြင့်ပြေလည်ပါကဤအဖြေဖြင့်ပြေလည် သည်သတ်မှတ်ပေးနိုင်ပါတယ်၊နောက်ထပ်သိချင်တာများလည်းမေးထားနိုင်ပါသေးတယ်