ဖရဲစိုက်ချင်တယ် ဘယ်မျိုးစေ့နဲ့ ဘယ်အချိန်မှာစိုက်ရမလဲဗျ

မိတ္ထီလာမြို့နယ်ဟာ အပူပိုင်းဒေသဖြစ်တဲ့အတွက် ဖရဲကို ဆောင်းရာသီ နဲ့ နွေဦး ကာလတွေမှာ အဓိကထား စိုက်ပျိုးကြပါတယ်။ အောက်တိုဘာ/နိုဝင်ဘာ ဒီအချိန်ဟာ အညာဒေသမှာ ဖရဲစိုက်ဖို့ အကောင်းဆုံးအချိန်ဖြစ်ပြီး ဇန်နဝါရီလောက်မှာ အသီးစတင်ခူးဆွတ်နိုင်ပါတယ်။ဇန်နဝါရီ/ဖေဖော်ဝါရီလမှာကနွေဖရဲအဖြစ် စိုက်ပျိုးနိုင်ပြီး ဧပြီလ (သင်္ကြန်ကာလ) မှာ ရိတ်သိမ်းနိုင်ပါတယ်။ ဒါပေမဲ့ နွေရာသီမှာ ရေသွင်းနိုင်ဖို့ ရေအရင်းအမြစ် (ဥပမာ- ကန်ရေ သို့မဟုတ် မြေအောက်ရေ) သေချာရှိဖို့ လိုအပ်ပါတယ်။ မျိုးတွေကတော့ ကျောက်စိမ်းမျိုး (Green Jade)ကအညာဒေသရဲ့ အပူဒဏ်ကို ခံနိုင်ရည်ရှိပြီး အသားကျစ်ကာ အချိုဓာတ်များတဲ့အတွက် ဒေသတွင်းဈေးကွက်မှာ ရောင်းပန်းလှပါတယ်။ 855 ဖရဲမျိုးက တရုတ်ဈေးကွက်ကို တင်ပို့ဖို့ ရည်ရွယ်ရင်တော့ ဒီမျိုးက အကောင်းဆုံးပါ။ဒုံးကျည်ဖရဲကအခွံပါးပြီး အသားနီရဲတဲ့အတွက် ပြည်တွင်းဈေးကွက်မှာ လူကြိုက်များပါတယ်။