ဆရာကြီးခင်ဗျ မိုးရာသီ မိုးရွာဆက်နေလေတော့ ဆေးဖျန်းဖို့နေသာချိန်စောင့်ရတာ မလွယ်ဘူးဗျ အဲ့တော့ ကျနော်တို့ဆေးဖျန်း...

အခုနှမ်းရိုးမဲတွေလဲကျနေတယ် နှမ်းရိုးပျောက်လို့ခေါ်တဲ့ရောဂါလဲကျနေတယ်ဘယ်လိုဆေးတွေသုံးရမလဲဗျ မိုးကရွာနေတော့ အပင်တွေကပိုဆိုးနေလို့ဗျ

မိုးရာသီမှာ ဆေးဖျန်းရတာ တောင်သူတိုင်း ကြုံတွေ့ရတဲ့ အခက်အခဲတစ်ခုပါပဲခင်ဗျာ။ကော်ရည် ထည့်ဖျန်းရင်တောင်မှ ဆေးဖျန်းပြီး ၁ နာရီ၊ ၂ နာရီအတွင်း မိုးပြန်ရွာချလိုက်ရင် ဆေးအာနိသင် တော်တော်များများ မိုးရေနဲ့အတူ မျောပါသွားတတ်လို့ အဆင်မပြေနိုင်ပါဘူးခင်ဗျာ။ပိုးသတ်ဆေး/မှိုသတ်ဆေးတွေ အပင်ထဲကို စိမ့်ဝင်ဖို့နဲ့ အရွက်ပေါ်မှာ ကောင်းကောင်းခြောက်သွေ့ ကပ်ငြိဖို့အတွက် ဆေးဖျန်းပြီးနောက် အနည်းဆုံး ၃ နာရီကနေ ၄ နာရီခန့် မိုးလွတ်ဖို့ လိုအပ်ပါတယ်ခင်ဗျာ။မိုးရာသီ ဆေးဖျန်းတဲ့အခါ ထိရောက်မှုရှိအောင်မိုးရာသီမှာ အရွက်မျက်နှာပြင်ပေါ်တင် ကျန်ခဲ့တဲ့ ထိသေဆေးတွေထက် အပင်ထဲကို လျင်မြန်စွာစိမ့်ဝင်နိုင်တဲ့ ပင်လုံးပြန့်ဆေး အမျိုးအစားတွေကို ရွေးချယ်ဖျန်းပေးပါ။ကော်ရည်ရွေးချယ်တဲ့အခါ အရွက်ပေါ် ဆေးပျံ့နှံ့မှု အရမ်းမြန်ပြီး မိနစ်ပိုင်းအတွင်း အရွက်ထဲစိမ့်ဝင်အောင် ကူညီပေးနိုင်တဲ့ စီလီကွန်အခြေခံ (Silicon-based) ကော်ရည်မျိုးကို ရွေးသုံးပေးပါ။မိုးအုံ့နေရင် ဆေးမဖျန်းပါနဲ့ဦး။ ဖုန်းထဲက မိုးလေဝသ App မှာဖြစ်ဖြစ်၊ တိမ်အခြေအနေကိုဖြစ်ဖြစ် ကြည့်ပြီး ဆေးဖျန်းပြီးရင် အနည်းဆုံး ၃ နာရီလောက် မိုးလွတ်နိုင်မယ့် အချိန် (ဥပမာ- နံနက်စောစော မိုးစဲခါစ အချိန်မျိုး) ကို ရွေးချယ်ဖျန်းပေးပါခင်ဗျာ။