ခရမ်းနဲ့ ထောပတ်ပဲကို ပျိုးပြီး စစိုက်ထားတာ ၁ပတ်လောက်ရှိပြီ သူတို့အတွက် အစာ ရေနဲ့ ဆေးကို အခုကစပြီး ဘယ်လိုတွေ...

ခရမ်းခင်းအတွက် ပေါင်းသတ်ဆေး ရွေးချယ်ရာတွင် ဆေးဒဏ်မခံနိုင်သဖြင့် အလွန်သတိထားရပါမယ်။ စိုက်ပြီးနောက် မြက်ပင်များအတွက် ကွီဇလိုဖော့-ပီ-အီသိုင်း (Quizalofop-p-ethyl) ကို သုံးနိုင်သော်လည်း ရွက်ပြန့်ပေါင်းများကိုမူ လက်ဖြင့်သာ နှုတ်ရပါမယ်။ ခရမ်းပင် သန်မာစိုပြည်စေရန် ကြီးထွားမှုအဆင့်တွင် ယူရီးယား၊ ကွန်ပေါင်း မြေဩဇာကျွေးခြင်းနှင့် အမိုင်နိုအက်ဆစ်အားဆေး ဖျန်းပေးရပါမည်။ ပန်းပွင့်အသီးတင်ချိန်တွင် အပွင့်မကြွေဘဲ အသီးတင်မှု အားကောင်းစေရန် ကယ်လ်ဆီယမ်-ဘိုရွန်ပါသော အားဆေး ဖျန်းပေးပြီး၊ အသီးကြီးထွား အရောင်တောက်ရန် ပိုတက်ဆီယမ် မြင့်မားသော မြေသြဇာ ကျွေးခြင်းသို့မဟုတ် ရွက်ဖျန်းအားဆေးများ ဖျန်းခြင်း ဆောင်ရွက်ရပါမယ်ခင်ဗျာ။

ဒီခရမ်းအတွက်လည်း ဖျန်းရမယ့်ပေါင်းသတ်ဆေးနဲ့ အစာ/ဆေးလိုအပ်ချက်လေး ပြောပေးပါအုံး ဖြေပေးတာ ကျေးဇူးပါဗျ

အပင်က စဥ်ဝင်ခါနီးဖြစ်နေပါပြီ လောလောဆယ် လိုအပ်တဲ့ဆေးနဲ့အစာလေး ညွှန်ပေးပါအုံး

သက်တမ်း ၁ ပတ်ရှိ ထောပတ်ပဲပင်ငယ်များတွင် အောက်ရွက်တစ်ရွက်နှစ်ရွက် ဝါခြင်းမှာ အာဟာရဓာတ် (နိုက်ထရိုဂျင်) ချို့တဲ့ခြင်း သို့မဟုတ် ရေဝပ်ခြင်းကြောင့် အဖြစ်များပါသည်။ အပင်ငယ်စဉ်တွင် ရေကို မြေစိုရုံသာလောင်းရမည်ဖြစ်ပြီး ကောင်းစွာဆွေးမြည့်သော သဘာဝမြေဆွေးကို အပင်ခြေ၌ ပါးပါးကျွေးပေးသင့်ပါသည်။ ပြင်းထန်သော ဓာတုဆေးများကို မသုံးစွဲသင့်သေးဘဲ သဘာဝတမာဆေးကိုသာ အားကိုးသင့်ပါသည်။ ရောဂါပိုးမွှားများ ခိုအောင်းပွားများခြင်းမှ ကာကွယ်ရန်နှင့် အပင်အာဟာရ မဖြုန်းတီးစေရန်အတွက် ဝါနေသောအောက်ရွက်များကို ဆွတ်ခူးဖယ်ရှားပစ်နိုင်ပါတာ်ခင်ဗျာ။