အခုလိုမျုိး‌ရောဂါကို မြန်မြန်ပျောက်အောင်ဘယ်လိုလုပ်ရမလဲဗျာ တခင်းလုံး ကူးနေလို့ပါ ကူညီကြပါအုံးဗျာ

ပုံပါမြေပဲပင်တွင် ဖြစ်ပွားနေသည်မှာ မြေဆောင်မှိုကြောင့်ဖြစ်သော မြေပဲ ခါးရိရောဂါ (ခေါ်) ပင်စည်ပုပ်/ပင်ခြေပုပ်ရောဂါ ဖြစ်ပါတယ်။ ရောဂါသည် စိုက်ခင်းအတွင်း တစ်ပင်မှတစ်ပင်သို့ ကူးစက်မှု အလွန်မြန်ဆန်သောကြောင့် Hymexazol သို့မဟုတ် Foestyl -Al သို့မဟုတ် ကာဘင်ဒါဇင် (Carbendazim) ကဲ့သို့သော ပင်လုံးပျံ့မှိုသတ်ဆေးတစ်မျိုးမျိုးကို အပင်ခြေနှင့် မြေဆီလွှာထဲအထိ စိမ့်ဝင်အောင် အမြန်ဆုံး နှံ့စပ်အောင် ဖြန်းပေးရပါမည်။ ရောဂါမကျသေးသောအပင်များအတွက်Azoxystrobin မှိုသတ်ဆေးကို အပင်အပေါ်ပိုင်း ဖျန်းပေးခြင်းဖြင့်လည်း အသေအပျောက်နည်းရန်ကာကွယ်နိုင်မည်။ရေရှည်အတွက်မူ ရောဂါရအပင်များကို နှုတ်ယူမီးရှို့ခြင်း၊ စိုက်ခင်းရေမဝပ်စေရန် ရေမြောင်းဖော်ခြင်းနှင့် ထရိုင်ကိုဒါးမား (Trichoderma) ဇီဝမှိုကို နွားချေးဆွေးနှင့်ရော၍ အပင်ခြေကျွေးခြင်းတို့ကို ပြုလုပ်ပေးနိုင်ပါသည်။ နောက်ရာသီများတွင် ဤရောဂါထပ်မံမဖြစ်ပွားစေရန် စိုက်ပျိုးခါနီးတိုင်း မျိုးစေ့ကို မှိုသတ်ဆေးဖြင့် စနစ်တကျ လူးနယ်စိုက်ပျိုးရန် အထူးလိုအပ်ပါသည်။