မြေပဲခင်းကိုငါအမိုင်နိုနဲ့လက်ချားရွက်ဖျန်းရောပတ်လို့ရလား

Question

သော်ဇင် · Accepted Answer

မြေပဲခင်းတွင် ငါးအမိုင်နိုအက်ဆစ်နှင့် လက်ချား (ဘိုရွန်ဓာတ်) ကို ရောစပ်ပက်ဖျန်းခြင်းသည် ပြုလုပ်နိုင်ပြီး အပင်သန်မာကာ ဥအောင်စေရန် များစွာအထောက်အကူပြုပါသည်။ ငါးအမိုင်နိုအက်ဆစ်က နိုက်ထရိုဂျင်နှင့် အမိုင်နိုအက်ဆစ်ကို ပေးစွမ်းပြီး လက်ချားက မြေပဲဥအစေ့အဆန် ပြည့်ဝစေပါတယ်။ အကောင်းဆုံး ပက်ဖျန်းရမည့်အချိန်မှာ အပင်သက်တမ်း ၂၅ ရက်မှ ၃၅ ရက်အတွင်း (ပန်းပွင့်ချိန်နှင့် စွယ်မဆင်းမီ) ဖြစ်ပြီး၊ စွယ်ဆင်းနေချိန်တွင် ဖျန်းပါက ဥဥမှုကို ထိခိုက်စေနိုင်သဖြင့် ရှောင်ကြဉ်ရပါမယ်။ လက်ချားကို အသုံးမပြုမီ အမှုန့်ဖြစ်ရန်လိုအပ်ပြီး အပင်လောင်ခြင်းမှ ကာကွယ်ရန် နေပူပြင်းချိန်ကို ရှောင်၍ နံနက်စောစော သို့မဟုတ် ညနေခင်းတွင်သာ အချိုးအစားမှန်ကန်စွာ ပက်ဖျန်းပေးရပါမယ်ခင်ဗျာ။

ဒို့ဦး​လေး · Answer

သဘာဝပစ္စည်းတွေချည်းဆိုရင် ရောဖျန်းလို့ရနိုင်ပါတယ်။လက်ချားက အမှုန့်ပြုလုပ်ပြီးသားဆိုရင်ပေါ့။

သော်ဇင် · Answer

ငါးအမိုင်နိုအက်ဆစ်၊ လက်ချားမှုန့်နှင့် ပုလဲဓာတ်မြေဩဇာ (ယူရီးယား) ၃ မျိုးလုံးကို ရောစပ်ပက်ဖျန်းခြင်းသည် အဆင်ပြေရုံသာမက အပင်ကို ပိုမိုသန်မာထွားကျိုင်းစေပါသည်။ သို့သော် မြေပဲပင်သည် လေထဲမှ နိုက်ထရိုဂျင်ကို ဖမ်းယူနိုင်သည့် အပင်မျိုးဖြစ်သောကြောင့် ပုလဲမြေဩဇာကို အလွန်အကျွံ မသုံးမိရန် အထူးသတိပြုရပါမယ်။ ယူရီးယား အချိုးအစား များသွားပါက အပင်မှာ အရွက်များသာ ဝေဆာပြီး မြေပဲဥ မဥဘဲ အပင်ယိုင်လဲခြင်း သို့မဟုတ် ပိုးမွှားကျရောက်ခြင်းများ ဖြစ်ပွားနိုင်လို့ပါ။ ထို့ကြောင့် ပုလဲမြေဩဇာကို ဆေးဖျန်းပုံးတစ်ပုံးလျှင် ဟင်းစားဇွန်း (၁) ဇွန်း သို့မဟုတ် (၂) ဇွန်းထက်မပိုသော အချိုးအစားအနည်းငယ်သာ ထည့်သွင်းရမည်ဖြစ်ပြီး၊ ပန်းပွင့်ချိန်နှင့် စွယ်မဆင်းမီအချိန် (အပင်သက်တမ်း ၂၅-၃၅ ရက်) တွင် နေအေးချိန်၌ ပက်ဖျန်းရန် အကောင်းဆုံးဖြစ်ပါတယ်ခင်ဗျာ။

သန်းထိုက်အောင် · Answer

ငါးအမိုင်နိုနဲ့.လက်ချားအမှုန့်နဲ့.ပုလဲလေးနဲနဲထည့်ခြင်တာကောအဆင်ပြေနိင်လားဗျ.....မနှစ်ကလက်ချားအမှုန့်နဲ့ပုလဲနဲ့ရောပတ်တာတော့မြေပဲဥမစိုးလို့.ဒိနှစ်ငါးအမိုင်နိုပါထည့်ကြည့်ခြင်လို့အဆင်ပြေနိင်လား..ဆရာတို့

သန်းထိုက်အောင် · Answer

ဟုတ်ကဲ့အခုလိုဖြေကြားပေးတဲ့အတွက်ကျေးဇူးပါ..

မြေပဲခင်းကိုငါအမိုင်နိုနဲ့လက်ချားရွက်ဖျန်းရောပတ်လို့ရလား

ဖြေကြားချက် ၅ ခု