စပါး နိုက်ထရိုဂျင်ကျွေးတဲ့အခါတစ်ဧကဘယ်လောက်ကျွေးရမလဲ ဘယ်လိုကျွေးရမလဲ သိချင်ပါတယ်ရှင်ပြပေးပါဦဆရာ

အသက် (၁၇) ရက်သားရှိသော စပါးစိုက်ခင်းသည် ပင်ပွားထွက်ခါစ ကာလဖြစ်သဖြင့် နိုက်ထရိုဂျင်ဓာတ်ကို အဓိက လိုအပ်ပါတယ်။ အထွက်နှုန်း ကောင်းမွန်စေရန် တစ်ဧကလျှင် ယူရီးယားဓာတ်မြေဩဇာကို မြေဆီလွှာအခြေအနေအလိုက် ချင့်ချိန်၍ ပင်ပွားအားပေးမြေဩဇာအဖြစ် စတင်ကျွေးရပါမယ်။ မြေဩဇာမကျွေးမီ စိုက်ခင်းအတွင်းရှိ ပေါင်းမြက်များကို ကြိုတင်ရှင်းလင်းထားရမည်ဖြစ်ပြီး၊ မြေဩဇာအာဟာရ လေလွင့်မှုမရှိစေရန်အတွက် စိုက်ခင်းအတွင်း ရေအနက်ကို လက်မဝက်မှ တစ်လက်မခန့်သာ အနည်းငယ်ချန်၍ လေငြိမ်သော မနက်အစောပိုင်း သို့မဟုတ် ညနေပိုင်းတွင် ခင်းလုံးအနှံ့ သမအောင် ကြဲပက်ကျွေးရပါမည်။ စပါးစိုက်ခင်းအတွက် ပင်ပွားအားပေးရန် အဓိကလိုအပ်သော ယူရီးယား (နိုက်ထရိုဂျင်) ဓာတ်မြေဩဇာ ပမာဏမှာ တစ်ဧကလျှင် ၃၅ ပေါင် မှ ပေါင် ၅၀ (အိတ်ဝက်ခန့်) ဖြစ်ပါတယ်။ မြေဩဇာကို မကြဲမီ စိုက်ခင်းအတွင်းရှိ မြေဩဇာဓာတ် အငွေ့ပျံလေလွင့်မှု မရှိစေရန်အတွက် လယ်ကွက်အတွင်း ရေကို ၁ လက်မခန့်သာ အနည်းငယ် ချန်ထားရပါမည်။ ထို့နောက် လေငြိမ်ပြီး အေးသော နံနက်အစောပိုင်း သို့မဟုတ် ညနေပိုင်းတွင် သတ်မှတ်ပမာဏအတိုင်း ခင်းလုံးအနှံ့ သမအောင် ကြဲပက်ကျွေးရပါမယ်ခင်ဗျာ။ ပုလဲသည် စပါးပင်အရွက်အရောင်ကြည့်၍ကျွေးခြင်းက ပို၍ကောင်းမွန်ပါတယ်ခင်ဗျာ။